2 Timoti 1:13 - Basef Buꞌwami Godi

¹³ Basef amama bu'wami ine' name'ama malogel ae'anai, basef amama si'i anona ikwaf bu'unai ma nihi'ambena waf bu'unai newalipasa epes. Ine' nembale'efa Jisas Krais endilisi ea' okom ninilana nenda' waf na'ama nembale'ef la'ifina ma basef amama.

2 Timoti 1:13 Iomraidhean Croise

Basef Amama Pol Nandaꞌam Mafeꞌma Esis Romi 2:20

Ipe' epes gawaipei pawalipa isima gawa a'asi saloma enis epes owa' Judaisi sape si'i awasi ata' sa'wisi. Dei' main, ipe' pegawa pa'i basef endilisimi hiami maloma gawa hianai nape mi'uli anama pelafana pegawana.

Basef Amama Pol Nandaꞌam Mafeꞌma Esis Romi 6:17

Endilisi, fowa' ipe' pape owina waf aonai nanda'epa panda'ana. Ea' God nanda'epa pape owina basef ananimi pailam ea' pase'ana opalef hi'alama paila basef amama ipe' pefa'ami. Ea' ape' manifela God.

Filipai 1:27

Dei' fe' ipe'inai nefe' bo'ona nila basef bu'wami Kraisi. I'i ae' efe'mago ipe', o i'i eme' basef atoma ipe', ea' hapaimi. A'i ata' egawa ipe' paitu la'ifipa opalef etifim pandagigiambanama pafela esisa sembale'efa basef amama bu'wami

Filipai 4:9

Waf hianai ipe' patolona pame'ana awalipipanai, anama ipe' penda'ana la'ela'ef. Ea' God nese'apa opalef awanemi nope nolomepa.

Kolosi 1:4

Dei' main, afa' wame' basef ma ipe' na'ama. Ipe' pembale'efa Krais Jisas ea' ukup ipe'imi maimaila amam nematawa Godi hiesi.

1 Tesalonaika 5:21

Pewaloga basef hiami, ma pembale'a basef bu'wami atom la'ifipa.

1 Timoti 1:10

Enis sanda' so'a wauli ma waf anama aonai, ea' enis sahambombaga enis amam nematawa si'i fowa' esis Sodom sanda'anai. Ea' enis sofa' enis epes safe' satalisa otamba sanda'masa maol. Ea' enis sambaso'ami, ea' enis sambaso'am sa'i basef endilisi gani ilif. Ea' enis sanda' waf anama naloma anona waf hianai aonai napa' naloma basef endilisimi. Mi'uli Godi nafi'i na'i epes isima sanda' waf aonai.

1 Timoti 1:14

Dembinai ape'inai nagiambame na'a nanda'e ataga la'ifiwi dei' embale'efana okom nainailana.

1 Timoti 6:3

Basef dembinai Jisas Kraisi mawalipapa andeande'ma waf Godi. I'i anona aman nokwaha basef amama ma nowalipa esisa anom basef owa' mefe' dende'ma basef amama bu'wami Jisasi, ape' mogawa aman anama na'i nosambala basef Godi. Anan ina nogowa andeande', owa'. Anan nomonas a'anai. Anan okom na'i basef nalomas sandahihianama. Sa'i basef amama, nafitap nalomasa basef amama ofagema. Basef amama atom mawalapa waf anama. Opalef aoma enis epes, sanda' findiwa ma sope ukup aom mopoma sahin owan.

2 Timoti 1:1

Ae' Pol anda' basef mafe'mago ine' Timoti, ae' okom nainailina. Ine' nembale'efa God dei' nataga nogalome ae'inai. Okom Godi atona dei' ape aposel Jisas Kraisi. Basef Krais Jisasi endilisimi atom, nase'apa ambal namunai ape' mape la'ifipa maloma Anan. Ae' a'i amam biam migiambamena na'a ea' muti uwahipina monda' okom ine'inai nope awanena.

2 Timoti 1:14

Nimafi basef amama bu'wami endilisimi God nase'enam lagof ine'imi ma nimafiam. Ambal Bu'unai Godi nape nomona ape', nigiambamena numafina ma maol anama.

