Aposel 10:36 - Basef Buꞌwami Godi

³⁶ Ipe' pegawa basef amama God na'iam mafe'ma ape' epes hiesi Israeli. Anan nawalapa basef bu'wami Jisas Kraisi, Anan Dembinai ma amamaga hiami maloma epes hiesi nanda'apa mataga ukup etifim maloma God opalef mape awanem malomana.

Aposel 10:36 Iomraidhean Croise

Matyu Nandaꞌafi 10:6

Ipe' pefe' ma esis epes hiesi Israel etisi sape si'i sipsip higilalam.

Matyu Nandaꞌafi 11:27

Ahalome ae'anai nanda' amamaga hiami hi'alam mape lagel ae'anai. Ina enin epen negawa ae' Nogalomana Godi, owa'etin. Anan atona nogawe. Ea' owa' enin epen negawa Ahalome, owa'etin. Ae' Nogalomana ananiwei atowe egawana. Ea' emi egafis ihi'ambasa Ahalomei, isima wapoti' esis etis sogawana.

Matyu Nandaꞌafi 28:18

Ea' Jisas nafi'i felefele'ma amam na'ipam na'i, “God nase'eana agel lu'unai ma pepel ilifanai etapanai ea'.

Luk Nandaꞌafi 1:79

Ama howalama epes sape akoti, ea' isima ga' na'i neatagamasi. Ama nenindina ape' ma meape eaf opalef awanami.”

Luk Nandaꞌafi 24:47

Ama agel ananinai anona nemaf alupusi ananisi sili' sowalapa basef Jerusalem ea' si'ipasam amam nematawa hiesi hi'ilas sape wambel hiagomai ma seamboma opalefa God nokwahomasa waf aonai esis sanda'anai.

Aposel 10:37

Ipe' pegawa, fowa' Jon nawalapa basefa esis samboma opalefa waf aonai ma sefa' baptais. Nogota anama basef mafe' etap hiagoma Galili ea' mataga anama etap hiagoma Judia.

Aposel 11:19

Fowa' amam maha Stiven naga'i manda' nimanimi lu'wami matagama esis Kristen amam nematawa mahas. Ea' esis sembale'efanai safa' safe' ganigani ea' sataga anona wambel Antiok safe' anona etap hiagoma biefigin Saiprus naloma Fonisia sawalapa basef Godi ma esis Juda etis.

Aposel 13:32

Ea' ape' dei' ma'ipipa basef bu'wami ipe'. Amamaga amama fowa' God na'iama na'i nose'asas akusipa ape'isi,

Aposel 13:46

Ea' Pol naloma Barnabas ina umbamaham, owa'. Amam la'ifim ma'ipasam alihim ma'i, “Endilisi, afa' ata' wi'ipipa basef Godi ipe' Juda pili'. Ea' ipe' pewa' alafugaha basef amama. Amama ipe' pa'iam pa'i, ‘Ape' mandaiwa'ma mofa' ambal namunai ma mope andeande' la'ela'ef.’ Ipe' pa'i na'ama dei' ipe' peme'. Afa' dei' okwaha ipe' ofe' ugi'ma epes owa' Judaisi wi'ipasa basef amama.

Aposel 2:36

Ea' dei' Pita na'iam na'ama na'i, “Dei' ape' Israel mogawa isima andeande'. Aman anama Jisas ipe' paundana lawag usi'inai tu'wanainai pahana naga', dei' God nanda'ana nataga nape dembinai anan Krais, God nandandepana nasapa'ana nafi'i.”

Aposel 5:31

Ea' God nofa'ana nalata ilif nahaponana nape lagel da'isinai ananinai. Ea' nape agilinai ma nigiambama ape' Israel hiapai. Anan na'i nofa'apa ma momboma opalef mila God nokwaha waf aonai ape' manda'anai.

Basef Amama Pol Nandaꞌam Mafeꞌma Esis Romi 14:9

Ea' amama atom Krais naga' notanima ambal napaina nohafel wapoti' ma nape Dembinai ma epes isima saga'i saloma isima ata' sape namusi.

Basef Amama Pol Nandaꞌam Mafeꞌma Esis Romi 5:1

Basef ofagema mape mali'i amama, bale'ef ape'inai atona dei' God nofalapa epes bu'upai. Amama atom dei' Dembinai ape'inai Jisas Krais nanda'apa mape opalef etifim awanem maloma God.

1 Korin 15:27

Dei' main, fowa' God na'iam na'ama na'i, “Anona nemaf ae' enda' amamaga hiami moloma epes hiesi wapoti' sefe' owina Anan.” Basef amama ma'i God nanda' amamaga hiami mefe' owina Krais atona. Ea' mogawa basef amama ma'i amamaga hiami amama ina ma'i God, owa'. Anan nanda' amamaga amama hiami mape owina Krais.

1 Korin 15:47

Aman nali'i, God nanda' etap nanda'ana nataga ambal napaina. Ea' aman nagi' natagai, Anan aman ilifanai.

Filipai 2:11

mowalapa basef mi'iam na'ama mi'i, “Jisas Krais Anan Dembinai.” Monda'am na'ama mefela agel Ahalomana Godi nolata ilif endilisi.

Kolosi 1:20

God nanda' amamaga amama hiami mape ilif etapi maloma epes hiesi wapoti' sataga bo'wes sapoma anan. God nanda'am na'ama ma esimbel Kraisi atom malo nemaf anama naga' lawag usi'inai tu'wanainai.

Hibrui 1:2

Ea' dei' nogota anae' si'i nogota anama anona nemaf nigi' neatagai endilisi, nawalapa basef na'ipapa malogel Nogalomana Ananinai. God nandandepana ma nemaf akutainai Anan nope Dembinaima amamaga hiami ma etap anae' moloma esis amam nematawa wapoti'. Anan atona nofa'am numafiam. Fowa' gani God na'i Nogalomana Ananinai nanda' amamaga hiami ambagof mapaimi maloma ambagof a'ami mape ilif etapi hi'alam mataga mape.

Hibrui 13:20

God Anan ofagonama okom awanena. Anan nafela Dembinai ape'inai Jisas nohafel hi'agif wapoti'. Esimbel Jisasi malo manda' basef na'i endilisimi atom mape la'ela'ef motaga la'ifim. Esimbel anama atom Jisas nataga Dembinai numafi esis Kristen si'i amam mumafi sipsip.

1 Pita 3:22

Anan nafe' nalata ilif otaga nape wa'ol lagel da'isinai Godi. Ea' amam ensel hiami maloma agufumi mumafi ilifi mape owina Anan atona.

Revelesen 1:18

Fowa' aga', ea' dei' ape namowe la'ela'ef hihif. Ae' ape Dembiwei ali' ape agi' ma amamaga hiami maloma epes. Ea' ahapila ki ma wambel saga'i sapoma.

Revelesen 17:14

Anona nemaf mopa' moloma sipsip noganai. Ea' sipsip noganai nikila'am. Epes saila fala ananinai naloma basef ananimi andeande', isima nandandepas ananisi etis, epes isima anona nemaf la'ifisa solomana sigikila' wandaf anama.”

Revelesen 19:16

Anom amef agel Ananinai mailana nimbe naloma luwaguf ananimi. Agel anama na'ama. Dembinai king ma amam king hiami, Dembinai ma dembemi hiami.