2 Timoti 3:2 - Basef Buꞌwami Godi

² Nimeguf amama epes ukup mopoma esis etis, ea' ukup mimila otamba atom, sefela agof asasimi atom, sototopa' basef, sonda' epes findiwasa God. Ea' sosambala basef mamasasi ahapas asasisi. Esis ina sinifela Goda waf bu'unai, owa'. Sosambala waf bu'unai.

2 Timoti 3:2 Iomraidhean Croise

Matyu Nandaꞌafi 15:6

Ea' ipe' Farisi paloma ipe' enipa pawalipasa mi'uli Godi, ipe' pa'i a'e ma epen inima nembaso'ma mamasan, ea' ina nagiambamas. Ipe' panda' waf anama pesambala basef amama Godi na'i migiambama mamasapa. Ea' panda' waf ipe'inai atona lu'una.

Luk Nandaꞌafi 12:15

Ea' anan na'ipas na'i, “Ipe' pindumafuma andeande'ma ipe' ina kowalepama anom amamaga. Epen amamaga hiamini endilisi, ina nefa' ambal namunai ma amamaga amama ananimi, owa'.”

Luk Nandaꞌafi 16:14

Amam Farisi mame' basef amama hiami Jisas na'iami, amam manda'mana salamal etin. Dei' main, amam ukup maimaila moni atona.

Luk Nandaꞌafi 6:35

Ea' ipe' ukup mila naumbih ipe'isi, penda'mas waf bu'unai esis pese'asa amamaga. Ipe' ina ata' pi'i anona nemaf esis sogwamepam, owa'. Ipe' penda'as na'ama anona nemaf God la'ifinai nape ilifi nese'epa amamaga lu'wami bu'wami ma pepe awasi ananipei. Dei' main, anan na'i uwahipis esis isima owa' seanifelonae saloma isima sanda' waf aonai.

Aposel 5:36

Ipe' pegawa nogota anama fowa', anona aman Teudas nohafel na'i, ‘Ae' aman dembiwei, agiliwei.’ Ea' amam hiami felefele' ma 400-peleim mafe' mailana. Ea' enis epes sahana naga' ea' amam mombale'efanai mafa' mafe' atona etin. Ea' maol amamunai nowala.

Basef Amama Pol Nandaꞌam Mafeꞌma Esis Romi 11:18

Dei' ipe' owa' Judaipei ina pi'i ipe' etipa bu'upei pikila' esis Juda si'i agof amama God nindiwam, owa'. Ipe' ine pi'i ipe' bu'upei ea' esis epes awasi, owa'. Dei' main, ipe' ina penda' nombalef la'ifim, owa'. Nombalef atom monda' ipe' la'ifipa.

2 Korin 5:15

Ea' anan naho'ofa ape' hiapai naga' ma ape' epes mope namepa ma ina ukup motamea ma ape' atepa, owa'. Ape' ukup ma'i aman anama naho'ofapa naga' ma notanima nohafel wapoti', ukup ma'i maol ananinai la'ela'ef.

Filipai 2:21

Amam hiami mape maloma ae' mumafi amamaga amamumi atom ea' ina ukup maimaila mumafi opeh Jisas Kraisi, owa'.

Kolosi 3:5

Ipe' peha waf aonai hianai etapanai opaf apinai noga', waf anama na'ama. Waf so'a waolanai naloma waf aonai, waf anama aonai ukup mohafemanai, ukup ma'i anom amamaga enis epesi. Waf anama si'i waf saila god baso'omainai.

2 Tesalonaika 2:4

Anan noham amamaga amama hiami epes sanda' lotumami sailam si'i Godi ea' nowa' alafuga ma amamaga amama. Ea' nefela agel ananinai atona lu'una, nonda' amamaga amama hiami mofe' owina anan. Ea' nuwis nupe ipat lu'unai Godi nowalapa basef na'ama na'i, “Ae' atowe Dembiwei God.”

1 Timoti 1:20

Epes sanda' waf anama, amam biam Himeneus naloma Aleksander. Bale'ef amamunai aona. Ae' andaiwa'mam ali'amonam mafe' lagof Satani ma mogawa gawa bu'unai. Anda'am na'ama amam ina monda' basef findiwama agel Godi, owa'.

1 Timoti 1:9

Afa' ogawa amama wapoti', mi'uli anama ina nafi'mai epes isima sape andeande'i, owa'. Anama nafi'mai epes sanda' waf aonai, sosambala mi'uli anama owa' sope owina amam agufumi. Ea' enis seso' alafugaha Godi sanda' waf aonai. Enis sa'i waf Godi hapainai, ma saila waf etapanai atona. Ea' enis saha ahapas mamasas saga', saha enis epes wapoti' saga'.

1 Timoti 3:3

Ina nea' embel laifimi hiami, owa'. Ina okom wandafuna mehip, owa'. Nonda' epes sa'osa'ombemas. Ina nohas etin, owa'. Ina okom ni'ini'i ma otamba.

1 Timoti 6:10

Waf anama ukup ma'i otamba endilisi, ofagema ma waf hianai aonai. Enis epes ukup lu'um ma'ima'i otamba endilisi, waf anama nambomas sakwaha sombale'efa God safe'ma waf aonai. Ea' sofa' nimanimi lu'wami endilisi.

