2 Timoti 1:3 - Basef Buꞌwami Godi

³ Esis ihase ae'asi saila waf Godi, dei' ae' wapoti' ailana. Ea' malogel nape opaf ae' nomoni ina nihi'ambe anona waf aonai anda'anai, owa'. Beten ae'anai owamb alip la'ela'ef ae' okom napomena anifela God.

2 Timoti 1:3 Iomraidhean Croise

Luk Nandaꞌafi 2:37

Ea' waulunama'w naga'. Ea' kwape etin, kwafe' kwafe' dei' afagof akwa'umi mataga 84-peleim. Akwa'w ina kwakwaha ipat lu'unai Godi anom nimeguf, owa'etin. Akwa'w kololama gwa'aimi kwape kwanda' beten ea' kwanda' lotu kwahapila opeh Godi kwanda'am kwafe' owamb alip.

Aposel 22:3

Ea' Pol na'i, “Ae' Juda. Mama'we ae'akwi kolae wambel Tarsus etap hiagoma Silisia, na'ama ae' ataga dambewe wambel lu'unai anama. Ae' anda' skula dembinai tisa Gameliel ea' nawalipi andeande'ma mi'uli anama hianai amam bafapapa ape'imi. Na'ama ae' okom nohafel la'ifiwi ma aila God si'i ipe' dei' pailana.

Aposel 23:1

Pol nati amam Juda dembami mumafi koti la'ifina ea' na'i, “Ipe' sahope, ae' afe' naep Godi ea' okom ae'anai bo'ona nafe'ma naep Godi, afi'i ataga dei'. Basef mape opaf ae'anai nomoni ma'iami ma'ipi basef mihi'ambe ma waf ae' anda'anai ina aona, owa'.”

Aposel 24:14

Na'ama ae' a'i ewalapa basef amama atoma ine'. Eaf anama esis Juda etis sandaiwa'manai sa'i waf anama sawala wambotagwanai ina endilisinai. Waf anama endilisinai ae' ahapilana ailana. Ae' aila eaf anama anda' lotu ma God amam bafapapa ape' Juda hiapai manda' lotumanai. Ae' ahapila basef hiami mape mi'uli Godi naloma basef hiami amam profet fowa' manda'ami.

Aposel 24:16

Ea' la'ela'ef ae' anda' maol lu'unai ma epe andeande' ma malogel nape opaf ae' nomoni ina nihi'ambe anona waf aonai ae' anda'anai, owa'. Ae' anda' maola waf aonai a'e ma naep Godi naloma naep epesi wapoti'.

Aposel 26:4

Fowa' ape afi'i afi'i dei' fe' anama ae'anai esis Juda hiesi sogawa. Fowa' ata' sa'owe ape etap ae'anai ea' afe' ape Jerusalem wapoti'.

Aposel 27:23

Dei' maina ae' egawa amama? Ae' aman Godi anda' lotuma anani. Do'ok owamb anona ensel Ananinai nafi'i naitu felefele'ma ae'

Basef Amama Pol Nandaꞌam Mafeꞌma Esis Romi 9:1

Basef amama ae' a'iemi endilisi, ae' aman Kraisi ea' ina ambase'am, owa'. Ambal Bu'unai Godi nihi'ambe nalome umafi basef mape opaf nomoni mihi'ambe ma'ipi a'i basef endilisimi atom.

2 Korin 1:12

Afa' wandanifel ma amamaga amama. Basef mape opalef ape'imi nomon mawalapa basef amama ma'ipafa wafe' waf bu'unai andeande' ma waf opalef bu'wami God naso' afa'. Gawa epes etapasi ina nawalapa waf anama ma afa', owa'etin. God nati uwahipifa endilisi nagiambamafa na'a dei' wanda' waf na'ama. Wanda' waf anama na'ama la'afena epes hiesi sape etap anae' ea' wanda'am na'ama hianai ma ipe'.

Galesia 1:14

Ae' ikila' epes hiesi Juda alomas aol atona, ikila'asa aila waf esis Juda sanda' lotuma Godi. Enis ina sailana la'ifis ea' ae' ailana la'ifiwi hi'alana. Ea' la'ifiwi endilisi ma aila waf fowa'inai amam akupapa manda'anai. Ae' ailana andeande' endilisi ikila'as.

1 Tesalonaika 3:10

Dendel owamb alip afa' wanda' betena ipe' mehipa wa'i uti amagahipama ogawa ipe' pembale'efana la'ifipa o owa'? Afa' wa'i ofo'o ma wigiambamepa peso' opalef ipe'imi ma God pape andeande'. Pol nanda' betena Goda nigiambamana nefe'mago esis

1 Timoti 1:19

Wandaf anama ine' la'ifina nembale'efa God nenda' waf bu'unai andeande', ma basef mape opaf ine' nomoni ina ma'ipina anona waf aonai ine' nanda'anai, owa'. Enis epes soso' alafugaha waf anama bu'unai. Ea' dei' bale'ef asasinai aona si'i sip papalalana nail otamba aona nala naoh.

1 Timoti 1:5

Ea' mi'uli anama dei' a'ipinanai, i'i esis sombale'efana silana, basef mape opalef nomoni ma'iami ma'ipas mihi'ambasa waf esis sanda'anai ina aona, owa'. Esis sombale'efa God endilisi. Ama nambimb waf anama hianai nefela ukup asasimi mimila God noloma enis epes wapoti'.

1 Timoti 5:5

I'i ano'w nemata'w akwa'w ato'w kope alifi'wi, akwa'w kwanda'am na'ama. Ako'w kogawa endilisi God nambimb nigiambama'w ma waf bu'unai, kofala God la'ela'ef owamb alipa beten akwa'unai.

2 Timoti 1:5

Ae' okom napoma bale'ef ine'inai, anama endilisinai, ina baso'omunai, owa'. Bale'ef anama fowa' nali' napoma iha'mena ine'ikwi Lois kwaloma mama'wena Yunis. Ea' egawa endilisi, bale'ef anama dei' napoma ine' wapoti'.

2 Timoti 3:15

Ea' ine' negawa amama wapoti'. Fowa' ine' ata' so'uso'win negawa basef bu'wami Godi mape Buk Baibeli andeande'. Buk anama la'ifina ma nose'ena gawa bu'unai neloma okom bu'unai ma ine' nembale'efa Krais Jisasa God nagiambamena nofa'ena netanimani.

Hibrui 13:8

Jisas Krais nape na'ama etin si'i nambati', dei' wapoti', ea' nope anona nemaf la'ela'ef hihif.