2 Timoti 4:8 - Basef Buꞌwami Godi

⁸ Dei' amamaga amama bu'wami sasagih sikila'i sefa'ami sandandombam ma'ome. Amama na'ama. Nambimb Dembinai nofale ni'ipi ni'i, “Ine' aman bu'winai.” Dembinai anan aman bu'unai nowalogas ma nemaf anama. Nemaf anama lu'unai Anan nese'e amamaga amama bu'wami. Ea' ina noso' ae' atowe, owa'. Anan nose'asam emi egafis ukup maimaila Anan notaga nondawalap sotolona.

2 Timoti 4:8 Iomraidhean Croise

Matyu Nandaꞌafi 24:36

Ae' ataga epen endilisiwei a'ipipa. Owa' enin epen negawa nemaf anama o nogota anama ae' iefi'ianai. Amam ensel mape heven ilifi wapoti' ina mogawana. Ae' nogalomana Godi wapoti' ina egawana, owa'. Ahalome atona nape ilif anan atona negawa nemaf anama. Waf fowa' sanda'ana nogota anama Noa napenai, ea' na'ama etin si'i esis sonda'ana nemaf anama felefele'ma iefi'i etaga etap anae'.

Matyu Nandaꞌafi 7:22

Nemaf anama amam nematawa hiesi sifi'i si'ipa ae' si'i, ‘Dembinai, Dembinai, ape' mawalipasa basef Godi si'i profet amama mawalipas ea' ma'i agel ine'inai matofa ambagof awami mape epesi! Ape' ma'i agel ine'inai manda' ikwaf naninani la'ifinai si'i God nanda'anai!’

Luk Nandaꞌafi 10:12

Dei' ae' a'ipipa, nemaf anama lu'unai God nowaloga epesanai anan anona nemaf niti esis fowa' gani sape Sodomi uwahipis andeande'. Ea' epes isima wambel anama anan ina niti uwahipis, owa'. Nimanimi lu'wami endilisi anona nemaf motagamas.”

Basef Amama Pol Nandaꞌam Mafeꞌma Esis Romi 2:5

Ipe' pesambala basefi, dei' ina ata' pamboma opalef, owa'. Ipe' petagama nimanimi lu'wami mupei'ipa. Ama nemaf okom wandafunai Godi notaga alihina ma kot nowaloga epes hiesi ma basef endilisimi ananimi.

Basef Amama Pol Nandaꞌam Mafeꞌma Esis Romi 8:23

Ea' ina amamaga amama atom, owa'. Ape' mogawa ape' epes ananipai wapoti', God okom na'i anona nemaf owagama nigiambamapa ma mope andeande'. Ea' dei' anan nali' nase'apa Ambal Bu'unai Ananinai. Ambal Anama nase'apana etin. Ea' ape' wapoti' mame' nimanimi mawal malef mape mohafa anona nemaf God nonda'apa motaga awasi Ananipai endilisi. Nemaf anama nese'apa alop dambainai namunai.

1 Korin 2:9

Ea' ae' a'i basefa gawa anama si'i Baibel na'i, “Amamaga maim God nandondombam ea' ma emi egafis ukup maila Anan endilisi, amama mikila' ukup epesi. Esis ina la'ifisa same'am satolom sagawama ukup maloma naep aligah asasimi, owa'.”

1 Korin 3:13

Nemaf anama Krais niefi'ianai maol anama epes hiesi sanda'anai notaga nondawalap alihina nope bo'ona o aona. Nemaf anama notaga noloma nif lu'wami. Ea' nif amama mondo maol anama hianai ma epes hiesi atona etin hi'ilasa sogawa maol asasinai bo'ona o aona.

1 Korin 9:25

Emi egafis sa'i sisagih sikila' ikwaf anama, sanda' maol la'ifinai endilisi sandameme'ma alop asasinai nimeguf hiami. Epes isima sanda'am na'ama ma sofa' amamaga bu'wami kwaie'um mape nogota bandanai. Ea' ape' Kristen manda'ama mefa' amamaga bu'wami mape la'ela'ef hihifi.

