2 Timoti 2:10 - Basef Buꞌwami Godi

¹⁰ Ea' anda' okom ae'anai nataga la'ifina ma aitu la'ifiwi la'ela'ef igiambama epes isima God nosahe'as ea' Ananisi. Ae' a'i God nigiambama esisa nofa'as sotanimani ma Krais Jisas soloma howalagon pepel nape la'ela'efi.

2 Timoti 2:10 Iomraidhean Croise

Matyu Nandaꞌafi 24:22

I'i God owa' notopa' nimeguf mefe' bandam, anona nemaf amam nematawa hiesi higililas hi'ilas. Owa'etin. God okom napoma epes isima anan nasahe'as ea' dei' natopa' nogota anama bandana.

Matyu Nandaꞌafi 24:24

Dei' main, nemaf anama anom amam mombaso'am mi'i amam Krais o mi'i amam profet motaga monda' ikwaf la'ifinai naninani hianai si'i God atona nanda'anai. Endilisi i'i amam la'ifim, mombaso'ma amam nematawa God nasahe'as ea' mohambombagas. Owa'. Hapaisi.

Matyu Nandaꞌafi 24:31

Ea' alof lu'unai nelef mehip, esapa' amam ensel ae'ami mofe' etap hiagoma aon natefima nowalama wa'owa'ol anama biafigin biafigin mefe'agon hi'ilagon ganima etap otaga mafe' motambela. Ensel amama mofe' mofa'ai esis amam nematawa God nasahe'as ea' Ananisi sondatama etifigin.

Luk Nandaꞌafi 18:7

Epes isima God nandandepas ea' ananisi, esis salef sakokowe la'ela'ef owamb alip. Dei' God nigiambamasa kot o owa'? Anan nigiambamas. Anan ina ni'ipas mamumami, owa'.

Luk Nandaꞌafi 22:57

Ea' Pita na'i, “Ehae', ae' owa'.” Anan na'i, “Nemata'w, ae' ina egawa anan, owa'.”

Jon Nandaꞌafi 11:52

Kaiafas na'i Jisas ina noga' nigiambama esis Juda etis, owa'. Anan noga' ma nigiambama epes Godi hiesi sape safe' etap hiagomai hi'ilas nefa'as sotanimani, ea' nonda'as sotaga epes hiesi wambota Godi atotona.

Jon Nandaꞌafi 17:24

Ahalome, ae' okom na'i esis amam nematawa ine' nasi'iasi sefe' sope solome wambel ae' eapoma. Ae' okom na'i esis siti pepel la'ifinai noloma nafifili ae'anai, anama ine' nasi'ianai. Fowa' etap anae' ata' owa' notagai nogota anama ine' okom naila ae'. Ea' nase'e pepel nafifili anama.

Jon Nandaꞌafi 17:9

Dei' ae' anda' betena igiambama esis. Ae' ina anda' betena igiambama esis amam nematawa saila waf etapanai, owa'. Ae' anda' betena igiambama epes isima ine' naso' ae'asi. Dei' main? Isima esis ine'isi si'isi.

Basef Amama Pol Nandaꞌam Mafeꞌma Esis Romi 2:7

Enis epes sape la'ifis la'ela'efa waf bu'unai sagolopa eafa sofa' agof lu'wami, siti nafifili ma sope andeande' la'ela'ef. Epes isima God anona nemaf nonda'as sope andeande' la'ela'ef.

Basef Amama Pol Nandaꞌam Mafeꞌma Esis Romi 9:23

Anan na'i nowalapam motaga alihim amamaga nafifili bu'unai ananinai ma enis epes anan nati uwahipis sogawam. Epes isima anan naila okom ananinai atona fowa' nandandepasa nose'asa nafifili esis.

1 Korin 1:21

Dei' main, God Anan gawainai na'i epes etapasi ina la'ifisa sogawa Anan ma gawa anama asasinai atona, owa'. God nahopa eaf asasinai. Ea' anan okom na'i nofa'ai amam nematawa sombale'efanai sotanimani. Esis sombale'efa basef amama wa'ipasami epes etapasi sa'i wafimi gawa a'ami. Esis sembale'efa basef amama ea' God nefa'as sotanimani.

1 Korin 9:22

Ama naep epes isima ina la'ifisi, ataga si'i esis ama efa'ai epes ina la'ifisi. Ae' ataga si'i efa' waf epes hiesi endondomba iaguf hiami ma efa' enis epes sotanimani.

2 Korin 1:6

I'i dei' enis epes sose'afa nimanimi, amama magiambamepa monda' opalef ipe'imi mope awanem anona nemaf God nokwahomepa waf aonai nofa'epa pitanimani. Nemaf anama God nonda' opalef afa'imi mope awanem, Anan nanda' opalef ipe'imi awanem wapoti' ma pitu la'ifipama pefa' nimanimi amama si'i afa' ofa'ami.

