2 Timoti 1:8 - Basef Buꞌwami Godi

⁸ Ine' owa' ambal aona ni'ipasa basef Dembinai apa'inai, owa'. Ea' ina ambal aona ma ae' wapoti', owa'. Ae' anda' maola Dembinai dei' anda' kalabus. Ine' nefa' pepel Godi ma netaga la'ifina nefa' nimanimi nelome owalapa basef bu'wami Ananimi.

2 Timoti 1:8 Iomraidhean Croise

Mak Nandaꞌafi 8:38

Ae' ataga epen endilisiwei. Amam nematawa dei'isi sanda' waf aonai sakwaha sombale'efa God. Emi egafis ambagof aoma ae' sondafa'me eloma basef ae'ami, anona nemaf ae' wapoti' ambal aona epes isima endafa'mas nemaf anama ae' ifi'i eloma amamaga bu'wami la'ifimi mafifili Ahalomei elomai amam ensel bu'wami Godi wapoti'.”

Luk Nandaꞌafi 9:26

Ae' ataga epen endilisiwei. I'i emi egafis ambagof aoma Ae' sondafa'me eloma basef Ae'ami, Ae' wapoti' ambal aona epes isima endafa'mas nemaf anama Ae' ifi'i eloma amamaga bu'wami mafifili Ae'ami, elomai mafifili howalagon Godi maloma amam ensel Godi wapoti'.

Jon Nandaꞌafi 15:27

Ae' a'ipipa, ipe' wapoti' nambimb pi'i basef ae'ami pewalapama esis. Dei' main, ipe' fowa' dambadamba pati asefela maol anda'ana palome pape la'ela'ef pafi'i pataga dei'.”

Jon Nandaꞌafi 19:35

Ae' ati amama naep ae'ami a'ipipa basef amama. Ea' basef amama ae'ami endilisimi atom. Ae' egawa basef amama a'ipipa emi endilisimi a'ipipa ma ipe' wapoti' pembale'efana.

Aposel 5:41

Ea' amam aposel makwaha amam dambami Juda mumafi koti ea' mafe' mawis ande'. Manifela God na'i aho'ma mofa' nimanimi ma agel Jisasi.

Basef Amama Pol Nandaꞌam Mafeꞌma Esis Romi 1:16

Ae' ina umbamahe ambal aona ewalipasa basef bu'wami Godi, owa'. Ae' embale'efa basef amama bu'wami la'ifiwi endilisi. Dei' main, amama pepel Godi nofa' emi egafis seambale'efanai sotanimani. Esis Juda sembale'efana sali' ea' ipe' hipei owa' Judaipei pagi'.

Basef Amama Pol Nandaꞌam Mafeꞌma Esis Romi 16:25

Ape' mefela agel Godi lu'una. Anan la'ifinai ma nonda'epa petaga la'ifipa ma basef bu'wami ananimi awalapami, amama basef bu'wami ma'i Jisas Krais. Basef amama fowa' nimeguf hiami ata' mape mandambaho', ea' dei' mataga alihima basef amama fowa' amam profet manda'ami afa' wawalapam alihim. God nape namunai la'ela'ef na'i basef la'ifimi ma basef amama bu'wami dei' mataga mandawalap alihima epes hiesi etap anama hiagoma ma esis hiesi sembale'efana.

Basef Amama Pol Nandaꞌam Mafeꞌma Esis Romi 8:36

Endilisi, amamaga na'amaimi anona nemaf motagamapa si'i Baibel na'iam na'i, “Ape' mape amam nematawa Ine'ipai, amama atom dei' nimeguf hiami sa'i sohapa moga'. Satelepa si'i sipsipa sa'i sohapa moga' etin.”

Basef Amama Pol Nandaꞌam Mafeꞌma Esis Romi 9:33

Amama si'i Baibel na'i, “Peme! Ae' ambe' anona owap wambel lu'unai esis Israel agel Saion. Owap anama pepel napaina nohambombaga epes sondasisi'ip sowa. Ea' emi egafis sembale'efa aman anama, anona nemaf esis ina ukup aom, owa'. Sope sondanifel.”

1 Korin 1:6

Dei' main, basef amama bu'wami Kraisi afa' wawalapami mataga alihim mandawalap la'ifima opalef ipe'imi.

2 Korin 6:7

Wawalapa basef endilisimi wanda' maol waloma pepel Godi. Afa' waila waf bu'unai si'i wahapila amamaga wapa'ami lagof biam da'isinai iganai.

