Biblia Todo Logo
Bìoball air-loidhne

- Sanasan -




2 Timoti 1:16 - Basef Buꞌwami Godi

16 Ae' anda' betena Dembinai ma ata' niti Onesiforus naloma wambota ananinai uwahipis. Dei' main, anan la'ela'ef nanda' okom ae'anai nape andeande'. Anan ina ambal aona ma ae' anda' kalabus, owa'.

Faic an caibideil Dèan lethbhreac




2 Timoti 1:16
27 Iomraidhean Croise  

Ea' aman anama nofa' 2,000 kinai wapoti' nanda' maolan nofa' 2,000 kina wamenai wapoti' naloma fowa'inai.


Ea' ipe' emi egafipa pati enis epes uwahipis, dei' ipe' pandanifel ea'. Dei' main, nambimb God niti ipe' uwahipipa.


Soldia anama dembinai nafi'i felefele' nombalo' Pol na'ipa amam soldia mowa' lagof ananimi sen biefina. Ea' nahali' esis na'i, “Anan emi? Anan nanda' main?”


Basef ofagema amama atom dei' efalepa pafi'i. Ae' a'i i'ipipa anom basef. Ae' embale'ef ape ehafa anan anama ape' Israel hiapai mape mohafanai. Ae' embale'efanai. Amama atom ofagema ma dei' manda' sen anama mowa'e.”


Amam manda' opaf ae'anai nape bo'ona magiambame ataga la'ifiwi ea' magiambama ipe' wapoti'. Ea' andeande'ma ipe' pefela agof amam na'amaimi.


Ae' awalapa basef amama, dei' amama atom mowa' lagof ae'ami sen ape anda' kalabus. Maol ae'anai anama. Ae' efa' malogel Kraisi ma ewalapa basef amama Ananimi ma epes hiesi. Ea' penda' betena Goda nohogofa umbameahe etaga la'ifiwi iwalipam si'i okom Kraisi na'iam.


Amama atom dei' efa' nimanimi amama. Ea' ae' ina ambal aona ma amama, owa'. Ae' egawa aman anama embale'efanai. Ae' egawana endilisi anan la'ifinai ma numafi amamaga hiami moloma epes hiesi ananisi ae' ase'anas lagof ananimi. Ea' amama mope bo'om andeande' mefe' motagama nemaf anama lu'unai notaga.


Anan nafi'i Rom nanda' maol lu'unai nagolope nogota laona ea' natolowe.


Ae' anda' betena Dembinai ma niti anan uwahipina nemaf anama bu'unai. Anan nagiambame nimeguf hiami wambel anama Efesus, amama ine' negawam andeande'.


Ine' owa' ambal aona ni'ipasa basef Dembinai apa'inai, owa'. Ea' ina ambal aona ma ae' wapoti', owa'. Ae' anda' maola Dembinai dei' anda' kalabus. Ine' nefa' pepel Godi ma netaga la'ifina nefa' nimanimi nelome owalapa basef bu'wami Ananimi.


Ine' nese'ago danifel ae'anai ma Akwila naloma Prisila ea' esis isima wambota Onesiforusi.


Ea' owalome alupinai, ae' ihali'ina ma agel Dembinai, ine' ninifela Onesimus si'i owalomena nembale'efa Kraisi. Afa' sahin owan wambale'efa Kraisi atofa. Ea' ine' nenda' opaf ae'anai notaga bo'ona nenda'e la'ifiwi endanifel.


Owalome ae'inai, ine' okom nainaila amam nematawa Godi ma nenda' opalef asasimi motaga la'ifim. Ea' ae' andanifamena endilisi ma waf anama ine' nanda'anai nanda' opaf ae'anai awanena endilisi.


Nemaf anama ipe' pati esis amam nematawa sape kalabusi uwahipis pefa' nimanimi palomas. Ea' nemaf anama esis salo' lagofepa sefa' amamaga ipe'imi, ipe' pandanifel ma faso'mepa pape patilis. Dei' main, ipe' pegawa amamaga ipe'imi bu'wami endilisi ata' ma'omepa, amama anona nemaf mupe la'ela'ef. Amama mikila' endilisi amamaga amama sali' sanda'mepami.


God ina epen aonai ma nambimb okom nose'ana ma maol hianai ipe' panda'anai, owa'. Ipe' ukup maimailana. Ea' dei' panda' maol anama ma pigiambama amam nematawa Ananisi. Ea' dei' ata' panda'ana na'ama la'ela'ef.


Lean sinn:

Sanasan


Sanasan