2 Korin 12:15

Ae' okom na'iam endilisi ma ekwaha amamaga hiami ae'ami ea' elelama ambal ae'anai ekwahona igiambamepa. Ae' okom na'i na'ama. Waf ae' okom nanailipanai nataga nape lu'una endilisi la'ela'ef nikila' fowa'. Ea' waf ipe' ukup maimilianai nowala sa'osa'ona endilisi la'ela'ef nape.

2 Korin 4:15

Amamaga amama nimanimi hiami matagamafa ma wigiambamapa. Afa' wafe' wa'ipasa basef God nigiambamas na'a mefe' motaga la'ela'ef mefe'agon hi'ilagon. Ea' esis sonda' beten sinifela God sefela agel ananinai lu'una.

2 Korin 4:17

Nimanimi amama matagamafai amama sa'osa'om endilisi ea' mape nogota bandana. Nimanimi amama anona nemaf mowalapai nafifili bu'unai endilisi gani heven la'ela'ef hihif. Pe anama bu'unai anona nemaf nikila' endilisi nimanimi amama so'umi dei'imi.

Efesus 3:13

Ea' dei' a'ipipa a'i nimanimi amama dei' efa'ama igiambamepa, na'ama piti amama ukup aom, pa'i ipe' ina la'ifipa, owa'. Pepe la'ifipa si'i ipe' dembipei. Dei' main, nimanimi amama magiambamepa.

Kolosi 1:24

Dei' ae' andanifel ma efa' nimanimi agiambama ipe' Kristen amam nematawa sios Kraisi, ipe' si'i alop si'ina Ananinai. Anom nimanimi afa' wanda' maol Kraisi ofa'ami, amama ata' mape la'ela'ef. Dei' a'i embefa amama efa'am alop ae'anai anda' maol Kraisi. Ae' a'i ewapanimana nimanimi amama ma anda' maol Krais.

Kolosi 1:27

Okom Ananinai nape na'ama. Anan na'i nihi'ambapa basef amama bu'wami endilisi agel lu'unai, mandawalap magiambama esis amam nematawa hiesi. Basef amama na'ama. Krais nape opalef ipe'imi nomona dei' pape pehafa anona nemaf pefa' nafifili Ananinai pelomana.

1 Tesalonaika 5:9

Dembinai God ina nosahe'apa ma mofa' okom wandafunai ananinai nefa'apa, owa'etin. Anan nosahe'apa ma Jisas Krais Dembinai ape'inai nofa'apa motanimani.

2 Tesalonaika 2:14

Nemaf anama afa' wa'ipipa basef bu'wami Godi ma anan nofalepa nose'epa nafifili Dembinai ape'inai Jisas Kraisi. Ma God nefela agola Dembinai ape'inai Jisas Krais noloma agof ipe'imi wapoti'

2 Timoti 1:1

Ae' Pol anda' basef mafe'mago ine' Timoti, ae' okom nainailina. Ine' nembale'efa God dei' nataga nogalome ae'inai. Okom Godi atona dei' ape aposel Jisas Kraisi. Basef Krais Jisasi endilisimi atom, nase'apa ambal namunai ape' mape la'ifipa maloma Anan. Ae' a'i amam biam migiambamena na'a ea' muti uwahipina monda' okom ine'inai nope awanena.

2 Timoti 2:1

Nogalome ae'inai, la'ela'ef ine' nepe la'ifina ma Krais Jisas nigiambamena na'ama pepel anama naso' ape' mape la'ifipa ma Anan.

2 Timoti 2:3

Ine' nepe la'ifina endilisi si'i soldia naitu la'ifina nila Krais Jisas. Nefa' nimanimi amama neloma afa' anofa soldia ananifai ma maol anama Godi.

Taitus 1:1

Ae' Pol anda' maola Godi, ae' aposel Jisas Kraisi. Anan nandandepe ma eawalipasa basef ananimi. Anan nasapa'e ma igiambama esis amam nematawa nandandepas ea' ananisi ma enda'as sotaga la'ifis sombale'efana sogawa basef endilisimi ma sila waf ananinai.

1 Pita 2:10

Fowa' ipe' ata' pape epes falafipei, ea' dei' pape epes Godi etipa. Fowa' ipe' ina pegawa God nati uwahipipa ma dei' pape andeande', ata' owa'. Ea' dei' pegawa God nati uwahipipa nagiambamepa pape andeande'.

1 Pita 5:10

God anan ofagonama waf anama nigiambamepa na'a. Ipe' pepe la'ifipa peloma Jisas Krais, amama atom dei' God nofalepa ma pepe nafifili pepel ananinai nape la'ela'ef. Ea' dei' ipe' pame' nimanimi nogota bandana. Anom nimeguf mofe'ma ea', anan Atona nonda'epa pataga bo'wepa ea' nonda'epa pitu la'ifipa si'i olaf la'ifinai nanda ipat notawa la'ifina.