Efesus 3:1

Krais nakolasa epes hiesi wambotagw biam esis Juda saloma esis ina Juda sataga etifis. Amama atom dei' ae' Pol, Krais Jisas nanda'e anda' kalabusa agiambama ipe' epes fowa' pelolama Godi.

Efesus 3:13

Ea' dei' a'ipipa a'i nimanimi amama dei' efa'ama igiambamepa, na'ama piti amama ukup aom, pa'i ipe' ina la'ifipa, owa'. Pepe la'ifipa si'i ipe' dembipei. Dei' main, nimanimi amama magiambamepa.

Efesus 4:1

Basef amama mali'i endilisimi atom. Ea' dei' a'i efela ukup ipe'imi ma basef la'ifimi amama. A'i fe' pe ipe'inai nefe' dende'ma waf bu'unai okom Godi na'ianai nofalapa ma milana. Ae' anda' kalabusa maol anama Dembinai dei' a'ipipa na'ama afela ukup ipe'imi.

Efesus 4:17

Dei' a'i i'ipipa anom basef. Ipe' pape la'ifipa paloma Jisas Dembinai dei' a'ipipa basef la'ifima ma agel Ananinai. Ipe' ina ata' pila waf anama sololama Godi sailanai, owa'. Hapainai. Epes isima ukup asasimi mapoma waf falafunai atona.

Filipai 1:7

Ae' ahapila ipe' okom ae'anai, egawa God nigiambamepa dei' anona nemaf wapoti' na'ama etin. Amama andeande'. Dei' main, ape' manda'kolas etin manda' opeh ananimi. Nemaf anae' dei' ape kalabus o nimeguf hiami ali' awalapa basef amama bu'wami epes hiesi agiambamasa sogawa basef amama endilisimi atom, nimeguf amama hiami God nagiambamapa na'a.

Filipai 3:10

Ae' a'i egawa Krais endilisi noloma pepel God nafelona nohafel hi'agif. Ae' a'i elomana ondao'oma ma waf anama ofa' nimanimi ma ofa' ukup etifim amama si'i Anan okom napoma nemaf anama naga'anai.

Filipai 4:13

Krais nanda'e la'ifiwi nase'e pepel. Amama atom dei' la'ifiwi ma anda' amamaga hiami hi'alam.

Kolosi 1:11

Afa' wanda'mepa beten wapoti' na'ama. Wa'i God nonda'epa petaga la'ifipama pepel Ananinai bu'unai nafifili endilisi. Ama ipe' nambimb pitu la'ifipama pefa' maim nimanimi meatagamipei ma pendanifel ea' opalef ipe'imi ina mohafel endilisi, owa'. Mope so'umbel.

Kolosi 1:24

Dei' ae' andanifel ma efa' nimanimi agiambama ipe' Kristen amam nematawa sios Kraisi, ipe' si'i alop si'ina Ananinai. Anom nimanimi afa' wanda' maol Kraisi ofa'ami, amama ata' mape la'ela'ef. Dei' a'i embefa amama efa'am alop ae'anai anda' maol Kraisi. Ae' a'i ewapanimana nimanimi amama ma anda' maol Krais.

1 Tesalonaika 3:4

Fowa' afa' wape walomepa, wa'ipipa wa'i, “Owagama afa' ofa' nimanimi.” Ea' amama dei' matagamafa si'i fowa' wa'ipipa pegawam.

1 Timoti 2:6

Anan fowa' God nandandepana ea' nakwaha ambal ananai atona natala ape' epes hiapai nakwahomapa waf aonai motanimani. Nemaf anama dohamadohama Krais nihi'ambamapa God na'i nefa'ai epes hiesi sotanimani.

2 Timoti 1:10

Ea' dei' nogota anae' Krais Jisas nafi'i nofa'apa motanimani, anan nataga alihina. Dei' maol ananinai God nagiambamapa na'a nanda'apa mataga la'ifipa mataga alihim. Krais Jisas nikila' ga', ea' basef bu'wami Godi mihima'mapa ambal namunai nape andeande' la'ela'ef.

2 Timoti 1:12

Amama atom dei' efa' nimanimi amama. Ea' ae' ina ambal aona ma amama, owa'. Ae' egawa aman anama embale'efanai. Ae' egawana endilisi anan la'ifinai ma numafi amamaga hiami moloma epes hiesi ananisi ae' ase'anas lagof ananimi. Ea' amama mope bo'om andeande' mefe' motagama nemaf anama lu'unai notaga.

