Aposel 10:15 - Basef Buꞌwami Godi

¹⁵ Ea' maf anama na'ipana wapoti' na'i, “Amamaga God na'i bu'wami, amama ina ni'i awami, owa'.”

Aposel 10:15 Iomraidhean Croise

Matyu Nandaꞌafi 15:11

Amamaga gwa'aimi maim ande'ami ipe' pegwa'am mowala nomon, amama ina manda'epa awepa, owa'. Ea' amamaga mape ukup ipe'imi nomon mawisi ande', amama atom manda'epa awepa.”

Aposel 10:16

Amama matagamana wenif na'ama ea' mehip motanima malata otaga heven ilif wapoti'.

Aposel 10:28

Ea' Pita na'ipas na'i, “Ipe' pegawa ea' mi'uli ape' Judai ma'i owa' ma ape' mefe' muwis ifagw o mope moloma enis epes owa' Judaisi, owa'. Ea' God nihi'ambe ma enis epes owa' Judaisi si'i ipe' na'ae na'ipi na'i, ‘Ina nendafa'ma enin epen ni'i enin nanda' waf aonai, owa'.’

Aposel 11:9

Ea' maf anama nafi'i ilif wapoti' bif na'i, ‘Amamaga God nanda'am mataga bu'wami, amama ina ni'i awami, owa'.’

Aposel 15:20

Ape' monda' anom basef mofe'ma esis mi'ipas mi'i ina sea' gwa'aimi maim sondolalimama god baso'amunai, owa'. Amama alogw awami ma'ami. Esis sihi'amago waf aonai anama so'a waulanai ea' ina sea' mafis saham sowa' bagafowa afumi, owa'. Ina sea' esimbela anom mafis amama moloma anom mafis wapoti', owa'. Ae' a'i ape' monda'masa basef amama atom mofe'ma esis.

Aposel 15:29

Ipe' ina pea' mafis saham sondolali ma god baso'amunai, owa'. Ipe' ina pea' esimbela anom mafis, owa'. Ipe' ina pea' mafis sowa' bagafowa ma afumi, owa'. Ea' pihi'ama waf anama so'a waulanai aonai. I'i ipe' pindumafuma andeande'ma pihi'ama waf anama, andeande' ipe' penda' waf bu'unai pepe andeande'.”

Aposel 15:9

Anan ina nanda' anona wafa ape' ea' nonda' anona waf esis, owa'. Esis sembale'efa God amama atom opalef asasimi mataga bo'om si'i afa'.

Basef Amama Pol Nandaꞌam Mafeꞌma Esis Romi 14:14

Dembinai Jisas nawalipi egawa amama. Ina anom amamaga gwa'aimi mafis maim aom, owa'. Okom epeni atona na'i anom amamaga aom ea' nendaiwa'ma nogwa'am, amama motaga aoma anan.

Basef Amama Pol Nandaꞌam Mafeꞌma Esis Romi 14:20

Ina ukup mopoma gwa'aimi atom ea' pehambombaga maol Godi, owa'. Endilisi, amamaga hiami gwa'aimi bu'wami. Ea' i'i ipe' pea' anom gwa'aimi monda' enin epen newa nenda' waf aonai, ipe' wapoti' panda' waf aonai.

1 Korin 10:25

Mafis hiami satalom stowa, amama ipe' penda'am. Ina ukup mope hiahiam pindahahali'mam, owa'.

Taitus 1:15

Ukup epes isima opalef bo'oma waf bu'unai, amamaga hiami bo'om andeande' ma esis. Ea' ukup epes isima aom ea' esis owa' sombale'efa Kraisi, opalef asasimi ina bo'om, owa'. Ukup asasimi maloma basef mape opalef asasimi nomoni aom endilisi.

Revelesen 14:20

Ea' safo'asom waina otam tang anama lu'unai nape ande'ma taun anama wambel lu'unai. Esimbel maluwi tang ande' kolo' etin mafe' laogon si'i 300 kilomita si'i walemb embel mafi'i matef mataga ilif motambel ain nape malogof hosi.