Aposel 1:3 - Basef Buꞌwami Godi

³ Fowa' saha Jisas nefa' nimanimi lu'wami naga' ea' notanima nohafel wapoti' nafe' natagama alupumi ananimi. Ea' nape aon si'inai tu'waninai nanda' pepel hianai ma nihi'ambam mogawa endilisi anan nofa' ambal namunai nape. Nimeguf amama Anan nawalipasa epes hiesi siowis wambota Godi numafias.

Aposel 1:3 Iomraidhean Croise

Matyu Nandaꞌafi 21:43

Ea' ae' dei' a'ipipa. God nambimb nelefata basefa waf bu'unai ma ipe' piowis kingdom Ananinai ea' nose'asam enis epes nambimb sombale'efana sonda' waf bu'unai. [

Matyu Nandaꞌafi 28:9

Dei' atef Jisas nati awau eaf nanda'mawa gude na'i, “Nemaf bu'unai ipe'.” Ea' awo wafe' felefele'ma anan wahapila bo'wagah ananimi ma onda' lotuma anan.

Matyu Nandaꞌafi 3:2

ea' nawalapa basef bu'wami na'i, “Nemaf anama bu'unai ea' felefele' notaga ma epes siowis kingdom heveni. Na'ama dei' ipe' pewa' alafugaha waf aonai pemboma opalef pefe'ma God.”

Matyu Nandaꞌafi 4:2

Jisas nape aon si'inai tu'waninai, ina na' gwa'aimi, owa'. Nolomahana.

Mak Nandaꞌafi 16:19

Dembinai Jisas nawalipas na'ipas ea', God nofa'ana nalata heven. Ea' nofa' agel lu'unai nape lagel da'isinai Godi.

Jon Nandaꞌafi 20:26

Nimeguf 8-peleim mafe'ma ea', afa' alupufai Jisasi wape anona ipat nomon, owalo uta wape. Nemaf anama Tomas wapoti' nape nalomafa. Ea' Jisas nawisi naitu nalomafa na'ipafa na'i, “Opalef ipe'imi mope awanem.”

Jon Nandaꞌafi 21:1

Anom nimeguf mafe'ma ea', afa' wati Jisas wapoti'. Basef ma'i na'ama. Jisas natagamafa gani walemb batupa'manai lu'unai Taiberias. Anofa afa' ondowa'anima etifigin wapoti' agof afa'imi alupufai Jisasi amama. Saimon Pita naloma Tomas agel wa'ana Didimus maloma Nataniel, anan Kanainai, etap hiagoma Galili. Amam maloma ae' nogalomana Sebedi aloma sahalome Jems waloma amam biam Jisasi ondowa'anima wape etifigin.

Jon Nandaꞌafi 21:14

Fowa' Jisas nohafel wapoti', nali' nafe'ma afa' alupufai ananifai watolona nimeguf bif. Ea' dei' watolona wapoti' wenif.

Aposel 13:31

Esis isima hiesi sakwaha etap hiagoma Galili ea' salomana sondowasa' Jerusalemi, esis satolona nimeguf hiami. Dei' epes isima safe' sawalapa basefa ape' Israela anan.

Aposel 19:8

Ea' Pol nafe' nawis ipat esis Juda sa'i basef sapeinai nawalapa basef bu'wami Godi. Anan nanda'am na'ama etin nape aomb wanemb. Ina umbamahana, owa'. Anan la'ifina na'ipas. Anan naloma esis sape sa'i basef etin, na'ipasa nefela ukup asasimi ma sogawa siowis nomon wambota Godi numafias la'ela'ef.

Aposel 28:23

Ea' amam mandandepa anona nemafa amam hiami mafi'i ipat Poli. Ea' mafi'i kuhimbita mape mape mataga wambomota, anan na'i basef ofagema nawalipam. Ea' nawalapa basef alihima epes siowis wambota Godi numafias. Anan nawalapa anom basefa mi'uli fowa' gani God naso' Mosesanai maloma basef Godi amam profet fowa' ma'iami. Ama basef amama anan na'ipama basef la'ifimi nafela ukup amamumi ma mombale'efa Jisas.

Aposel 28:31

Anan nawalapa basef bu'wami ma epes siowis wambota Godi numafias. Ea' nawalipasa basefa dembinai Jisas Krais. Anan ina umbamahana, owa'. Nawalapam na'iam alihim ea' ina enin epen nafi'i na'ipana na'i owa'.

Aposel 8:12

Ea' Filip nawalipasa basef bu'wami esis hiesi. Nawalipasa agel Jisas Kraisi ma siowis wambota Godi numafias. Ea' sombale'efa basef amama sofa' baptais. Esis amam nematawa wapoti'.

Basef Amama Pol Nandaꞌam Mafeꞌma Esis Romi 14:17

Waf anama sa' gwa'aimi embelanai, anama ina ofagena ma siowis wambota Godi numafias, owa'etin. Anama waf bu'unai naloma opalef awanemi maloma waf sandanifelamanai atona. Ambal Bu'unai Godi nase'apai waf anama.

Kolosi 1:13

Anan natagahepa ma pepel aonai nape owamb ea' nahaponapa mafe' mawis nomona maol Nogalomanai nope Dembinai numafiapa. Nogalomana anama Anan okom na'iana endilisi.

1 Tesalonaika 2:12

Wa'ipipam na'ama ma ipe' penda' waf nefe' andeande'ma God nitilipa ninifelipa. Ea' nofalepa pafi'i piwis pelomana wambel Ananinai howalogoma.

1 Jon 1:1

Afa' wanda' basef amama ma anona aman agilinama Basef anan nase'apa ambal namunai napaipai. Aman anama fowa' gani damba damba nape. Afa' wame' basef ananimi watolona naep mahapilana lagof afa'imi.