Aposel 1:15 - Basef Buꞌwami Godi

¹⁵ Anom nimeguf mafe'ma ea', esis Kristen 120-peleis hiesi sandatama etifigin sape ea' Pita nohafel naitu na'i,

Aposel 1:15 Iomraidhean Croise

Matyu Nandaꞌafi 13:31

Ea' Jisas nase'asa anom basef womun etin wapoti' na'i, “Epes siowis kingdom heveni si'i nalof su'utipi sa'umi. Anona aman nofa'am nawam aof ananinai.

Luk Nandaꞌafi 22:32

Owa'etin. Ae' anda' betena egiambamena ma nembale'efa ae' la'ela'ef. Atuwasi nemboma opaf nenda' owapena ine'imi motaga la'ifim.”

Jon Nandaꞌafi 14:12

Basef endilisimi atom dei' a'ipipa. Emi egafis sembale'efa ae'i, opeh hiami dei' anda'ami, esis wapoti' anona nemaf esis sonda'am. Ama anona nemaf sonda' opeh lu'wami endilisi mikila' opeh ae'ami. Dei' main? Ae' efe'ma Ahalome.

Jon Nandaꞌafi 21:23

Ea' basef baso'maimi wafimi amama mafe'ma afa' alupufai Jisasi ma'iam na'ama ma'i, “Aman anama anona nemaf ina noga', owa'.” Ea' Jisas ina na'ipafa basef amama esis sa'iami, owa'. Basef amama kwamaimi. Jisas na'i basef amama atom na'i, “I'i ae' i'i anan nope nefe' nefe' ma nemaf ae' etanimani, amama ina maol ine'inai, owa'.”

Aposel 10:23

Ea' Pita na'ipam mawis ipat nomon nao'wam numafiam mape owamb anama. Wafilu nohafel nafe' nalomam. Anom amam Kristen Jopaimi mafe' malomana.

Aposel 11:1

Ea' amam aposel maloma esis sahin owan sombale'efanai sape anama Judia hiagomai same' basef amama ma enis amam nematawa owa' Judaisi wapoti' sefa' basef Godi sembale'efana.

Aposel 11:12

Ea' Ambal Bu'unai Godi na'ipi na'i, ‘Ina okom netanea, owa'. Ine' fo'o noloma amam.’ Amam sahope amama wanom wanom mafe' malome. Ea' afa' wafe' wawis ipat aman anama

Aposel 11:26

Natolona ea', nofa'ana nafi'i Antiok. Ea' amam biam mape afagel atotona maloma esis Kristen amam nematawa sape Antioki mawalipa epes hiesi ma basef Godi. Ea' esis amam nematawa saila Jisasi, enis epes sofalas agel anama Kristen dambadamba wambel anama Antiok.

Aposel 11:29

Ea' esis amam nematawa saila Jisas Kraisi sa'i basef sandame'mama sefa' anom otamba mefe'ma esis alupusi sahin owan sape Judai ma sigiambas. Esis Kristen atona etin ukup ma'i otamba ma'omasi sawalom sase'asa tu'wanim hiami mafe'ma esis sape Judiai. Enis otamba hiami sase'asa hiami ea' enis otamba kwawie'im sase'asa kwawie'im. Hiesi sanda'am na'ama etin.

Aposel 12:17

Ea' Pita nanda' lagel atona na'ipas na'i “Feso'mepa.” Ea' na'ipasa amamaga amama Dembinai nofa'ana nakwaha ipat sanda' kalabusainai nao'wana nawisi ande'. Ea' na'i, “Ipe' kipago Jems nolomago sahin owan ama amamaga amama.” Ea' nakwaha esis notanima nawisi ande' nafe' anagon.

Aposel 14:2

Ea' enis epes Juda ina sombale'efa God, owa'. Esis safela ukupa enis amam nematawa owa' Judaisi ea' sanda' epes isima opalef aoma esis Kristen.

Aposel 15:1

Anom amam mape Judiai makini' mataga Antiok ma'ipama basef esis Kristen sahin owan sape anama. Ma'ipasa basef ma'i, “I'i ipe' amam owa' pila mi'uli God fowa' gani na'ipa Mosesanai ma owa' petopa' alop ipe'inai, anona nemaf God ina nofa'epa pitanimani, owa'.”

Aposel 15:3

Esis Kristen sasapa'am mafe' ea' mafe' la'afena etap hiagoma Fonisia naloma Samaria. Ma'ipasa basef esis Kristen sape etap anama biefina ma sogawa God namboma ukupa enis epes owa' Judaisi. Esis Kristen same' basef amama manda' esis sandanifel endilisi.

