2 Timoti 3:8 - Basef Buꞌwami Godi

⁸ Fowa' Janes naloma Jambris manda' naumbih maloma Moses, mowa' alafugahana. Na'ama etin dei' epes isima sanda' naumbiha basef endilisimi sowa' alafugaham. Ukup asasimi aom endilisi, ea' bale'ef asasinai sambaso'am etin. Esis ina sembale'efa God endilisi, owa'.

2 Timoti 3:8 Iomraidhean Croise

Aposel 15:24

Afa' wame'am enis epes afa'isi safo'o sanda'epa pehafel gegelalasipa kwapete'epa ma basef asasimi, sanda'epa umbamahepa ukup matamea. Esis sanda'am na'ama sa'i somboma ukup ipe'imi. Ea' afa' ine' wa'ipas safo'o sanda'epa na'ama, owa'.

Basef Amama Pol Nandaꞌam Mafeꞌma Esis Romi 1:28

Ukup asasimi atom sandaiwa'ma sembale'efa God. Amama atom dei' nape natilis saila ukup awami asasimi atoma sanda' waf naninani aonai owa' andeande'ma epes seanda'anai.

Basef Amama Pol Nandaꞌam Mafeꞌma Esis Romi 16:18

Esis ina sanda' maola Dembinai ape'inai Kraisi, owa'etin. Saila ukupa alop asasinai atona. Sanda' basef atom usiusihimi ma sambaso'ma opalef sa'ipa epes isima owa' sogawa andeande' waf aonai o bu'unai.

Efesus 4:14

I'i ape' motaga na'ama, ape' ina ata' mape mundati si'i awasi gawa a'asi wapoti', owa'. I'i epes isima sogawa endilisi sakikipapa ma waf baso'maimi si'ipapa basef hiami mamumami, amama ina mamboma ukup ape'imi mape si'i naoh makoto'ma kanu. Amama ina makoto'mapa manda'apa si'i uf nafapusapa mafe' mafi'i, owa'.

1 Timoti 1:19

Wandaf anama ine' la'ifina nembale'efa God nenda' waf bu'unai andeande', ma basef mape opaf ine' nomoni ina ma'ipina anona waf aonai ine' nanda'anai, owa'. Enis epes soso' alafugaha waf anama bu'unai. Ea' dei' bale'ef asasinai aona si'i sip papalalana nail otamba aona nala naoh.

1 Timoti 4:2

Anom amam mambaso'ami mawalipasa basef amama baso'maimi. Basef mape opalef asasimi nomon ma'iami mataga aom. Amam ina nambimb ata' momeme'ma waf aonai mogawana, owa'etin.

1 Timoti 6:5

Epes isima sanda' na'ama, ukup asasimi mahaga magaol endilisi ea' ina sombale'efa basef bu'wami endilisimi, owa'. Ea' sa'i basef sapa'am sandahihianama saloma enis. Ea' sa'i, “Eaf anama Godi eaf sofa' otambanai.”

2 Timoti 4:15

Ine' wapoti' nindumafuma ma aman anama. Anan nahogofa basef amama afe'imi endilisi.

Taitus 1:10

Epes hiesi ina saila basef, owa'. Sosambalom. Esis sanda' basef etin sa'iam sambaso'ma enis epes. Esis hiesi wambota Judai satopa' alop.

Taitus 1:16

Malogof asasimi sa'iam na'ama sa'i, “Ape' mogawa God.” Ea' fe' asasinai nawalapa esis sowa' alafugaha God. God anan nandaiwa'ma esis endilisi. Epes isima sosambala basef, ina la'ifisa sonda' anona waf bu'unai, owa'.

2 Pita 2:14

La'ela'ef naep amamumi mati nematawa wanda' waf aonai la'ela'ef ma monda' waf aonai molomawa ea' amam ina makwaha waf anama, owa'etin. Amam makikipa enis epes mombomefas sonda' waf aonai. Amam mogawa endilisima waf anama aonai kowalasanai ma amamaga enis epesi. Anona nemaf God nohambombagam endilisi.

1 Jon 2:18

Ipe' alupipei ae'ipei, ae' okom maimailipa, dei' nemaf na'i hi'ilana. Fowa' ipe' pame' basefa naumbih Kraisi ma'i motaga. Ea' dei' naumbih Ananimi hiami mataga ea'. Ape' mogawa dei' nogota na'i hi'ilana.

1 Jon 4:1

Alupipei ae'ipei, amam profet mambaso'mami mafe'agon anama etap hiagoma. Ipe' ina pembale'efa epes isima hiesi sa'i, “Ae' Ambal Bu'unai Godi napaiwei.” Owa'. Ipe' ata' pegwaloga ambagof amama hiami pendendomam ama pegawa amam mataga mafi'i Ambal Bu'unai Godi o owa'?

Revelesen 2:20

Ea' Ae' anom basefa waf aonai ipe' panda'anai. Ipe' pati nemata'w akwama Jesebel kwape kwalomepa. Akwa'w kwa'i, ‘Ae' profet a'i basef Godi mandambahi'i.’ Owa', kwambaso'mepa kwawalipa ipe' panda' maola ae'i panda' waf so'a waolanai aonai ma pa' gwa'aimi amama sondolali saso' god baso'omunai.

Revelesen 2:6

Ea' dei' anona waf bu'unai ata' napaipa. Enis epes hiesi agel sa'i Nikolas Ae' andaiwa' endilisi ma waf esis sanda'anai, ea' ipe' wapoti' pewa' alafugahas pandaiwa' endilisi ma waf esis sanda'anai.