2 Timoti 3:4

Ea' sonda' alupusi asasisi sofe'ma lagof naumbih. Ea' esis mehip sila waf aonai asas sanda'anai, ukup mopoma esis etis si'i dembesi. Ea' ukup maimaila danifel naninani aonai endilisi ma alop asasinai atona. Esis ina ata' ukup mi'i God, owa'.

Jems 2:8

Dembinai King ape'inai numafi ape' hiapai, anan nase'apa basefa mi'uli Ananinai mape Buk Baibeli. Basef amama ma'iam ma'i, “Ipe' ukup mimila emi egafis sape felefele'ma ipe'i si'i ipe' ukup maimaila ipe' atona etin.” I'i ipe' pila mi'uli anama, penda' waf bu'unai andeande'.

Jems 4:16

Ea' dei' ipe' pa'i diga lu'unai pa'i ipe' etipa la'ifipei pafela agof ipe'imi atom. Waf anama na'amainai aona.

Jems 4:6

Ea' God nagiambamapa na'a nanda'apa mataga la'ifipa. Waf anama Godi nikila' waf aonai si'i basef mail Baibeli ma'iami, “God nosambala epes isima sasambala basef Ananimi ea' nagiambama epes isima sanda' esis safe owina Anan.”

1 Pita 5:5

Ea' na'ama etin ipe' amam awomipei wapoti', ipe' pinindifa ipe' pefe' owina amam amama agufumi dembemi mumafi ipe'i. Ea' pefa' waf anama pinindifa ipe' pefe' owina amam sahopepa ipe'imi pigiambama waf bu'unai. Dei' main, basef mail buk Baibeli ma'iam na'ama ma'i, “God nowa' alafuga epes isima sasombala basef sefela agof asasimi atom. Ea' anan nigiambama epes isima safe' owina enis epes ma sape so'umbil.”

2 Pita 2:10

Basef amama endilisi atom mapoma emi egafis ukup mohafema waf aonai alop atona ma ukup ma'i basef Dembinai sa'i falafumi. Epes isima anona nemaf sofa' nimanimi lu'wami endilisi. Amam mambaso'ami matotopa' basef Godi maila ukup amamumi atom mafela agof amamumi atom. Amam ina umbamahama manda' amam mape ilif heveni findiwam, owa'.

2 Pita 2:12

Amamaga amam mambaso'ami owa' mogawame, amam ma'i basef awami ma amam. Amam mambaso'ami si'i mafis mape aolopi owa' ukup bu'wami miapaimi mape aolop atona. Mafis amama enis epes sagolopam satolom saham afum hi'alam ea' na'ama etina amam amama wapoti' anona nemaf aom hegililam.

2 Pita 2:18

Amam amama matotopa' basef Godi ma'i ma'oh etina basef falafumi awami amamumi. Amam ma'ipa enis epesa waf ukup mohafemanai ma so'a waola waf naninani aonai alopunai. Amam manda' waf anama ea' mambomefa enis epes ata' dei'aol sataga sa'i sokwaha waf aonai epes isima sololama Godi sanda'anai ea' mambomefas saila amam.

2 Pita 2:3

Amam amama kowalami endilisi, amama atom nambimb monda' basef baso'maimi ukup amamumi atom ma'iami ma mofa' otamba maim ipe'imi. Fowa' gani God nogawa nandandepa anona nemaf mapomam ma nowaloga amam mofe' wambel aonai hel. God nandondomba anom amamaga mohamboga amam endilisi ata' mape la'ela'ef mohafa amam. Ina ma'oh, owa'.

Basef Ifimba Jut Nandaꞌafi 1:16

Amam amama mambaso'ami mawisi malomapa ina mape andeande' opalef awanem, owa'. Amam mondowamba' ma amamaga hiami ea' mosambala basef Godi. Ukup amamumi mohafel na'ana'a ma waf aonai ukup mohafemami ea' magi'ma amama. Amam ma'i basef mamumami mafela agof amamumi atom. Amam ma'ipa enis epesa basef usihimi ma mamboma ukup asasimi saila basef amamumi.

Revelesen 13:1

Ea' ati anona mafin nape aolupi nataga naoh embel. Wambawa mataganai 10-peleim ea' balagah 7-peleim mapaina. Wambawa amama mowalo' hagw dembemi atom mowalo'ami matoma wambawa mandandam. Balagah ananimi sanda' anom agof mail mandandama balagah amama. Agof amama ofagema na'ama. Basef mamumami awami findiwaimi ma God.

Revelesen 16:11

Esis ukup mapoma nimanimi maloma maselis asasimi, dei' sa'i basef awami findiwaimi ma God nape heveni. Ina samboma opalef sowa' alafugaha waf anama aonai esis sanda'anai, owa'.

Revelesen 16:21

Ea' asaf ondowa lu'wamunai si'i otamba ais afitimi mowai mahas. Asaf ondowa lu'wamunai nimanimi endilisi si'i beg kopi lu'unai atona etin. Ea' sa'ipana awagon God ma asaf ondowa lu'wamunai mowai maha esis.

Revelesen 16:9

Nif amama lu'wami nigisigeim endilisi ma epes isima. Ea' sa'i basef findiwaimi awami ma God numafi amamaga amama awami. Esis ina samboma opalefa sakwaha waf aonai esis sanda'anai ma sefela agel Ananinai, owa'.