2 Timoti 3:4 - Basef Buꞌwami Godi

⁴ Ea' sonda' alupusi asasisi sofe'ma lagof naumbih. Ea' esis mehip sila waf aonai asas sanda'anai, ukup mopoma esis etis si'i dembesi. Ea' ukup maimaila danifel naninani aonai endilisi ma alop asasinai atona. Esis ina ata' ukup mi'i God, owa'.

2 Timoti 3:4 Iomraidhean Croise

Aposel 19:36

Ina anona aman nasambala basef amama, owa'. Ipe' feso'mepa pepan. Ipe' ina penda' anom amamaga mehip, owa'.

Aposel 7:52

Amam profet hiami fowa' gani mapani esis akusepa ipe'isi sanda' waf aonai ma amam hiami saham sanda'am aom. Saha amam profet ma'ipasa Aman Bu'unai anona nemaf neafi'i. Ea' dei' ipe' pawalapana ma amam naumbih mahana naga' ea'.

Basef Amama Pol Nandaꞌam Mafeꞌma Esis Romi 11:20

Wila, andeande', ea' esis Juda ina sembale'efana, amama atom dei' nahape'as. Ea' ipe' pembale'efana dei' pape la'ifipa ma anan. Ea' ipe' owa' pefela agof ipe'imi pi'i ipe' etipa bu'upei, owa'. Ipe' umbamahepa pindumafuma andeande'.

Basef Amama Pol Nandaꞌam Mafeꞌma Esis Romi 16:18

Esis ina sanda' maola Dembinai ape'inai Kraisi, owa'etin. Saila ukupa alop asasinai atona. Sanda' basef atom usiusihimi ma sambaso'ma opalef sa'ipa epes isima owa' sogawa andeande' waf aonai o bu'unai.

1 Timoti 3:6

Aman anama nataga Kristen dambanai ina nope dembinai numafi sios, owa'. Na'ama nosambala basef Godi nogalo'mana si'i nagalo'ma aman aonai Satan.

1 Timoti 5:6

I'i ano'w nemata'w alifi'wi kwaila okom akwa'unai atona kwandagala ma alop atona kwanda' waf aonai, akwa'w si'i kwaga'i.

1 Timoti 6:17

Ine' ni'ipa epes isima amamaga hiamisi ma etap anae' ina sosambala basef endilisimi sombale'efa amamaga amama mamumami hiami anona nemaf motaga aom endilisi, owa'. Ine' ni'ipasa sombale'efa God endilisi andeande'. Anan atona nase'apai amamaga hiami bu'wami manda' ukup ape'imi mataga bo'om mandanifel.

Basef Ifimba Jut Nandaꞌafi 1:19

Amam amama atom manda' ipe' Kristen pandawal. Amam maila ukup epes etapasi etis, Ambal Bu'unai Godi a'am.

Basef Ifimba Jut Nandaꞌafi 1:4

Dei' main, anom amam mandambaho' mawisi la'afena ape' Kristen. Fowa' gani basef mail Buk Baibeli ma'i amam amama anona nemaf God nowalogama basef lu'wami ma kot. Amam mowa' alafugaha God maho'ofa basef bu'wami Anan nagiambamapa na'a ma'ipas anom basef manda' waf naninani ukup mohafela waf aonai so'a waolanai nataga la'ifina.