2 Timoti 1:12 - Basef Buꞌwami Godi

¹² Amama atom dei' efa' nimanimi amama. Ea' ae' ina ambal aona ma amama, owa'. Ae' egawa aman anama embale'efanai. Ae' egawana endilisi anan la'ifinai ma numafi amamaga hiami moloma epes hiesi ananisi ae' ase'anas lagof ananimi. Ea' amama mope bo'om andeande' mefe' motagama nemaf anama lu'unai notaga.

2 Timoti 1:12 Iomraidhean Croise

Matyu Nandaꞌafi 12:21

Ea' esis amam nematawa hiesi owa' seagawa ae'i sila basef ananimi sope sohafana ma niegiambamas.”

Matyu Nandaꞌafi 24:36

Ae' ataga epen endilisiwei a'ipipa. Owa' enin epen negawa nemaf anama o nogota anama ae' iefi'ianai. Amam ensel mape heven ilifi wapoti' ina mogawana. Ae' nogalomana Godi wapoti' ina egawana, owa'. Ahalome atona nape ilif anan atona negawa nemaf anama. Waf fowa' sanda'ana nogota anama Noa napenai, ea' na'ama etin si'i esis sonda'ana nemaf anama felefele'ma iefi'i etaga etap anae'.

Matyu Nandaꞌafi 7:22

Nemaf anama amam nematawa hiesi sifi'i si'ipa ae' si'i, ‘Dembinai, Dembinai, ape' mawalipasa basef Godi si'i profet amama mawalipas ea' ma'i agel ine'inai matofa ambagof awami mape epesi! Ape' ma'i agel ine'inai manda' ikwaf naninani la'ifinai si'i God nanda'anai!’

Luk Nandaꞌafi 10:12

Dei' ae' a'ipipa, nemaf anama lu'unai God nowaloga epesanai anan anona nemaf niti esis fowa' gani sape Sodomi uwahipis andeande'. Ea' epes isima wambel anama anan ina niti uwahipis, owa'. Nimanimi lu'wami endilisi anona nemaf motagamas.”

Luk Nandaꞌafi 23:46

Ea' Jisas noga na'i mehip na'i, “Ahalome ae'anai, ae' ese'enago ambal ae'anai nofo'o lagel ine'inai.” Anan na'iam na'ama ma ea', a' naga'.

Jon Nandaꞌafi 17:15

Ae' ina anda' beten ahali'ina ma nogalo'mas etap anae', owa'. Ae' anda' betena ine' nimafiasa aman aonai ina nohambombagas, owa'.

Jon Nandaꞌafi 6:44

Ina enis epes la'ifisa esis etis sifi'mai ae', owa'. Ahalome nasapa'e dei' afi'i. I'i anan nefela nomonas asasimi. Epes isima nambimb sifi'mai ae', ea' anona nemaf ae' efelas sehafel nemaf akutainai.

Aposel 13:46

Ea' Pol naloma Barnabas ina umbamaham, owa'. Amam la'ifim ma'ipasam alihim ma'i, “Endilisi, afa' ata' wi'ipipa basef Godi ipe' Juda pili'. Ea' ipe' pewa' alafugaha basef amama. Amama ipe' pa'iam pa'i, ‘Ape' mandaiwa'ma mofa' ambal namunai ma mope andeande' la'ela'ef.’ Ipe' pa'i na'ama dei' ipe' peme'. Afa' dei' okwaha ipe' ofe' ugi'ma epes owa' Judaisi wi'ipasa basef amama.

Aposel 13:50

Na'ama esis Juda safela anowa nematawa agufuwai wanda' lotuma Godi waloma anom agufumi mape taun anama lu'wagoma saha Poli naloma Barnabas sanda'am kwapete'am. Ea' sagalo'mam wambel asasinai.

Aposel 21:13

Ea' Pol nagwa basef na'i, “Dei' maina ipe' palef endilisi ma panda' okom ae'anai aona? Ae' ina andandombama enda' kalabus etin, owa'. Ae' andandombama eaga' wapoti' Jerusalema efela agel Dembinai Jisasi.”

Aposel 7:59

Makwaha otamba mahana etin, nanda' beten na'ama na'i, “Dembinai Jisas, ine' fa'ago ambal ae'anai!”

Aposel 9:16

Nambimb ae' ihi'ambana nimanimi lu'wami nefa'ami ma nowalapa agel ae'anai. Na'ama ine' dei' fo'o netolona.”

