Aposel 10:22 - Basef Buꞌwami Godi

²² Ea' ma'ipana ma'i, “Kornilius anan kepten dembinai numafi soldia 100-peleim hiami, nasapa'afa wafi'i. Anan aman nanda' waf bu'unai nanda' lotuma Godi. Esis Juda hiesi sa'i, ‘Anan aman bu'unai.’ Anona ensel Godi na'ipana ma nofalena nefe' ipat ananinai, ma ata' nome' anom basef ine'imi.”

Aposel 10:22 Iomraidhean Croise

Matyu Nandaꞌafi 1:19

Waulunama'w akwo'unai Josep anan aman bu'unai. Anan nandaiwa'ma neanda'akw ambal aol. Na'ama okom na'i nondambaho' nokwaho'w kopan etin.

Matyu Nandaꞌafi 2:12

Mase'anam ea', God na'ipam na'i, “Ipe' ina ata' pitanima pefe'ma king Herot, owa'. Ea' pila anona eaf pitanima pefe' wambel ipe'inai.” Ea' amam maila anona eaf motanima mafe' wambel amamunai laogoma.

Mak Nandaꞌafi 8:38

Ae' ataga epen endilisiwei. Amam nematawa dei'isi sanda' waf aonai sakwaha sombale'efa God. Emi egafis ambagof aoma ae' sondafa'me eloma basef ae'ami, anona nemaf ae' wapoti' ambal aona epes isima endafa'mas nemaf anama ae' ifi'i eloma amamaga bu'wami la'ifimi mafifili Ahalomei elomai amam ensel bu'wami Godi wapoti'.”

Luk Nandaꞌafi 2:25

Ea' anona aman nape Jerusalemi agilinama Simeon. Anan naila waf bu'unai Godi andeande'. Anan nape nahafa nogota anama God nifi'i nigiambama esis Israel nokwaha waf aonai esis sanda'anai. Ea' ambal bu'unai Godi nape okom ananinai nihi'ambana anan ina nambimb noga' ulal, owa'. Anan ata' nepe niti Krais, Dembinai nandandepana nosapa'ana nafi'i.

Luk Nandaꞌafi 23:50

Anona aman agilinama Josep anan Arimateainai etap hiagoma Judia. Anan aman bu'unai, dembinai ma amam mumafi esis Juda hiesi.

Luk Nandaꞌafi 9:26

Ae' ataga epen endilisiwei. I'i emi egafis ambagof aoma Ae' sondafa'me eloma basef Ae'ami, Ae' wapoti' ambal aona epes isima endafa'mas nemaf anama Ae' ifi'i eloma amamaga bu'wami mafifili Ae'ami, elomai mafifili howalagon Godi maloma amam ensel Godi wapoti'.

Jon Nandaꞌafi 13:20

Ae' a'ipipa basef endilisimi, emi egafis soso' opalefa enin epen ae' asapa'an nafi'i, esis soso' opalefa ae'. Ea' emi egafis soso' opalefa ae'i, esis soso' opalefa Ahalome ae'anai wapoti' nasapa'e afi'i.”

Jon Nandaꞌafi 17:20

Ae' ina anda' betena igiambama esis amama atom, owa'etin. Ae' anda' betena agiambama epes isima anona nemaf some' basefa esisa sombale'efa ae'.

Jon Nandaꞌafi 17:8

Basef hiami ine' nasi'iami, amama ae' a'ipasam ea' sofa'am sogawa endilisi fowa' ae' ape alomena afi'i. Ea' sombale'efa basef amama ine' nasapa'e afi'i.

Jon Nandaꞌafi 5:24

Endilisi ae' a'ipipa. Emi egafis seme' basef ae'ami ma sembale'efa anan nasapa'e afi'i, isima sefa' ambal namunai ea' ma seape andeande' la'ela'ef hihif. Esis ina sanda' basef lu'wami ma kot, owa'. Esis sefa' ambal namunai nikila'a ga'.

Jon Nandaꞌafi 6:63

Ambal Bu'unai Godi atona nese'epa ambal namunai pepe andeande' la'ela'ef hihif. Ea' waf hianai epes sanda'anai ina nagiambamepa, owa'etin. Basef amama atom ae' a'iami, amama mataga Ambal Bu'unai Godi amama ambal namunai napaimi mape andeande' la'ela'ef hihif.

Jon Nandaꞌafi 6:68

Ea' Saimon Pita nagwamana basef na'i, “Dembinai, afa' okwaha ine' ofe' eti wila emi? Basef ine'imi atom ma'ipafa ma weape ambal namunai andeande' la'ela'ef hihif.

Aposel 10:2

Anan aman nanda' lotu naloma epes hiesi ananisi sape ipat ananinai sanda' lotu ma God. Anan nase'as moni maina esis Juda kwahusi otamba maim a'asi. Ea' la'ela'ef nanda' betena God.

Aposel 10:21

Ea' Pita nisila'ma amam amama na'ipam na'i, “Aman anama ipe' pagolopanai ae' ea' ma'uwi. Ipe' pafi'mai main?”