2 Timoti 2:2

Basef hiami ine' name' fowa' awalapama naep epes hiesi, amama newalapama anom amam bu'wami mogawa basef andeande'i ma mi'ipa enis epes andeande'.

2 Timoti 3:14

Ea' ine' nembale'efa basef amama Godi nefa'am la'ifina. Ine' negawa amam nematawa isima fowa' sawalipina basef na'ama.

2 Timoti 4:3

Anona nemaf notaga, esis sondaiwa'ma sofa' basef bu'wami Godi, owa'. Ea' sila ukup asasimi atom sofa'ai anom tisa hiami asasimi, ma mi'ipasa basef amama esis isima ukup maimaila some'am aligah asasimi.

Taitus 1:9

Anan nombale'efa basef amama bu'wami ape' mawalipasami andeande'. Ea' anan la'ifinama ni'ipa enis epes nefela ukup asasimi ma nonda'as sataga la'ifisa basef amama bu'wami. Ea' la'ifinama ni'ipa isima sosambala basef bu'wami ma someme'ma basef asasimi ina endilisimi, owa'.

Taitus 2:1

Ea' ine' ni'ipa esis amam nematawa ma basef bu'wami ma waf esis sanda'anai mila basef amama bu'wami. Ine' ni'ipas na'ama.

Taitus 2:8

Ine' ni'i basef bu'wami atoma enis epes ina siti anona waf aonai ma opeh amama nanda'ami, owa'. Ama esis naumbih nambimb sofa' ambagof awami. Dei' main, esis ina siti anona waf aonai ma afa' ma si'i anom basef awami, owa'.

Hibrui 10:23

Ape' mombale'efana la'ifipa muwalipas alihima amamaga bu'wami ape' mape mohafami. Amama ape' mohapilam la'ifipa, ina motanima, owa'. Dei' main, ape' mogawa maim amamaga God na'i basef endilisimi atom nambimb nigi'mam nonda'am andeande'.

Hibrui 3:6

Ea' Krais nape nogalomana Godi naila basef endilisi nanda' maol andeande' ma nape Dembinai numafi epes wambota Godi. I'i la'ela'ef ape' mombale'efana la'ifipa mogawa anona nemaf Krais niefi'i nofa'apa mefe' heven mope andeande', ape' mape wambota Ananinai.

Hibrui 4:14

Ape' anona pris Dembinai ape'inai nape nali'ma pris hiami nafe' nawis heven nape naloma God. Anan Jisas Nogalomana Godi. Ea' dei' ape' mombale'efa basef God nawalapami la'ifipa.

Basef Ifimba Jut Nandaꞌafi 1:3

Alupipei endilisi, ae' okom nainailipa. Ae' ali' a'i enda' anom basef mil okwatip mefe'mago ipe' ma God nefa'apa motanimani. Anan nefa' ipe' peloma ae' wapoti'. Ea' owa. Dei' a'i ata' enda' anom basef i'ipipago efela ukup ipe'imi ma penda' maol la'ifipa pimafiago basef endilisimi Kraisi ape' mombale'efami. Ama pehagasa naumbih amama mahagofa basef amama Kraisi. Bale'ef anama God nase'apana ape' hiapai amam nematawa Ananipai nemaf anama atotona mape la'ela'ef.

Revelesen 2:25

Waf hianai bu'unai ipe' pagi'manai, anama ipe' pembale'ef la'ifipa pefe' ma petaga nogota Ae' iefi'ianai.

Revelesen 3:11

Ae' ifi'i etagama ipe' mehip. Waf bu'unai ipe' pailanai dei', pilona la'ifapa la'ela'ef. Na'ama anona aman nondalombepa amamaga bu'wami mapoma ipe' ma anona nemaf pefa'ami.

Revelesen 3:3

Ipe' ukup mopoma basef amama Ae'ami fowa' pali' pame'am pefa'am ea'i. Pigi'mam pemboma opalef pekwaha waf aonai pifi'mai Ae'. I'i ipe' owa' pehafel ulal pekwaha koh, nambimb Ae' ifi'i endambaho' etagamepa si'i epen nanda' wali nafi'i nataga ea' ina pegawa maina nogota ae' eatagamepa, owa'.