2 Timoti 2:12 - Basef Buꞌwami Godi

¹² I'i ape' mope la'ifipa mofa' nimanimi lu'wami, anona nemaf mope si'i king molomana. I'i mowa' alafugahana, Anan wapoti' anona nemaf nowa' alafugahapa.

2 Timoti 2:12 Iomraidhean Croise

Matyu Nandaꞌafi 10:33

Ea' emi egafis sowa' alafuga ae' sindaiwa'me ma owa' sowalape si'ipas naep amam nematawai, na'ama etin anona nemaf ae' wapoti' ewa' alafugahas ma naep Ahalome Godi gani ilif heven.”

Matyu Nandaꞌafi 26:35

Ea' Pita na'ipana na'i, “Owa'etin. I'i esis soha afa' biafa oga' etin, ae' ina embaho' agel ine'inai, owa'etin.” Ea' alupumi hiami Jisasi ma'iam na'ama etin hi'alam.

Matyu Nandaꞌafi 26:75

Ea' Pita okokoma basef nambati' Jisas na'ipanami na'i, “Awata owa' ata' neanda'am, ine' nembaso'mas ni'iam wenif ni'i, ‘Ine' owa' negawa Jisase.’ ” Ea' Pita nawisi nafe' ande' nalef mehip endilisi.

Mak Nandaꞌafi 10:33

Ea' na'ipam na'i, “Peme'. Dei' afa' ondowasa' Jerusalem. Ae' ataga epen endilisiwei, nambimb anona aman nowalapa ae' ma efe'ma amam pris dambami moloma amam mawalipasa mi'uli Godi ea' monda' kotimi ea' mi'i basef mondame'mam mohe ega'. Ea' monda'e efe'ma esis sololama Godi ma

Mak Nandaꞌafi 8:38

Ae' ataga epen endilisiwei. Amam nematawa dei'isi sanda' waf aonai sakwaha sombale'efa God. Emi egafis ambagof aoma ae' sondafa'me eloma basef ae'ami, anona nemaf ae' wapoti' ambal aona epes isima endafa'mas nemaf anama ae' ifi'i eloma amamaga bu'wami la'ifimi mafifili Ahalomei elomai amam ensel bu'wami Godi wapoti'.”

Luk Nandaꞌafi 12:9

Ea' emi egafis sowa' alafugaha Ae'i naep amam nematawai, anona nemaf ae' ewa' alafuga esis ma naep amam ensel Godi.

Luk Nandaꞌafi 22:29

Ahalome ae'anai nase'e agel lu'unai na'ipi ape dembiwei, imafi enis epes. Ea' na'ama etin ae' ese'epa agof lu'wami i'ipipa pepe dembipei king pimafi enis epes.

Luk Nandaꞌafi 22:30

Nemaf anama ipe' pepe dembipei king peloma ae' pea' gwa'aimi embel pelome tebol ae'ami wambel Godi. Ea' pepe siaifah bu'wami amam dambami kingi, pewaloga epes wambotagw 12-peleim ape'isi Israel.”

Luk Nandaꞌafi 9:26

Ae' ataga epen endilisiwei. I'i emi egafis ambagof aoma Ae' sondafa'me eloma basef Ae'ami, Ae' wapoti' ambal aona epes isima endafa'mas nemaf anama Ae' ifi'i eloma amamaga bu'wami mafifili Ae'ami, elomai mafifili howalagon Godi maloma amam ensel Godi wapoti'.

Aposel 14:22

Ea' manda' esis Kristen sataga la'ifis. Amam ma'ipasa basef la'ifimi na'ama ma'i, “Ipe' pepe la'ifipa pembale'efa dembinai God. Ape' meme' mofa' nimanimi mamumami lu'wami ma muwis nomon wambota Godi numafiapa.”

Basef Amama Pol Nandaꞌam Mafeꞌma Esis Romi 5:17

Aman anama atotona nanda' waf aonai. Amama atom dei' ga' nataga ma epes hiesi ma aman anama atona. Ea' maol aman anama atotona Jisas Krais nanda'anai lu'una endilisi nikila' ga' ma nagiambama epes isima hiesi. Epes isima owagama sope namisi ma sope dembesi si'i king. Epes isima God nandahomas endilisi.

Basef Amama Pol Nandaꞌam Mafeꞌma Esis Romi 8:17

Ape' mape awasi Godi. Ea' anona nemaf mofa' amamaga bu'wami Ahalomapai moloma amamaga anan nambe'ama Krais numafiami mofa'am moloma Krais. I'i dei' ape' mofa' nimanimi molomana, anona nemaf mofa' pe bu'unai endilisi nonda'apa mififil molomana.

Filipai 1:28

Ma ipe' ina umbamehepa ma naumbih ipe'isi, owa'. Amama mihi'ambas na'ama. Nambimb esis hegililas hi'ilas, ea' ipe' owa'. Anona nemaf God nofa'epa pitanimani pepe andeande'.

