Aposel 11:12 - Basef Buꞌwami Godi

¹² Ea' Ambal Bu'unai Godi na'ipi na'i, ‘Ina okom netanea, owa'. Ine' fo'o noloma amam.’ Amam sahope amama wanom wanom mafe' malome. Ea' afa' wafe' wawis ipat aman anama

Aposel 11:12 Iomraidhean Croise

Matyu Nandaꞌafi 1:20

Anan nape ata' okom nandanda'ma amama atom, ea' na'oh nandondo'oh, anona ensel Dembinai natagamana na'ipana na'i, “Josep, ine' akunamena Deviti, ina umbamehenama neao'wa waulu'mina ine'ikwi Maria, owa'. Dei' main, awani inima napei'wi, Ambal Bu'unai Godi nafi'mai akwa'w.

Jon Nandaꞌafi 16:13

Nemaf anama Ambal Bu'unai Godi na'i basef endilisimi atomi niefi'i, nihi'ambepa ma basef hiami endilisimi. Anan ina nowalapa basef nomonas ananimi atom, owa'. Basef name'am ea', amama atom nowalapam ni'ipipam. Ama ni'ipipa amamaga amama ma'i anona nemaf migi' meatagai.

Aposel 1:15

Anom nimeguf mafe'ma ea', esis Kristen 120-peleis hiesi sandatama etifigin sape ea' Pita nohafel naitu na'i,

Aposel 10:23

Ea' Pita na'ipam mawis ipat nomon nao'wam numafiam mape owamb anama. Wafilu nohafel nafe' nalomam. Anom amam Kristen Jopaimi mafe' malomana.

Aposel 10:45

Amam amama Judaimi mombale'efi mafi'i malumai Pitai mohafel gegelalasom kwapete'am ma mati God nase'asa Ambal Bu'unai Ananinai etin si'i presena esis amam nematawa owa' Judaisi wapoti'.

Aposel 11:13

na'ipafa ma nati ensel naitumana nomon gani ipat ananinai na'ipana na'i, ‘Ine' nesapa' anom amam mefe' Jopa mi'ipa Saimon agel wa'ana Pita ma nifi'mai ine'.

Aposel 13:2

Esis Kristen sakwaha gwa'aimi sanda' lotuma God atona sape. Ea' Ambal Bu'unai Godi na'ipas na'i, “Ipe' pendandepa Barnabas naloma Sola maol anama ae' efalam andandepam meanda'anai.”

Aposel 13:4

Ambal Bu'unai Godi nasapa' amam biam mafe' makini' anona wambel Selusia. Ea' malata anona sip mefa'am mafe' anona ailan Saiprus.

Aposel 15:7

Amam ma'i basef hiami ma ea', Pita nohafel naitu na'ipam na'i, “Ipe' sahin owan, ipe' pegawa fowa' God nawaloga maola afa', ea' Anan nasahe'e ae' ea' ewalapa basef bu'wami ananimi ma enis epes owa' Judaisi seme'am sembale'efa God.

Aposel 15:9

Anan ina nanda' anona wafa ape' ea' nonda' anona waf esis, owa'. Esis sembale'efa God amama atom opalef asasimi mataga bo'om si'i afa'.

Aposel 28:15

Esis Kristen sape Romi same' basefa afa' wafi'i, enis safi'i sotambel Maket wambel Apiusi, ea' enis safi'i sotambel wambel agel anama sa'i ifagw wanom sanda' fi'i fe' sapeimi. Ea' satolofa eaf. Pol nati esis, nandanifel nanifela God okom ananinai bo'ona.

Aposel 8:29

Ea' Ambal Bu'unai Godi na'ipa Filip na'i, “Ine' fo'o felefele'ma aman anama nefe' neloma karis nanima.”

Basef Amama Pol Nandaꞌam Mafeꞌma Esis Romi 3:22

Waf anama na'ama. Emi egafis sembale'efa Jisas Kraisi, isima God nofalas na'i epes bu'wasi. Ea' ape' epes hiapai mombale'efa Kraisi, God nanda'apa na'ama etin, esis Juda saloma isima owa' Judaisi wapoti'.

2 Tesalonaika 2:2

Enis epes sa'ipipa sa'i nemaf Dembinai anona nemaf niefi'ianai nataga ea'. Ae' ine' egawa. Basef amama Ambal Bu'unai Godi na'ipanam enin epen na'ipi pas o enin epen na'iam okom ananinai atona o esis sa'i afa' wanda' basef amama wasapa'am mafo'o wa'ipasa basef amama? I'i peme'asa basef amama, ipe' ina pehafel gegelalasipa kwapete' mehip ea' ukup ipe'imi aom, owa'

Revelesen 22:17

Ambal Bu'unai Godi naloma nemata'w Sipsip Noganai nose'akwi esis sa'i, ‘Ipe' fi'i!’ Ea' emi egafis seme' basef amama, esis si'i basef amama atom si'i, ‘Ipe' fi'i.’ Ea' emi egafis iap nose'asa embel, esis sifi'i. Emi egafis sa'i sogwa' embel, esis sifi'i sea' embel ambal namunai napaimi si'i presen bu'unai God nose'asana na'ai, owa' sotalona otambai.