2 Korin 5:2

Dei' afa' wape alop afa'inai si'i ipat notawa etap anae', ea' opalef nimanim wape. Afa' ukup ma'ima'i endilisi ma ipat anama afa'inai nape heveni ma anona nemaf nose'ala alop afa'inai si'i luwaguf.

Filipai 3:11

Ae' a'i enda'am na'ama ma anona nemaf God nefele wapoti' hi'agif.

Kolosi 1:5

Fowa' basef bu'wami Godi amama endilisimi matagamepa pame'ama amamaga bu'wami ipe'imi God nandandombam dei' ma'oh heven ipe' pape pehafami. Amamaga amama bu'wami ofagema ma bale'ef ipe'inai naloma waf anama ipe' panda'anai ukup maimaila epes hiesi.

1 Tesalonaika 1:10

Ea' esis sa'i ipe' pape pehafa Nogalomana Ananinai anona nemaf nekwaha heven notanima nifi'i. Anan Jisas, fowa' naga' ea' God nafelona wapoti'. Anona nemaf owagama God okom wandafunai ma emi egafis sanda' waf aonai. Ea' dei' Jisas nagalo'mapa ma okom anama wandafunai.

1 Tesalonaika 5:4

Ipe' alupipei, ina ata' pape owamb si'i isima sololama Dembinai, owa'. Ipe' ina gegelalasipa ma nemaf anama notaga si'i gegelalasipa ma aman nanda' wali nafi'i, owa'.

2 Tesalonaika 2:8

Nemaf anama aman anama aonai nosambala mi'uli Godi notaga nondawalap. Ea' nemaf Dembinai Jisas niefi'ianai nohana naga'ma malogel ambip ananimi atom moloma mafifili lu'wami ananimi

1 Timoti 6:19

I'i sonda'am na'ama, andeande'ma anona nemaf sokolasa amamaga bu'wami atom migiambamas owagama gani heven. Sonda'am na'ama, sofa' ambal bu'unai endilisi.

2 Timoti 1:10

Ea' dei' nogota anae' Krais Jisas nafi'i nofa'apa motanimani, anan nataga alihina. Dei' maol ananinai God nagiambamapa na'a nanda'apa mataga la'ifipa mataga alihim. Krais Jisas nikila' ga', ea' basef bu'wami Godi mihima'mapa ambal namunai nape andeande' la'ela'ef.

2 Timoti 1:12

Amama atom dei' efa' nimanimi amama. Ea' ae' ina ambal aona ma amama, owa'. Ae' egawa aman anama embale'efanai. Ae' egawana endilisi anan la'ifinai ma numafi amamaga hiami moloma epes hiesi ananisi ae' ase'anas lagof ananimi. Ea' amama mope bo'om andeande' mefe' motagama nemaf anama lu'unai notaga.

2 Timoti 1:18

Ae' anda' betena Dembinai ma niti anan uwahipina nemaf anama bu'unai. Anan nagiambame nimeguf hiami wambel anama Efesus, amama ine' negawam andeande'.

2 Timoti 2:5

Na'ama etin, emi aman nondondombam noloma enis nosagih, nila waf anama esis sasagihanai. Ama nikila' nofa' amamaga amama bu'wami sasagih sikila' sefa'ami. Ea' i'i anan owa' nigi'ma waf anama sasagihanai andeande', atuwasi ina nofa' amamaga amama, owa'.

2 Timoti 4:1

Anona nemaf Jisas Krais nowaloga epes hiesi dei' ata' sape namisi, soloma isima saga'i wapoti'. Naep Godi maloma Krais Jisasi dei' a'ipina basef la'ifimi a'i Krais Jisas anona nemaf notaga nondawalap alihina naep epes hiesi ea' nope Dembinai wambel Ananinai. Amama atom dei' a'ipina mehip,

Taitus 2:13

Nogota anama ape' mape mohafa danifela anama lu'unai mape mohafanai. Ape' mape mohafa pepel nafifili God Dembinai ape'inai nofa'apa motanimani, anan Jisas Krais anona nemaf notaga nondawalap.

