2 Timoti 2:1 - Basef Buꞌwami Godi

¹ Nogalome ae'inai, la'ela'ef ine' nepe la'ifina ma Krais Jisas nigiambamena na'ama pepel anama naso' ape' mape la'ifipa ma Anan.

2 Timoti 2:1 Iomraidhean Croise

1 Korin 16:13

Ipe' pindumafuma andeande' pitu la'ifipa pembale'efa Krais. Ipe' ina umbamehepa, owa'. Pitu la'ifipa.

Efesus 6:10

Dei' a'i enda' basef akutaimi amama. Ipe' pepe la'ifipa peloma Jisas Dambinai, pepe la'ifipama Anan atona ma pepel lagela pipitagel atona ananinai.

Filipai 4:13

Krais nanda'e la'ifiwi nase'e pepel. Amama atom dei' la'ifiwi ma anda' amamaga hiami hi'alam.

1 Timoti 1:18

Nogalome ae'inai Timoti, dei' ase'enago basef amama nenda' maol. Ae' okom napoma basef Godi afagel nimbewa'inai amam profet Ambal Bu'unai Godi nafela ukup amamumi ma'ipinami. Ine' nila basef amama, nenda' wandaf la'ifina andeande' neloma esis naumbih.

1 Timoti 1:2

Ae' anda'menago basef amama ine' Timoti, ine' nembale'efa God dei' nataga nogalome ae'inai endilisi. Ae' a'i God noloma Krais Jisas dembinai afa'inai miti uwahipina migiambamena na'a monda'ena netaga la'ifina ma bale'ef, opaf ine'inai nope awanena.

2 Timoti 1:1

Ae' Pol anda' basef mafe'mago ine' Timoti, ae' okom nainailina. Ine' nembale'efa God dei' nataga nogalome ae'inai. Okom Godi atona dei' ape aposel Jisas Kraisi. Basef Krais Jisasi endilisimi atom, nase'apa ambal namunai ape' mape la'ifipa maloma Anan. Ae' a'i amam biam migiambamena na'a ea' muti uwahipina monda' okom ine'inai nope awanena.

2 Timoti 1:7

Ambal Bu'unai God nase'apanai ina nonda'apa umbamohapa, owa'. Anan nase'apa waf anama mitu la'ifipamanai ma ukup mimila enis epes ea' mumafi alop ape'inai andeande'.

2 Timoti 2:10

Ea' anda' okom ae'anai nataga la'ifina ma aitu la'ifiwi la'ela'ef igiambama epes isima God nosahe'as ea' Ananisi. Ae' a'i God nigiambama esisa nofa'as sotanimani ma Krais Jisas soloma howalagon pepel nape la'ela'efi.

2 Timoti 4:17

Ea' Dembinai numafi ae' ape nase'e pepel. Amama atom dei' awalapa basef bu'wami a'iam la'ifiwi endilisi ea' epes isima hiesi owa' Judaisi sogawa basef Godi, dei' same'am hi'alas. Ea' God nagiambame ma malogel mafin anama lu'unai laion.

2 Pita 3:18

Ea' ipe' pepe pila waf anama Dembinai Jisas Krais nagiambamapa na'a nofa'apa motanimani. Ea' pitu la'ifipa ma waf anama noloma gawa anama Kraisi pikila' fowa' pali' pape panda'am. Ae' a'i agel bu'unai atona dei' la'ela'ef nopomana nefe' anona nemaf owagama wapoti'. Endilisi.