Aposel 10:30

Ea' Kornilius nagwamana na'i, “Amamaga natagama ae'i ma dei' nimeguf wenif mafe' ea', amama na'ama. Ae' ape anda' beten ipat ae'anai nogota aon nasa 3 klok. Nogota ea' na'ama etin si'i dei'. Anda' beten ape ea', ati anona aman naitu felefele'ma naep ae'ami, luwaguf maim ananimi mafifil endilisi.

Aposel 10:33

Ea' dei' atef ae' asapa' anom amam mafe'mago ine' ea' dei' ine' nanda' waf bu'unai nafi'i. Dei' ape' hiapai mafi'i mape na'ae ma naep Godi ma meme' basef hiami Dembinai nasi'inami ma ni'ipapam.”

Aposel 10:6

Aman anama nape ipat Saimoni, anan nandondomba agwafuh bulmakaumi. Ipat ananinai notawa felefele'ma naoh mafe' motambela.”

Aposel 11:14

Ama ni'ipina anom basef ine' ma basef amama etoma God nigiambama ine' neloma esis wambota ine'inai soloma esis sanda' maol ine'imi ma nofa'epa petanimani.’

Aposel 22:12

Anona aman nape Damaskus agilinama Ananaias. Aman anama naila mi'uli Godi andeande'. Amam nematawa Juda sape Damaskus sa'i anan aman bu'unai.

Aposel 24:15

Ae' embale'efam ape ehafa God owagama nefela esis saga'i, epes isima bu'wasi soloma isima sanda' waf aonai wapoti'. Amam manda' kotima ae' wapoti' mombale'ef mape mohafa God na'ama etin.

Aposel 6:3

Ipe' Kristen alupipei, ipe' ata' pendandepa anom amam 7-peleim la'afena ipe' mape andeande'ma naep esis amam nematawai, Ambal Bu'unai Godi nape napaim si'inama amam nomonas bu'wami mapaimi. Ama afa' onda'am mopoma mumafi maol anama.

Basef Amama Pol Nandaꞌam Mafeꞌma Esis Romi 1:17

Dei' main, basef amama bu'wami Godi ma'ipapa waf bu'unai ananinai. Anama na'ama. I'i ape' mombale'efa Jisas la'ifipa endilisi, God ni'i ape' bo'wepa andeande'. Ina anona eafa ape' meataga bo'wepa andeande' ma naep ananimi, owa'etin. Bale'ef atona. Eaf si'i Baibel na'i, “Emi egafis sembale'efa Godi, Anan ni'i esis bu'wasi andeande' sope namusi la'ela'ef.”

2 Korin 5:18

God atona ofagonama waf anama epes sataga dambais. Fowa' ape' ata' mape naumbih malomana, ea' Krais nataga nanda'apa mape opalef etifim maloma God. Ea' God nase'afa maol anama ma wigiambama anona onda' esis naumbih ananisi sotaga opalef etifim solomana.

1 Timoti 3:7

Aman agel bu'unai ma amam nematawa sololama Godi, aman anama notaga nope numafi sios. I'i anan owa' agel bu'unai, anan ambal aona ea' nofe' nuwis esag anama Satani nofa'ana.

Hibrui 10:38

Ea' epes bu'wasi Ae'asi ofagema ma sope namis la'ela'ef na'ama. Esis sombale'efa ae'. Emi epen netanima nekwaha nembale'efa Ae', okom Ae'anai ina bo'ona ma enin, owa'.”

Hibrui 11:2

Amam fowa'imi mombale'efa God na'ama, amama atom dei' Anan na'iam na'i, “Waf amamunai bo'ona.”

Hibrui 12:23

Ipe' pafi'i pandakolas paloma epes Godi, awasi ananisi sali'i. God nanda' agof asasimi mape wambel anama ilif. Ipe' pafi'i felefele'ma God, anan jas nowaloga epes hiesi saloma ambagof epes fowa' God na'i bo'wes andeande'.

2 Pita 3:2

Ae' a'i ipe' ata' ukup mopoma basef amama fowa' gani amam profet Godi mawalapami. Ea' ukup mopoma basef la'ifimi Dembinai nofa'apa motanimani, ipe' pefa'ama lagof afa' aposel ipe'ifai.

3 Jon 1:12

Epes hiesi safela agel Demitriusi. Waf ananinai endilisinai nihi'ambapa anan aman bu'unai. Ae' wapoti' a'i anan bu'unai ea' ine' negawa basef ae'ami endilisimi.

Revelesen 14:10

esis nambimb sope si'i sogwa' anona wain. Wain anama basef womun etina okom wandafunai Godi. God ina nati uwahipis, owa'. Anan okom wandafunai lu'una endilisi. Anan anona nemaf nese'as okom wandafunai epes isima ma nogwa waf aonai esis sanda'anai. Ama epes isima sofa' nimanimi lu'wami ma nif fandumi mahihi'asi ma otamba agel salfa nifimi ma naep amam ensel bu'wami Godi moloma naep sipsip noganai.