Aposel 10:38 - Basef Buꞌwami Godi

³⁸ Basef amama, basef Jisas Nasaretinai. God nandandepana na'ama. Anan nase'ana Ambal Bu'unai Ananinai naloma pepel lu'unai Ananinai. Ea' nafe' wambel hiagoma ganigani nagiambama esis amam nematawa. Ea' dei' God nape nalomana nanda' epes hiesi saila pepel Satani ambo'wes wapoti'.

Aposel 10:38 Iomraidhean Croise

Matyu Nandaꞌafi 12:15

Jisas nogawa amam ma'i mohana neaga'. Ea' nakwaha wambel anama nafe' ea' hiesi sailana safe', nanda' isima awes nanda'asi sataga bo'wes.

Matyu Nandaꞌafi 12:28

Endilisi, Ambal Bu'unai Godi nigiambama ae' atofa ambagof amama awami. Ea' dei' ipe' pegawa nemaf anama piowis wambota Godi numafipa dei' natagamepa ea'.

Matyu Nandaꞌafi 9:19

Ea' Jisas nohafel naloma alupumi ananimi malomana mafe' eaf.

Matyu Nandaꞌafi 9:35

Maol Jisas nanda'anai nape na'ama. Anan nohafel nafe' wambel hiagoma na'ipasa basef bu'wami Godi. Nafe' nawis ifagw esis Juda sa'i basef sapeimi na'ipasa siowis kingdom heveni. Anan nagiambama amam nematawa hiesi awes hianai naninani nanda'asi sataga bo'wes wapoti'.

Mak Nandaꞌafi 6:6

Amam nematawa wambel Nasaretisi owa' sembale'efa Anan. Na'ama Anan nomonas matamea mafe'. Ea' Jisas nakwaha wambel ananinai Nasaret nafe' na'ipasa basef Godi amam nematawa wambel hiagoma nape felefele'i.

Luk Nandaꞌafi 3:22

Ea' Ambal Bu'unai Godi nisila'i si'i amil mai'una nufia' nisilamanai. Ea' anona malogel na'i natagai heven ilif na'i anom basef na'i, “Ine' Nogalome ae'inai. Ae' okom nohafel nainailina endilisi. Okom ae'inai bo'ona ma ine'.”

Luk Nandaꞌafi 4:18

“Ambal bu'unai Dembinai nape ae'. Ea' nandandepe ma eawalapa basef bu'wami ma epes isima kwahusi amamaga a'ami. Nasapa'e afi'i ma ewalapa basef na'ama i'i, ‘Ipe' panda' kalabusi pekwaha kalabus pefe' wafifipa. Ipe' epes naep masi'ipei, ipe' piti andeande' wapoti'. Anan nasapa'e afi'i iegiambama isima sofa' nimanimi seape andeande'.

Luk Nandaꞌafi 9:42

Nogalomana ata' nafi'i etin, ambal anama aonai naolana nafe' nowa etap nakoto'ana kwapete' endilisi. Ea' Jisas ninifala ambal aonai nanda' aman anama so'uso'win bo'ona ea' nase'anan notanima nafe'ma ahalomana ananinai.

Luk Nandaꞌafi 9:56

Ea' mafe' anona wambel.

Jon Nandaꞌafi 10:32

Ea' Jisas na'ipam na'i, “Ae' ihi'ambepa ikwaf hianai la'ifinai nataga Ahalomei ea' patolona. Ea' ukup ipe'imi mapoma maina ikwaf ae' ali' anda'anai dei' pa'i pekwaha otamba pehe?”

Jon Nandaꞌafi 16:32

Ipe' peme'. Nogota felefele' notaga, endilisi nataga ea' ma sogalo'ma ipe' hipei atona etin pefe' wambel ipe'inai. Ea' pekwaha ae' atowe epe. Ea' ina ae' atowe epe, owa'. Ahalome nape nalome.

Jon Nandaꞌafi 3:2

Anona owamb nafi'mai Jisas na'ipana na'i, “Dembinai Tisa, ape' mogawa ine', God nasapa'ena nafi'i si'i Dembinai Tisa. I'i owa' God nope noloma anona epen, anan ina la'ifina neanda' maol anama la'ifinai ine' nanda'anai, owa'.”

Jon Nandaꞌafi 3:34

Aman anama God nasapa'ana nafi'i anan nawalapa basef Godi. Ea' God nase'ana Ambal Bu'unai Ananinai nape si'inama anan.

Jon Nandaꞌafi 6:27

Ipe' ina penda' maola pefa' gwa'aimi amama awami folo'olami, owa'. Ipe' penda' maola gwa'aimi bu'wami sagwa'am mape bo'om andeande' la'ela'ef. Gwa'aimi amama ambal namunai nape la'ela'ef. Gwa'aimi amama, ae' ataga epen endilisiwei, ae' atowe nambimb ese'epam ipe'. God nase'e agel lu'unai nesahe'e ea' ma enda' maol anama lu'unai.”

Aposel 10:37

Ipe' pegawa, fowa' Jon nawalapa basefa esis samboma opalefa waf aonai ma sefa' baptais. Nogota anama basef mafe' etap hiagoma Galili ea' mataga anama etap hiagoma Judia.

Aposel 2:22

Ea' Pita na'ipas wapoti' na'i, “Ipe' epes Israelipei, ipe' peme' basef amama. Dei' i'ipipa aman anama Jisas Nasaretinai. Ipe' pegawa maol ahalomana la'ifinai naloma pepel anama God nanda'anai la'afena ipe' ma lagel aman anama. Amama mihi'ambepa andeande' aman anama God nasapa'ana nafi'i.

Hibrui 1:9

Ine' okom naila waf bu'unai nandafa'ma waf aonai sosambala basefanai. Ea' dei' God, Anan God ine'inai, nandandepena nase'ena danifel lu'unai endilisi. Ea' epes hiesi ina sandanifel si'i ine', owa'.”

1 Pita 5:8

Ipe' pimafi alop ipe'inai pindumafuma andeande'. Satan aman aonai nautamepa ipe'inai anan si'i mafin lu'unai wandafunai laion nape aolopi. Anan nafe' noga na'i mehipa na'i niti enis epes nohas nogwa'as.

1 Jon 2:20

Ea' ipe' Krais nase'epa Ambal Bu'unai Godi ea'. Dei' ipe' hipei pegawa basef endilisimi.

1 Jon 3:8

Satan nanda' waf aonai fowa' damba damba nafi'i nafi'i dei' ata' nape la'ela'ef. Emi egafis sanda' waf aonai la'ela'ef sapomanai, esis epes Satani. Nogalomana Godi nafi'i nataga nandawalapa main? Ma nohambombaga opeh Satan nanda'ami.