2 Timoti 4:1 - Basef Buꞌwami Godi

¹ Anona nemaf Jisas Krais nowaloga epes hiesi dei' ata' sape namisi, soloma isima saga'i wapoti'. Naep Godi maloma Krais Jisasi dei' a'ipina basef la'ifimi a'i Krais Jisas anona nemaf notaga nondawalap alihina naep epes hiesi ea' nope Dembinai wambel Ananinai. Amama atom dei' a'ipina mehip,

2 Timoti 4:1 Iomraidhean Croise

Matyu Nandaꞌafi 16:27

Ae' ataga epen endilisiwei, anona nemaf ae' ifi'i elomai amamaga bu'wami pepel nafifili noloma amam ensel ae'ami. Ama nemaf anama, ae' egwamasa amamaga hiami esis amam nematawa hiesi mondahama waf esis sanda'anai hianai.

Luk Nandaꞌafi 19:12

na'i, “Anona aman dembinai na'i nefe' anona wambel laogoma ma esis sonda'ana nope king. Anona nemaf anan notanima nifi'i.

Luk Nandaꞌafi 19:15

Owa'etin. Esis sanda'ana nataga nape king dembinai nape anom nimeguf, notanima nafi'i. Ea' na'i, ‘Falai amam amama manda' maoli fowa' ae' ase'ama moni. Ae' a'i ata' egawa moni wamanai ma'ufina amam hiami atona etin mofa'anai.’

Luk Nandaꞌafi 23:42

Ea' nandamboma na'ipa Jisas na'i, “Jisas, anona nemaf ine' netaga dembinai king, nemaf anama ine' okokoma ae'.”

Aposel 10:42

Anan na'ipafa basef la'ifimi ma wi'ipa esis amam nematawa owalapa basef alihim na'ama. God nandandepa aman anama ma nope aman nonda'masa basefa epes isima sape namisi soloma isima saga' ea'i.

Aposel 17:31

Anan nandandepa anona nemaf ea' ma nonda' basefa kot, nowaloga waf amam nematawa hiesi sanda'anai. Basefa kot ananinai mofe' bo'om andeande'. Anan nandandepa anona aman ea' ma nohapila kot anama. Aman anama naga' ea' God nafelona wapoti' hi'agif. Amama atom dei' epes hiesi sape etap hiagomai sogawa basef amama endilisimi atoma anan anona nemaf nonda'mas kot anama.”

Basef Amama Pol Nandaꞌam Mafeꞌma Esis Romi 2:16

Amama anona nemaf motaga na'ama etina nemaf anama God nowaloga waf hianai epes hiesi sanda'anai. Nemaf anama Anan ni'i wila ma Jisas Krais nope dembinai nogwaloga waf hianai asasinai nandambahi'i noloma basef sa'iam sambahe'ami. Basef bu'wami Godi ae' awalapami amama atom.

Kolosi 3:4

Krais ofagonama ambal namunai ape'inai anona nemaf notaga nondawalap alihiguma, ea' ipe' wapoti' petaga pefa' nafifili Ananinai pelomana.

2 Tesalonaika 2:8

Nemaf anama aman anama aonai nosambala mi'uli Godi notaga nondawalap. Ea' nemaf Dembinai Jisas niefi'ianai nohana naga'ma malogel ambip ananimi atom moloma mafifili lu'wami ananimi

1 Timoti 5:21

Ae' a'ipina andeande'ma naep Godi naloma Krais Jisas maloma amam ensel God nandandepami. Ine' nila basef amama andeande'. Ine' owa' ninifala anom amam awomimi ni'ipam mehip. Ea' ina nenda' anom dembemi sa'ombemam ni'ipam so'umbel, owa'. Ni'ipa epes hiesi na'ama etin. Ina ninifala enis epes ea' nenda' enis alupusi sa'ombemas, owa'. Ni'ipas na'ama etin.

2 Timoti 1:10

Ea' dei' nogota anae' Krais Jisas nafi'i nofa'apa motanimani, anan nataga alihina. Dei' maol ananinai God nagiambamapa na'a nanda'apa mataga la'ifipa mataga alihim. Krais Jisas nikila' ga', ea' basef bu'wami Godi mihima'mapa ambal namunai nape andeande' la'ela'ef.

