Aposel 1:7 - Basef Buꞌwami Godi

⁷ Ea' anan na'ipam na'i, “Amama ina amamaga ipe'imi ma pegawa nogota anama ma nimeguf Ahalome nandandepami, owa'. Anan atona numafi amama.

Aposel 1:7 Iomraidhean Croise

Matyu Nandaꞌafi 20:23

Ea' Jisas na'ipam na'i, “Endilisi, ipe' bipa nambimb pegwa' embela kap anama ae' egwa' embelanai. Ea' pepe lagel da'isinai o egagili ae'ami, amama ina maol ae'anai, owa'. Ahalome atona ni'i esis isima nandandepas ea'i, esis etis sope lagof da'isinai o egagili ae'ami.”

Matyu Nandaꞌafi 24:36

Ae' ataga epen endilisiwei a'ipipa. Owa' enin epen negawa nemaf anama o nogota anama ae' iefi'ianai. Amam ensel mape heven ilifi wapoti' ina mogawana. Ae' nogalomana Godi wapoti' ina egawana, owa'. Ahalome atona nape ilif anan atona negawa nemaf anama. Waf fowa' sanda'ana nogota anama Noa napenai, ea' na'ama etin si'i esis sonda'ana nemaf anama felefele'ma iefi'i etaga etap anae'.

Mak Nandaꞌafi 10:40

Ea' peape lagel da'isinai o eganai ae'ami, amama ina maol ae'anai, owa'. God atona ni'i esis isima nandandepas ea'i, esis etis sope lagof da'isinai egagili ae'ami.”

Mak Nandaꞌafi 13:32

Owa' enin epen negawa nemaf anama amamaga amama meataganai, owa'. Amam ensel mape heveni maloma ae' Nogalomana Ananiwei ina ogawa, owa'. God atona nogawa nemaf anama.

Luk Nandaꞌafi 21:24

Enis, bainat nohas soga'. Enis, naumbih sonda' kalabusimas sofa'as sefe' sope etap anae' hiagoma hi'ilagon. Ea' epes isima sololama Godi sotaga sofa'asa wambel anama Jerusalem bo'wagah asasimi sumafiagon. Ea' sope la'ela'ef sefe' na'ama etina nemaf God nandandepanai ma nogota asasinai hi'ilana.”

Aposel 17:26

Aman atona anan God nanda' epes amam nematawa hiesi sataga etap anae'. Ea' nanda'as sape etap hiagoma. Anan atona nanda' nimeguf ma'uma'um mandahama esis sape eti. Ea' nandandepa etap nafe' neatambela naloma wambel asasima.

1 Timoti 6:15

Nemaf anama God na'ianai nosapa'ana nifi'i. God atona ofagonama danifel, anan atona Dembinai King numafi epes hiesi soloma amamaga hiami hi'alam. Anan king ma king hiami, Dembinai ma dembemi hiami.

2 Timoti 3:1

Ine' negawa, nimeguf akutaimi nimanimi lu'wami endilisi motaga.