Aposel 16:2

Esis Kristen sahin owan Listra naloma Aikoniam sa'i waf Timoti nanda'anai bu'unai.

Aposel 16:40

Ea' makwaha ipat sanda' kalabus sapeinai mawisi mafe' ipat Lidiai mati esis Kristen ma'ipasa basef manda'as sataga la'ifis ea' mafe'.

Aposel 17:10

Owamb nataga amam Kristen masapa' Pol naloma Sailas mafe' anona wambel Beria. Amam mafe' mataga Beria, mafe' mawis ipat lu'unai esis Juda sa'i basef sapeinai.

Aposel 17:14

Na'ama dei' atef amam Kristen masapa' Pol nakini' nafe' naoh akata. Ea' Sailas naloma Timoti atom mape Beria.

Aposel 17:6

Ea' esis ina sati amam biam, owa'. Ea' sahonde'ai Jeson ipat anama naloma anom Kristen mafe'ma amam agufumi wambel anama. Esis sa'ipa agufumi amama mehip sa'i, “Amam amama biam manda' waf aonai nataga etap hiagoma ea' dei' mafi'i mape na'ae.

Aposel 18:18

Pol ata' nape nimeguf hiami wambel anama Korin naloma esis Kristen. Ea' nanda'masa nemaf bu'unai esis nakwahis nalata sip. Sip nakwaha wambel anama na'i nefe' etap hiagoma Siria. Akwila naloma Prisila safe' salomana. Nemaf anama Pol owa' ata' nolata sip, anan natopa' auf balaga wambel anama Senkria. Dei' main, anan na'i basef la'ifimi naloma Goda na'i nonda' anom amamaga.

Aposel 18:27

Ea' Apolos na'i nefe' esis Krik sapoma ea' esis Kristen sape Efesusi sanda' okom ananinai nataga la'ifina ma nanda'as na'ama. Esis sanda' anom basef mafe'ma esis Kristen Grikisi sa'ipasa sofa'ana. Apolos nafe' nataga Grik sapoma, nati enis amam nematawa sombale'efa Jisasi. Fowa' God nati uwahipis nagiambamas sembale'efana. Dei' Apolos nanda' maol nagiambama Kristen isima andeande' nanda'as sataga la'ifis ma sombale'efa Krais.

Aposel 21:17

Ea' wafe' wataga Jerusalem, esis Kristen sandanifela sofa'afa.

Aposel 21:20

Amam mame'am ea', mafela agel Godi lu'una. Ea' ma'ipa Pol ma'i, “Sahalomafa, ine' negawa esis Juda tausen hiesi endilisi sombale'efa Jisas sataga Kristen. Ea' Kristen isima hiesi la'ifis endilisi ma saila mi'uli anama God fowa' naso' Mosesanai.

Aposel 21:7

Afa' wafe' sip wakwaha Tair wafe' wataga Tolemes. Ea' wape wanda'masa nemaf bu'unai esis Kristen wape walomas nemaf atotona.

Aposel 22:5

Pris dembinai naloma amam agufumi hiami esis Judai mogawa andeande'ma mowalapa basef amama endilisimi. Amam mase'e pas manda'asa amam sahin owan amamisi Juda sape Damaskus, ea' ae' afe' Damaskus a'i embalo' esis sape wambel anama ewa'as sen. Ae' a'i efa' esis saila eaf anama sefe' Jerusalem sofa' nimanimi ma amam plisman mohas.

Aposel 28:14

Wambel anama afa' wati enis Kristen. Ea' sa'ipafa wape walomas wik si'inai. Wape ea' wafe' Rom.

1 Korin 15:6

Ea' nataga nandawalapa esis amam nematawa Kristen hiesi satolona, isima alupusi saila anan hiesi endilisi sikila' 500-peleis. Dei' anda' basef amama mafe'mago ipe', a'i alupusi isima hiesi dei' enis sape, enis saga' ea'.

Revelesen 11:13

Nogota anama atona, sowambon lu'unai nokoto' taun anama lu'wagoma tu'wanigin pe'ogon ea' 9-peleigin ata' nope bo'wagon. Ea' esis amam nematawa 7,000-peleis soga' ma sowambon anama. Ea' esis enis amam nematawa seapani esis umbamahas endilisi, sefela agel God nape heveni.

Revelesen 3:4

Ea' ipe' enipa pape Sardisi owa' penda' luwaguf maim ipe'imi aom, anona nemaf pindawisa luwaguf afitimi dambaimi atom pefe' peloma Ae'. Dei' main, ati ipe' epes bu'upei ma pefa'am amama.