2 Timoti 2:14

La'ela'ef ine' nefela ukup asasimi ma basef amama. Ni'ipasa ma naep Godi amama. Ipe' ina pi'i basef pepa'am pelomasa basef mamumami, owa'. Waf anama ina nigiambamas, owa'. Waf anama nambimb mohambombaga isima some'ami.

2 Timoti 4:18

Anona nemaf Dembinai nigiambame ma waf anama aonai hianai esis sanda'mianai, ea' nofa'e etanima nohapone epe wambel Ananinai gani ilif heven. Ae' a'i pepel howalagon nopaina la'ela'ef. Endilisi.

2 Timoti 4:8

Dei' amamaga amama bu'wami sasagih sikila'i sefa'ami sandandombam ma'ome. Amama na'ama. Nambimb Dembinai nofale ni'ipi ni'i, “Ine' aman bu'winai.” Dembinai anan aman bu'unai nowalogas ma nemaf anama. Nemaf anama lu'unai Anan nese'e amamaga amama bu'wami. Ea' ina noso' ae' atowe, owa'. Anan nose'asam emi egafis ukup maimaila Anan notaga nondawalap sotolona.

Taitus 2:13

Nogota anama ape' mape mohafa danifela anama lu'unai mape mohafanai. Ape' mape mohafa pepel nafifili God Dembinai ape'inai nofa'apa motanimani, anan Jisas Krais anona nemaf notaga nondawalap.

1 Pita 1:7

Nimanimi amama matagamepa ma God nowaloga bale'ef ipe'inai nonda'ana notaga bo'ona la'ifina. Ipe' ukup mopoma otamba gol, amama buwami satalom otamba lu'wami. Ea' bale'ef ipe'inai nikila' gol amama bo'ona endilisi. Gol amama anona nemaf higililam, ea' esis saofam nifa motaga bo'om. Bale'ef ipe'inai na'ama etin anona nemaf notaga bo'ona la'ifina ma nimanimi amama meatagamipei. God nowaloga bale'ef ipe'inai ma nondawalap notaga bo'ona la'ifina. Ama anona nemaf Jisas Krais notaga nondawalap alihina, God nese'epa agof lu'wami moloma basef bu'wami ninifalipamami ma agel lu'unai.

1 Pita 4:5

Anan nandandombam nowaloga epes isima sapani soloma saga'i. Esis anona nemaf sowalapa waf aonai esis sanda'anai sogwamana basef Anan ama waf anama ofagena esis sanda'anai.

1 Pita 5:4

Ama dembinai numafi amam nematawa si'i sipsip Godi notaga nondawalap alihinama ipe', pefa' amamaga bu'wami mope andeande' la'ela'ef, agel lu'unai. Amama ina anona nemaf aom higililam, owa'. Mope la'ela'ef.

2 Pita 1:11

I'i ipe' pilam, anona nemaf God nonda' eaf nogal alihina pendanifel pefe' piwis wambel Jisas Krais Dembinai ape'inai nape la'ela'efa. Anan atona nofa'apa motanimani.

2 Pita 1:17

Nemaf anama afa' wape walomana halaf anama, wati Anan nofa' agel lu'unai naloma pepel howalagon bu'unai ma lagel Ahalomana Godi. Nemaf anama anona malogel na'i nataga God napoma nafi'mai Jisas na'i, “Anama Nogalome Ae'anai okom nainailana endilisi. Okom Ae'anai bo'ona ma Anan.”

1 Jon 2:28

Ipe' awasi ae'ipei, ae' okom nainailipa a'i pepe la'ifipa peloma Anan ama anona nemaf notaga nondawalap, ape' ina ambagof aom, owa'. Ape' mitu la'ifipa ma naep Ananimi.

Revelesen 1:7

Piti, Anan la'ifinai anona nemaf nifi'i noloma otaga esis hiesi sotolona naep asasimi ea' epes isima fowa' sahana wamba'wi sotolona wapoti'. Amama atom esis amam nematawa hiesi sape etapi sotolona sogawa solopana kwapete'as ma waf aonai esis sanda'anai. Amama anona nemaf motaga na'ama. Endilisi.