2 Timoti 1:16

Ae' anda' betena Dembinai ma ata' niti Onesiforus naloma wambota ananinai uwahipis. Dei' main, anan la'ela'ef nanda' okom ae'anai nape andeande'. Anan ina ambal aona ma ae' anda' kalabus, owa'.

2 Timoti 2:3

Ine' nepe la'ifina endilisi si'i soldia naitu la'ifina nila Krais Jisas. Nefa' nimanimi amama neloma afa' anofa soldia ananifai ma maol anama Godi.

2 Timoti 2:8

La'ela'ef ine' okom nopoma Jisas Krais, anan naga' notanima nohafel wapoti'. Anan wambota anama Deviti, si'i a'iama basef bu'wami Godi.

2 Timoti 2:9

Ae' awalapa basef amama bu'wami. Amama atom dei' sa'i ae' aowei, sase'e nimanimi lu'wami mamumami. Sanda'e anda' kalabus wapoti'. Ea' basef Godi ina manda' kalabus mape, owa'etin.

2 Timoti 4:17

Ea' Dembinai numafi ae' ape nase'e pepel. Amama atom dei' awalapa basef bu'wami a'iam la'ifiwi endilisi ea' epes isima hiesi owa' Judaisi sogawa basef Godi, dei' same'am hi'alas. Ea' God nagiambame ma malogel mafin anama lu'unai laion.

2 Timoti 4:5

Ea' ine' la'ela'ef okom nopeina andeande' nimafi alop ine'inai andeande'. Nemaf anama nimanimi motagamena nepe la'ifina nenda' maol Godi newalapa basef bu'wami ma esis amam nematawa sololama Godi. Nenda' maol anama ma nigiambamas nenda'ana endilisi nimbefana.

1 Pita 1:5

Bale'ef ipe'inai atona God nahopepa ma anona nemaf nofa'epa petanimani. Anan na'i notanima nofa'ipei, anona nemaf notaga nondawalap alihiguma nemaf akutainai.

1 Jon 4:14

Ea' ape' mogawa Ahalomapa nasapa' Nogalomana ananinai ma nofa'ai epes hiesi sape etapi sotanimani ma anan. Ape' mati amamaga amama ma anan nofa'ai epes sotanimai ma'ipasam.

Basef Ifimba Jut Nandaꞌafi 1:24

Ae' a'i ape' mefela agel Godi lu'una na'ama. Anan la'ifinai ma nili'akwapa andeande'ma anona nemaf ipe' ina pewa ma waf aonai, owa'. Ama anona nemaf nofa'epa nokolasipa pepe andeande' pendanifel endilisi, ofagema ma waf aonai a'epa ma anama Anan nape nafifimagoma.

Revelesen 1:2

Ae' atolom ea' amamaga amama awalapam a'iam alihim basef Godi maloma basef amama endilisimi Jisas Krais nanda'ami mandawalap alihim.

Revelesen 1:9

Ae' Jon sahalomepa ipe'iwei. Ae' alomepa, ape' hiapai Jisasi atepa mape la'ifipa malomana. Ae' alomepa mandao'oma mofa' nimanimi ma muwis wambota Godi numafiapa. Ape' mape la'ifipa maloma Jisas ea' ape alomepa mandao'oma ape' hiapai mape so'umbel mape maitu la'ifipa na'ama etina mofa' nimanimi. Ae' awalapa basef Godi maloma basef endilisimi ma opeh Jisas nanda'ami. Amama atom dei' esis sandaiwa'me sagalo'me afi'i ape ailan agiliguma sa'i Patmos.

Revelesen 12:11

Esis alupusi sahin owan ape'isi sofa' pepel ma esimbel sipsip noganai sawalipasa basef ananimi endilisimi. Esis sanda' waf anama. Amama atom dei' silai'ipa wandaf sali'amona naumbih ma amama. Esis ina ukup ma'ima'i endilisi ma sope andeande' etap anae', owa'. Esis ina umbamahasa naumbih sohas soga', owa'.

Revelesen 19:10

Ea' ae' indiwa nembawa balaga etawa felefele'ma bo'wagah enseli ma enda' lotumana, ea' na'ipi na'i, “Ina nenda'am na'ama, owa'. Ae' alupuwei ine'iwei aloma ine' naloma sahopena ine'imi, afa' wandao'oma wanda' opeh Godi atom waloma esis hiesi sembale'efa basef endilisimi Jisas nawalipasami. Ine' nenda' lotuma God atona. Ape' mogawa basef amama endilisimi Jisas nawalapama ipe'ami, amama mafela amam profet mawalipasa basef Godi.”