1 Timoti 5:8

Emi egafis owa' sumafi esis esimbel atom asasisi, esis ina nambimb simafi esis mamasas ahapas soloma batawisas. Epes isima sakwaha bale'ef sataga epes awasi endilisi sikila' isima owa' seambale'efa Godi.

Basef Ifimba Jut Nandaꞌafi 1:4

Dei' main, anom amam mandambaho' mawisi la'afena ape' Kristen. Fowa' gani basef mail Buk Baibeli ma'i amam amama anona nemaf God nowalogama basef lu'wami ma kot. Amam mowa' alafugaha God maho'ofa basef bu'wami Anan nagiambamapa na'a ma'ipas anom basef manda' waf naninani ukup mohafela waf aonai so'a waolanai nataga la'ifina.

Revelesen 1:9

Ae' Jon sahalomepa ipe'iwei. Ae' alomepa, ape' hiapai Jisasi atepa mape la'ifipa malomana. Ae' alomepa mandao'oma mofa' nimanimi ma muwis wambota Godi numafiapa. Ape' mape la'ifipa maloma Jisas ea' ape alomepa mandao'oma ape' hiapai mape so'umbel mape maitu la'ifipa na'ama etina mofa' nimanimi. Ae' awalapa basef Godi maloma basef endilisimi ma opeh Jisas nanda'ami. Amama atom dei' esis sandaiwa'me sagalo'me afi'i ape ailan agiliguma sa'i Patmos.

Revelesen 2:13

Ae' egawa wambel ipe'inai. Satan atona ata' nape dembinai ma wambel anama. Ea' ipe' pahapila agel ae'anai la'ifipei pembale'efa Ae'. Ipe' ina pakwaha pembale'efa Ae', owa'. Fowa' aman anama Antipas anan nawalapa basef Ae'ami andeande'. Ea' sahana naga' wambel ipe'inai Satan napoma. Ea' nogota anama ipe' ina pakwaha pembale'efa Ae', owa'.

Revelesen 20:4

Amama mafe'ma ea', ati anom balatagw lu'wami kingi ma'oh ea' enis epes satoma balatagw amama. God nase'asa agel lu'unai ma sowaloga waf esis amam nematawa hiesi sanda'anai ma kot. Ea' ati ambagof epes isima hiesi. Esis owa' sonda' lotuma mafin nape aolupi naloma ambal ananinai sambalonai, ea' owa' sofa' ikwaf aonai mafin anama amagah lagof asasimi. Epes isima sembale'efa basef Godi la'ifis sawalapa basef endilisimi Jisasi. Waf anama atona sanda' opeh bu'wami, dei' esis naumbih satopa' bagafowas afis. Sohafel wapoti' sofa' ambal namunai sope dembesi king soloma Krais sope sondahama afagof 1,000-peleim.

Revelesen 20:6

Epes isima sotanima sohafel nemaf anama nali'i, esis sandanifel sope bo'wes andeande'. Ea' ga' anama niegi'i ina la'ifina nohagofa epes isima, owa. Esis sope pris Godi sope pris Kraisi sondolalimam. Ea' sope dembesi soloma Kraisa sumafi enis epes afagof 1,000-peleim.

Revelesen 3:10

Ipe' paila basef ae'ami andeande' paitu la'ifipa ma nimanimi amama matagamipei. Ea' Ae' dei' imafi ipe' ma nemaf anama amama meagwambipei motagama amam nematawa hiesi etap hiagomai ma God nowalogas waf bu'unai aonai. Amama ina anona nemaf motagama ipe', owa'.

Revelesen 3:21

Emi egafis situ la'ifisa sili'amona wandafa waf aonai, Ae' anona nemaf i'i aho'ma esis sope solome ma sope dembesi balata king Ae'anai. Na'ama etin si'i fowa' Ae' aitu la'ifiwi ali'amona wandafa waf aonai. Ea' dei' ape aloma Ahalome Ae'anai ape balata king Ananinai.

Revelesen 3:8

Ae' egawa waf hianai dei' panda'anai hi'alana ea' egawa ipe' wapoti', ata' la'ifipa kwaikwaie' ma enis epes owa' some' basef ipe'imi. Ea' ipe' paila basef ae'ami andeande'. Ea' ina pambaho' agel ae'anai, owa'. Ipe' piti, ae' anda' uta nagal napomepa, owa' anona aman la'ifinama nowalowana, owa'.

Revelesen 5:10

Ine' nanda' epes isima hiesi sataga si'i pris mondolalima Godi ma Anan nope Dembinai ma esis numafias sonda' maol Ananinai. Ea' esis anona nemaf sope si'i king sumafi epes hiesi sape etapi.”