2 Timoti 4:16 - Basef Buꞌwami Godi

¹⁶ Ali' agwa basefa kot anama esis sanda'meanai, ina enin epen etitin naitu nalome nemaf anama nagiambame, owa'. Epes ae'asi hiesi sakwahowe. Ea' anda' betena God na'ama, a'i ina okom nopoma waf anama aonai esis sanda'anai ma sakwahowe nemaf anama anda' kotanai, owa'.

2 Timoti 4:16 Iomraidhean Croise

Mak Nandaꞌafi 14:50

Ea' alupumi ananimi hiami makwahona mafa' mafe' hi'alam.

Luk Nandaꞌafi 12:11

Nambimb esis sofa' ipe' pefe' piowis ifagw amama esis Juda sa'i basef sapeimi o sofa'epa pefe'ma naep amam dembemi gavman moloma agufumi monda'mepa kot, ipe' ina umbamohepa, owa'. Ipe' ina pi'i, ‘Nambimb ape' mi'i basef mi'imama? Nambimb mi'i maim basef?’ Owa'.

Jon Nandaꞌafi 16:32

Ipe' peme'. Nogota felefele' notaga, endilisi nataga ea' ma sogalo'ma ipe' hipei atona etin pefe' wambel ipe'inai. Ea' pekwaha ae' atowe epe. Ea' ina ae' atowe epe, owa'. Ahalome nape nalome.

Aposel 22:1

Na'iam na'ama na'i, “Ipe' sahin owan poloma ahape, ipe' peme'. Ae' a'i egwa basefa' ipe' dei' ma pegawa ae' ina anda' anona waf aonai, owa'.”

Aposel 25:16

Ea' ae' agwamama basef na'ama a'i, ‘Ape' Rom waf anama a'apa ma mose'ana nimanimi na'a enin epen, owa'. I'i basef milan, enin ata' nili' nitu nonda' basefa naep esis isima sanda' kotimani ma ape' ata' mose'ana nogota ma enin negwa anom basefa esis sanda' kotimani.’ ”

Aposel 7:60

Ea' nindiwa nembawa notawa na'i mehip na'i, “Dembinai, ine' owa' negwamama waf anama aonai ma amam, owa'.” Stiven na'iam na'ama, ea' naga'.

1 Korin 13:5

Esis ukup maimailas sape andeande'. Esis ina ukup mapoma amamaga asasimi endilisi, owa'etin. Esis ina ukup wandafum mehip, owa'. Ea' ina ukup mapoma waf aonai enis epes sanda'masanai, owa'etin.

1 Korin 9:3

Ea' anom epes mape manifa ae' ma'i ae' endilisiwei o falafuwei. Ea' agwamama basef na'ama.

2 Korin 7:11

Ipe' ukup mi'i andeande' ma nimanimi amama ipe'imi. God nanda'am mawalapai waf bu'unai naninani hianai ma ipe'. Amama mafelepa pahafel ulala pekwaha waf aonai ipe'inai. Ipe' ambagof aoma epen inima ipe'ini nanda' waf aonai, amama atom dei' umbamehepama basef a'ipipama okom wandafunai Godi. Opalef ipe'imi malef endilisi ma pa'i petolowe ea' la'ifipama pegalo'ma epes isima sanda' waf aonai. Ipe' pagalo'ma epen inima napani laogon. Panda'am na'ama ma pihi'amba epes hiesi waf aonai ofagena a'epa ma amamaga mali' matagamapei.

Filipai 1:17

Ea' epes isima kowalasa ae'i dei' sawalapa basef Kraisi. Esis ina ukup mohafel endilisi ma sanda' opeh sefela agel Kraisi, owa'. Esis sanda'am na'ama ma sefela agof asasimi atom. Sa'i sowatani anom nimanimi wapoti' ma ae' ape la'ela'ef anda' kalabus.

Filipai 1:7

Ae' ahapila ipe' okom ae'anai, egawa God nigiambamepa dei' anona nemaf wapoti' na'ama etin. Amama andeande'. Dei' main, ape' manda'kolas etin manda' opeh ananimi. Nemaf anae' dei' ape kalabus o nimeguf hiami ali' awalapa basef amama bu'wami epes hiesi agiambamasa sogawa basef amama endilisimi atom, nimeguf amama hiami God nagiambamapa na'a.

2 Timoti 1:15

Ine' negawa epes hiesi sape etap hiagoma Esiai, saloma amam biam Figelus naloma Hermogenes sakwahowe safe'.

2 Timoti 4:10

Dei' main, Demas okom na'ina'i waf aonai etapanai ea' nakwahowe nafe' Tesalonaika. Kresens nafe' etap hiagoma Galesia, ea' Taitus nafe' etap hiagoma Dalmesia.

2 Timoti 4:15

Ine' wapoti' nindumafuma ma aman anama. Anan nahogofa basef amama afe'imi endilisi.

1 Pita 3:15

Ipe' ukup mopoma Krais atona nope Dembinai andeande'ma opalef ipe'imi penda' lotumana. Ea' pendandombam pepe la'ela'ef ma pewalapa basef ofagema alihim pegwamasam emi egafis sohali'ipamami ma amamaga bu'wami pape pehafami.