2 Timoti 2:8 - Basef Buꞌwami Godi

⁸ La'ela'ef ine' okom nopoma Jisas Krais, anan naga' notanima nohafel wapoti'. Anan wambota anama Deviti, si'i a'iama basef bu'wami Godi.

2 Timoti 2:8 Iomraidhean Croise

Matyu Nandaꞌafi 1:1

Wambota anama bafapana akupana Jisas Kraisi amama. Jisas nataga wambota Deviti, Devit nataga wambota anama Abrahami.

Luk Nandaꞌafi 24:46

Ea' na'ipas na'i, “Fowa' gani amam manda' basef amama mail buk Baibeli ma'i Krais nefa' nimanimi sohana noga' ma nimeguf bi'am hi'ilam anona neafe'ma wanomi, notanima nohafel hi'agif wapoti'.

Aposel 13:23

Ea' God nanda'am na'ama si'i fowa' na'iam na'i nonda'am. Ama wambota Deviti owagama God nefela Jisas, aman anama nofa' ape' Israeli.

Aposel 2:24

Ea' God nafelona nohafel wapoti' nakwaha ekep pahana ma naga'i. Dei' main, ga' anama ina la'ifina ma nombale'ana, owa'.

Aposel 2:30

Aman anama Devit anan profet ea' nogawa God na'i basef la'ifimi na'i endilisi gani ilif na'ama ma anona nemaf nonda' bafalomana Deviti notaga nope dembinai king si'i Devit fowa' nape king.

Basef Amama Pol Nandaꞌam Mafeꞌma Esis Romi 16:25

Ape' mefela agel Godi lu'una. Anan la'ifinai ma nonda'epa petaga la'ifipa ma basef bu'wami ananimi awalapami, amama basef bu'wami ma'i Jisas Krais. Basef amama fowa' nimeguf hiami ata' mape mandambaho', ea' dei' mataga alihima basef amama fowa' amam profet manda'ami afa' wawalapam alihim. God nape namunai la'ela'ef na'i basef la'ifimi ma basef amama bu'wami dei' mataga mandawalap alihima epes hiesi etap anama hiagoma ma esis hiesi sembale'efana.

Basef Amama Pol Nandaꞌam Mafeꞌma Esis Romi 2:16

Amama anona nemaf motaga na'ama etina nemaf anama God nowaloga waf hianai epes hiesi sanda'anai. Nemaf anama Anan ni'i wila ma Jisas Krais nope dembinai nogwaloga waf hianai asasinai nandambahi'i noloma basef sa'iam sambahe'ami. Basef bu'wami Godi ae' awalapami amama atom.

1 Korin 15:1

Ipe' alupipei, dei' ae' a'i efela ukup ipe'imi wapoti' ma basef amama bu'wami Godi ali' a'ipipami. Ipe' pefa' basef amama atom dei' manda'epa pembale'ef paitu la'ifipa.

1 Korin 15:4

Ea' esis sofa'ana salana hi'agif. Ama nimeguf biam mafe' ea' nafe'ma wanomi, God nafelona wapoti' si'i Baibel na'iam.

2 Tesalonaika 2:14

Nemaf anama afa' wa'ipipa basef bu'wami Godi ma anan nofalepa nose'epa nafifili Dembinai ape'inai Jisas Kraisi. Ma God nefela agola Dembinai ape'inai Jisas Krais noloma agof ipe'imi wapoti'

1 Timoti 1:11

Basef amama mape basef bu'wami God nase'eam ae' ma ewalapam. Basef amama bu'wami ma'ipafa God bu'unai endilisi ofagonama danifel naloma mafifili.

1 Timoti 2:7

Ea' dei' God nanda'e ape aposela ewalapa basef bu'wami Ananimi. Ae' a'i endilisi, ina ambaso'am. Anan nanda'e ape dembiwei tisa ma enis epes hiesi sololama Godi ma sombale'efa basef amama endilisimi.

2 Timoti 1:8

Ine' owa' ambal aona ni'ipasa basef Dembinai apa'inai, owa'. Ea' ina ambal aona ma ae' wapoti', owa'. Ae' anda' maola Dembinai dei' anda' kalabus. Ine' nefa' pepel Godi ma netaga la'ifina nefa' nimanimi nelome owalapa basef bu'wami Ananimi.

2 Timoti 2:7

Ine' okokoma basef amama a'iami. Nambimb Dembinai nomboma okom ine'inai, ea' negawa basef amama hiami ofagema.

Revelesen 5:5

Ea' anan agilinai na'ipi na'ama na'i, “Ine' owa' nelef! Neme'! Anona aman natagama wambota anama launai esis Judai, aman anama ma'una Dembinai nataga wambota anama bafalomepa Deviti. Anan si'i anona mafin wandafunai laion, nikila' wandafa waf aonai. Amama atom dei' atuwasi Anan la'ifina ma nehape' tep anama 7-peleina nowa' buk anama naufeniana.”