2 Timoti 4:5 - Basef Buꞌwami Godi

⁵ Ea' ine' la'ela'ef okom nopeina andeande' nimafi alop ine'inai andeande'. Nemaf anama nimanimi motagamena nepe la'ifina nenda' maol Godi newalapa basef bu'wami ma esis amam nematawa sololama Godi. Nenda' maol anama ma nigiambamas nenda'ana endilisi nimbefana.

2 Timoti 4:5 Iomraidhean Croise

Matyu Nandaꞌafi 25:16

Ea' aman anama nofa' 5,000 kinai mehip etin nanda' maolana ea' nofa' 5,000 kina wamenai wapoti'.

Mak Nandaꞌafi 13:34

Ipe' peme' anom basef womun etin dei' ie'ipipami. Nemaf anama Ae' etanima iefi'ianai si'i anona aman nakwaha ipat ananinai nafe' anagon. Anan nofalai amam manda' maola anani mafi'i nawaloga maol nase'am atona etina mumafi amamaga ananimi. Ea' na'ipa aman numafi utai ma numafiana andeande'.

Mak Nandaꞌafi 13:37

Basef amama ae' ase'epam ipe'i amama ae' a'ipa amam nematawa hiesi. Ipe' pindumafuma andeande' pepe ma amamaga ae' a'ipipami meataga.”

Luk Nandaꞌafi 12:37

Andeande'ma amam manda' maoli mundumafuma mope miti dembinai amamunai nifi'i notoloma mondanifel. Ae' a'ipipa endilisi, nambimb dembinai nili' nowaho' lowaf bandana nowaho' let, ama nonda'mam gwa'aimi. Ea' ni'ipam motoma tebol ea' anan nifi'i nease'am gwa'aimi.

Aposel 21:8

Ama wafilu wakwaha Tolemes wafe' wataga Sisaria wakwaha sip ea' wafe' ipat anona aman Filip nawalipasa basef Godi wape walomana. Anan anona ma amam amama 7-peleimi fowa' mandandepam Jerusalemi ma magiambama amam aposel.

Basef Amama Pol Nandaꞌam Mafeꞌma Esis Romi 15:19

Ambal Bu'unai Godi nase'e pepel ananinai nanda'e la'ifiwi ma anda' ikwaf la'ifinai naninani. Epes hiesi sati maol anama ea' same' basef Godi sailam. Damba damba anda'am Jerusalem awalapa basef bu'wami ma Krais afe' laogoma hi'alagon etambili etap hiagoma Ilirikum.

Efesus 4:11

Anan atona nase'apa presen bu'unai na'ama. Anom amam nandandepama manda' maol aposel, anom nandandepama manda' maol profet. Ea' anom nandandepama manda' maola mefe' mi'ipasa basef bu'wami Kraisi epes hiesi. Ea' anom nase'ama gawa mope pasto tisa mumafi esis Kristen mawalipasa basef bu'wami Godi ma monda' esis amam nematawa Kraisi sotaga la'ifis.

Efesus 4:12

Krais nase'apa presen anama bu'unai ma manda' ape' amam nematawa Godi mondondombam mope la'ifipama monda' maol bu'unai Ananinai. Ape' amam nematawa Godi si'i alop Kraisi. God nase'apa presen anama bu'unai ma ape' mefa'ana manda' hiesi amam nematawa Kraisi sataga la'ifisa sanda' maol Godi.

Kolosi 1:25

Ae' ataga aman anda' maol agiambama sios amam nematawa Godi na'ama. God nandandepe dei' ataga aman anda' maol a'ipipa basef hiami ananimi hi'alam.

Kolosi 4:17

Ea' ipe' pi'ipago Arkipus na'ama pi'i, “Ine' nimafi maol anama nefa'ana ma Dembinai andeande' nimbefana.”

1 Tesalonaika 5:6

Na'ama ipe' ina penda'am si'i isima enis ukup mase'as sa'oh solola, owa'. Andeande'ma ape' ukup mope naep motawa motologon.

1 Timoti 4:12

Esis sati ine' ukup ma'i, ine' ata' awomina, ea' ina ni'i aho'ma si'i ine' aman falafinai, owa'. Ine' nepe si'i ikwaf bu'unai ma esis Kristen sila waf bu'unai ine' nanda'anai ma fe' pe ki bale'ef ine'inai, noloma waf anama okom na'ina'ianai noloma waf bu'unai.

1 Timoti 4:15

La'ela'ef ine' nimafi maol anama la'ifina nepomana. Ama epes hiesi siti waf ine' nanda'anai netaga bo'ona.

2 Timoti 1:8

Ine' owa' ambal aona ni'ipasa basef Dembinai apa'inai, owa'. Ea' ina ambal aona ma ae' wapoti', owa'. Ae' anda' maola Dembinai dei' anda' kalabus. Ine' nefa' pepel Godi ma netaga la'ifina nefa' nimanimi nelome owalapa basef bu'wami Ananimi.

2 Timoti 2:10

Ea' anda' okom ae'anai nataga la'ifina ma aitu la'ifiwi la'ela'ef igiambama epes isima God nosahe'as ea' Ananisi. Ae' a'i God nigiambama esisa nofa'as sotanimani ma Krais Jisas soloma howalagon pepel nape la'ela'efi.

2 Timoti 2:3

Ine' nepe la'ifina endilisi si'i soldia naitu la'ifina nila Krais Jisas. Nefa' nimanimi amama neloma afa' anofa soldia ananifai ma maol anama Godi.

2 Timoti 4:17

Ea' Dembinai numafi ae' ape nase'e pepel. Amama atom dei' awalapa basef bu'wami a'iam la'ifiwi endilisi ea' epes isima hiesi owa' Judaisi sogawa basef Godi, dei' same'am hi'alas. Ea' God nagiambame ma malogel mafin anama lu'unai laion.

Hibrui 13:17

Amam agufumi ipe'imi ma'i migiambamepa ea' mumafi ipe' la'ela'ef. Ama anona nemaf amam mowalapa basefa Goda maol hianai manda'ana mumafi ipe'. Amama atom dei' ipe' pila basef amamumi ea' pepe owina amam. I'i penda'am na'ama ma amam mondanifela monda' maol anama ma ukup amamumi ina aom mupan. I'i amam monda'ana moloma ukup awami, amama nambimb ina migiambamepa, owa'.

1 Pita 1:13

Ea' dei' ipe' pendondomba ukup ipe'imi ma penda' maol bu'unai, pimafi alop noloma ukup ipe'imi pepe andeande'. Ea' pembale'efa God pepe ukup bo'om pehafa Jisas Krais anona nemaf notaga nondawalap alihinama nigiambamepa na'a nofa'epa petanimani.

Revelesen 3:2

Ipe' hafel pekwaha pa'oh pandondo'ah! Waf hianai aonai ipe' panda'anai ata' napaipa la'ela'ef na'i nehepa pega'. Ea' anona waf bu'unai kwaie'una ipe' penda'ana notaga la'ifina nape. Dei' main? Waf hianai ipe' panda'anai, Ae' ina ati anona ata' bo'ona ma naep Ahalome Godi, owa'.