Aposel 1:5 - Basef Buꞌwami Godi

⁵ Fowa' Jon napisi' amam nematawa hiesi embel. Ea' ipe' nambimb God nonda' baptaisimipa Ambal Bu'unai Ananinai.”

Aposel 1:5 Iomraidhean Croise

Matyu Nandaꞌafi 3:11

Ae' dei' apisi'ipa embela pihi'ambas ipe' pamboma opalef pakwaha waf aonai pafe'ma God. Anona aman nambimb nigi'ma ae'i ni'ifi, anan la'ifinai nikila' ae'. Anan nenda' baptaisimepa Ambal Bu'unai Godi nope nolomepa nese'epa nif la'ifimi wapoti'. Ae' ina aman bu'uwei ma eatagaha mandelefa su ananimi, owa'.

Mak Nandaꞌafi 1:8

Ae' apisi'ipa embel atom wafimi ea' Anan owa'. Nambimb Anan nupisi'ipa Ambal Bu'unai Godi nuwisipa nope nolomepa.”

Luk Nandaꞌafi 3:16

Ea' Jon nagwamasa basef na'ipas na'i, “Ae' apisi'ipa embel atom. Ea' anona aman nambimb niefi'i, anan la'ifinai nikila' ae'. Ae' ina aman bu'uwei ma eatagaha mandelefa su ananimi, owa'etin. Nambimb anan nese'epa Ambal Bu'unai Godi nope opalef ipe'imi nomon ea' nese'epa nif wapoti'.

Jon Nandaꞌafi 1:26

Ea' Jon nagwamam na'ipam na'i, “Ae' apisi'as embel atom wafimi, ea' anona aman nape la'afena ipe', ina pegawana.

Jon Nandaꞌafi 1:31

Ae' ina egawa anan epen emi egalina, ata' owa'etin. Ae' afi'i apisi'ipa embela eawalapa aman anama dembinai ma ape' amam nematawa Israel.”

Jon Nandaꞌafi 1:33

I'I God owa' nie'ipi basef amama ae' ina egawa anan, owa'. Ea' God nasapa'e afi'i ma iepisi'asa embel anan na'ipi na'i, ‘Ine' niti Ambal bu'unai Ae'anai nisila'i ma ea' aman anama ea' ma'una. Anan nambimb nesapa'i Ambal Bu'unai Godi nope nolomepa.’

Aposel 10:45

Amam amama Judaimi mombale'efi mafi'i malumai Pitai mohafel gegelalasom kwapete'am ma mati God nase'asa Ambal Bu'unai Ananinai etin si'i presena esis amam nematawa owa' Judaisi wapoti'.

Aposel 19:4

Ea' Pol na'i, “Fowa' Jon napisi'as embeli na'iam na'i, ‘Ipe' pemboma opalef pewa' alafugaha waf aonai pefe'ma God pefa' baptais. Ea' pembale'efa aman anama Dembinai nambimb nigi'ma ae' nifi'i. Aman anama anan Jisas.’ ”

1 Korin 12:13

Dei' main, ape' hiapai mofa' baptaisa Ambal Bu'unai Godi atotona. Nanda'apa mataga alop atotona, esis Juda saloma esis owa' Judaisi saloma esis sape wafifisi, saloma esis agof a'asi sape owina enis epes wapoti'. Ape' hiapai mofa' Ambal Godi atotona nape nalomapa la'ela'ef.

Taitus 3:5

Anan ina okom napoma anona waf bu'unai ape' manda'anai dei' nofa'apai, owa'. Okom dahowinai ananinai atona nofa'apa motanimani. Anan nasa'opapa ea' mataga awasi dambaipai, Ambal Bu'unai Godi nase'apa ambal namunai ma ape'.