2 Timoti 1:5 - Basef Buꞌwami Godi

⁵ Ae' okom napoma bale'ef ine'inai, anama endilisinai, ina baso'omunai, owa'. Bale'ef anama fowa' nali' napoma iha'mena ine'ikwi Lois kwaloma mama'wena Yunis. Ea' egawa endilisi, bale'ef anama dei' napoma ine' wapoti'.

2 Timoti 1:5 Iomraidhean Croise

Jon Nandaꞌafi 1:47

Ea' Jisas nati Nataniel nafi'mai anan na'ipana na'i, “Niti aman anama Israelinai endilisi, aman bu'unai. Anan owa' ni'i anom basef baso'maimi.”

Aposel 16:1

Pol naloma Sailas mafe' mataga Derbe ea' makwaha Derbe mafe' Listra. Wambel anama anona aman alupunai nembale'efa Jisasi nape, agilinama Timoti. Anan mama'wana ano'w nemata'w Judai'wi, akwa'w wapoti' kombale'efa Jisasi. Ea' ahalomana anona epen Grikinai.

Aposel 26:26

Ine' dembinai king negawa hi'alam amamaga amama hiami. Ea' ae' dei' awalapam a'iam ae' ina umbamahe, owa'. Ae' egawa amamaga amama hiami ina mandambaho'ma naep maloma aligah ine'imi, owa'. Ine' natolom negawam ea'. Dei' main, amamaga amama ina mataga mandambaho', owa'.

Basef Amama Pol Nandaꞌam Mafeꞌma Esis Romi 14:14

Dembinai Jisas nawalipi egawa amama. Ina anom amamaga gwa'aimi mafis maim aom, owa'. Okom epeni atona na'i anom amamaga aom ea' nendaiwa'ma nogwa'am, amama motaga aoma anan.

Basef Amama Pol Nandaꞌam Mafeꞌma Esis Romi 14:5

Enin epen okom napoma anona nemaf lu'unai endilisi nikila' anom nimeguf hiami. Ea' enin epen na'i nimeguf hiami na'ama etin. Epes isima hiesi atona etin sowaloga ukup asasimi motamea.

Basef Amama Pol Nandaꞌam Mafeꞌma Esis Romi 15:14

Ipe' alupipei ae'ipei, opaf ae'anai egawa endilisi ma ipe' panda' waf bu'unai la'ela'ef ea' pegawa gawa hianai naninani. Ea' ipe' wila ma pese'asa nomonas bu'wami sahin owan.

Basef Amama Pol Nandaꞌam Mafeꞌma Esis Romi 4:21

Anan nembale'efa God endilisi ma nogawa Anan la'ifinai ma nonda'am na'ama si'i fowa' na'i nonda'ama basef amama endilisimi.

Basef Amama Pol Nandaꞌam Mafeꞌma Esis Romi 8:38

Ae' egawa endilisi ina anom amamaga la'ifima anona nemaf melefatapa ma okom lu'unai Godi, owa'etin. Nemaf anama ape' moga' o mope, anan okom nainailapa la'ela'ef. Amam ensel maloma amamaga la'ifimi mamumami mape mumafi etapi, opa'wagufeh, ma'akw, naoh, ambagof awami mamumami wapoti' amamaga dei' mapani ea' anom anona nemaf migi' meatagai, amamaga la'ifimi awami,

2 Korin 6:6

Wanda' waf bu'unai ea' wahapila gawa bu'unai, opalef awanem waitu la'ififa ma nimanimi. Wanda' waf bu'unai ma enis epes. Ofa' pepel Ambal Bu'unai Godi, wanda' waf anama endilisi ma ukup maimaila enis epes wagiambamas. Ina wa'i basef malogof atom, owa'.

1 Timoti 1:5

Ea' mi'uli anama dei' a'ipinanai, i'i esis sombale'efana silana, basef mape opalef nomoni ma'iami ma'ipas mihi'ambasa waf esis sanda'anai ina aona, owa'. Esis sombale'efa God endilisi. Ama nambimb waf anama hianai nefela ukup asasimi mimila God noloma enis epes wapoti'.

1 Timoti 4:6

I'i ine' ni'ipasa basef amama esis Kristen alupusi, nambimb nepe epen bu'unai nonda' maol Krais Jisasi. Ea' nefa' pepel lu'unai ma basef mefela bale'ef ine'inai ma gawa bu'unai.

2 Timoti 1:12

Amama atom dei' efa' nimanimi amama. Ea' ae' ina ambal aona ma amama, owa'. Ae' egawa aman anama embale'efanai. Ae' egawana endilisi anan la'ifinai ma numafi amamaga hiami moloma epes hiesi ananisi ae' ase'anas lagof ananimi. Ea' amama mope bo'om andeande' mefe' motagama nemaf anama lu'unai notaga.

2 Timoti 3:15

Ea' ine' negawa amama wapoti'. Fowa' ine' ata' so'uso'win negawa basef bu'wami Godi mape Buk Baibeli andeande'. Buk anama la'ifina ma nose'ena gawa bu'unai neloma okom bu'unai ma ine' nembale'efa Krais Jisasa God nagiambamena nofa'ena netanimani.

Hibrui 11:13

Epes isima sembale'efa God la'ela'ef sape safe'ma saga'. Ina sali' sofa' amamaga bu'wami amama God na'i endilisi niese'asami nemaf anama sape, ata' owa'. Esis sembale'efana endilisi saitu laogon sandanifel si'i satolom. Ea' sawalapa basef sa'iam sa'i, “Ape' mape etap anae' si'i epes anona wambelipai. Ape' mafi'i mape nogota bandana etap anae' anona wambelipai.”

Hibrui 6:9

Ipe' alupipei ae'ipei endilisi, dei' ae' a'ipipa basef amama nimanimi, ea' ae' egawa endilisi anona nemaf ipe' ina awepa higililipa na'ama, owa'. Ae' egawa anona nemaf God nefa'epa pitanimani.

1 Pita 1:22

Ipe' paila basef amama, amama atom dei' manda' opalef ipe'imi bo'om. Ea' dei' ipe' panda' waf anama ukup maimailasanai panda'ana endilisi. Ipe' ina pembase'am alupupei ma alop atona, owa'. Dei' penda' waf ukup maimailasanai la'ifipa pikila' fowa' panda'anai. Ea' ukup mimila Kristen hiesi pindagigiambanama peloma esis.