Hibrui 12:11

Ahalomapa nase'apa nimanimi ma nanda'apa mail basef ananimi, nemaf anama ape' ina mandanifel, owa'. Ukup ape'imi aom endilisi. Nahapa ma monda' waf bu'unai. Atuwasi monda' waf bu'unai atona, opalef ape'imi mope awanem.

Hibrui 9:28

Ea' na'ama etin si'i Krais nase'ana Anan hi'alana nondolalima Goda nemaf atotona nakwaha waf aonai epes hiesi sanda'anai. Anona nemaf wapoti' nigi' notanima nifi'i. Ea' Anan ina nifi'i ma nokwaha waf aonai epes sanda'anai, owa'. Nifi'i ma nofa' epes isima sape sohafanai.

Jems 1:12

Emi egafis saitu la'ifisa hiahaom meagwambasi matagamas, esis sondanifel. Dei' main, nemaf anama esis sikila' amama waf aonai naninani ea' hi'ilana, anona nemaf esis sofa' amamaga bu'wami si'i prais. Amama na'ama. Ambal namunai God na'i endilisi noso'asam emi egafis ukup maimaila anan.

1 Pita 1:4

Ea' dei' mape mohafana anona nemaf nose'apa amamaga bu'wami endilisi. Amama bo'om endilisi, ina anona nemaf aom folo'olam hi'ilam, owa'. Amama mape bo'om la'ela'ef, God nambe'am ma'oh mohafa ipe' otaga ilif.

1 Pita 5:4

Ama dembinai numafi amam nematawa si'i sipsip Godi notaga nondawalap alihinama ipe', pefa' amamaga bu'wami mope andeande' la'ela'ef, agel lu'unai. Amama ina anona nemaf aom higililam, owa'. Mope la'ela'ef.

Revelesen 1:7

Piti, Anan la'ifinai anona nemaf nifi'i noloma otaga esis hiesi sotolona naep asasimi ea' epes isima fowa' sahana wamba'wi sotolona wapoti'. Amama atom esis amam nematawa hiesi sape etapi sotolona sogawa solopana kwapete'as ma waf aonai esis sanda'anai. Amama anona nemaf motaga na'ama. Endilisi.

Revelesen 19:11

Ea' ati otaga heven nandawisi' nogal, ati anona hos afitinai nape. Epen natomanai agel ananinai sa'i, “Epen numafi opeh ananimi andeande', nanda' waf endilisinai atona.” Anan naila waf bu'unai atona nowaloga esis amam nematawa ma basef lu'wami ea' nanda' wandafa waf bu'unai atona.

Revelesen 2:10

Ipe' ina umbamehepama nambimb pefa' nimanimi, owa'. Ipe' peme'! Nambimb Satan nonda' enipa penda' kalabusa nogwamba ipe' pefa' nimanimi amama nimeguf 10-peleim. Ea' kwawie', ipe' pembale'efa Ae' pitu la'ifipa ma enis si'i sehepa pega', pitu la'ifipa pembale'efa Ae'. Ama Ae' anona nemaf ease'epa ambal namunai ipe' si'i amamaga bu'wami esis sasagih sikila' sefa'ami.

Revelesen 22:20

Ae' Dembiwei a'i basefa amamaga mail buk anae', Ae' a'i amama endilisimi atom. Ea' dei' a'i, “Endilisi, Ae' anona nemaf ifi'i mehip!” Endilisi, Dembinai Jisas, ine' nifi'i!

Revelesen 4:10

Ama nimeguf hiami maina nogota amam manda'am na'ama, agufumi amama 24-peleim mindiwa nembawa ma naep Dembinai kingi, natoma balata kingi. Ea' amam manda' lotuma Anan nape la'ela'ef. Amam mowali hagw amamumi golim makwahom mondola'wifa mape owina Anan Dembinai amamunai. Hagw amama mafe' mowa felefele'ma balata kingi notawa natologoma ea' ma'i,

Revelesen 4:4

Anom siaifah hiami bu'wami 24-peleim motawa tulif etina balata anama dembinai kingi. Ea' anom agufumi mala luwaguf afitimi atom matoma mandandamam siaifah amama 24-peleim. Mowalo' hagw dembemi atom mowalo'ami balagah amamumi sanda' gol sanda'ami.