Basef Amama Pol Nandaꞌam Mafeꞌma Esis Romi 1:16

Ae' ina umbamahe ambal aona ewalipasa basef bu'wami Godi, owa'. Ae' embale'efa basef amama bu'wami la'ifiwi endilisi. Dei' main, amama pepel Godi nofa' emi egafis seambale'efanai sotanimani. Esis Juda sembale'efana sali' ea' ipe' hipei owa' Judaipei pagi'.

Basef Amama Pol Nandaꞌam Mafeꞌma Esis Romi 9:33

Amama si'i Baibel na'i, “Peme! Ae' ambe' anona owap wambel lu'unai esis Israel agel Saion. Owap anama pepel napaina nohambombaga epes sondasisi'ip sowa. Ea' emi egafis sembale'efa aman anama, anona nemaf esis ina ukup aom, owa'. Sope sondanifel.”

1 Korin 1:8

Jisas Krais nambimb nonda'epa ma pepe la'ifipa la'ela'ef pefe' petagama nemaf akutainai. Nemaf anama Dembinai ape'inai Jisas Krais niefi'ianai ipe' basef ofagema a'epa nemaf anama.

1 Korin 3:13

Nemaf anama Krais niefi'ianai maol anama epes hiesi sanda'anai notaga nondawalap alihina nope bo'ona o aona. Nemaf anama notaga noloma nif lu'wami. Ea' nif amama mondo maol anama hianai ma epes hiesi atona etin hi'ilasa sogawa maol asasinai bo'ona o aona.

Filipai 1:20

Ae' okom na'i egawa endilisi nambimb ae' ina ambal aona ma ekwaha basef Godi, owa'. Dei' wapoti' ae' okom la'ifina ewalipasa basef Ananimi si'i fowa' anda'am. I'i epe namowe o ega', ae' okom na'i amamaga anda'am alop ae'anai nambimb mefela agel Kraisi lu'una.

Filipai 3:10

Ae' a'i egawa Krais endilisi noloma pepel God nafelona nohafel hi'agif. Ae' a'i elomana ondao'oma ma waf anama ofa' nimanimi ma ofa' ukup etifim amama si'i Anan okom napoma nemaf anama naga'anai.

Filipai 3:21

Anona nemaf nomboma alop anama ape'inai notaga bo'ona nifififil endilisi si'i alop ananinai. Anan nonda'ama pepel ananinai atona. Pepel anama anan nonda' amamaga hiami mofe' mope owina anan atona.

Filipai 3:8

Ae' ina a'i amamaga amama atom, owa'. Ae' okom napoma Jisas Krais atona Dembinai ae'anai ma amamaga hiami ali' anda'ami. Gawa anama endilisinai nikila'. Ea' ewa' alafugama amamaga amama hi'alam a'i falafumi atom si'i alufuta. Embale'efa Krais atona ape la'ifiwi ma Anan. Ae' andaiwa'ma efa' agel anama aman bo'awe ma mi'uli esis Juda sailanai, owa'. A'i efa' agel bu'unai na'ama. Ae' embale'efa Krais dei' God na'i ae' aman bu'uwei.

1 Tesalonaika 2:16

Ea' sasopama eafa afa' i'ipasa basef Godi esis sololama Anani ma nofa'as sotanimani sope andeande'. Esis Juda sanda'as na'ama dei' sowatani waf aonai asasinai la'ela'ef nataga lu'una endilisi. Fowa' God natilis na'a ea' dei' okom wandafunai Ananinai nafi'i natagamas nemaf akutainai nonda'as awes higilalas.

1 Tesalonaika 5:4

Ipe' alupipei, ina ata' pape owamb si'i isima sololama Dembinai, owa'. Ipe' ina gegelalasipa ma nemaf anama notaga si'i gegelalasipa ma aman nanda' wali nafi'i, owa'.

1 Timoti 6:20

Nogalome Timoti, ine' nindumafuma nimafi basef amama God nasi'inami andeande'. Newa' alafugama basef amama baso'maimi wafimi sa'i basef gawaimi. Basef amama ma'i mohambombaga waf Godi.

2 Timoti 1:14

Nimafi basef amama bu'wami endilisimi God nase'enam lagof ine'imi ma nimafiam. Ambal Bu'unai Godi nape nomona ape', nigiambamena numafina ma maol anama.

2 Timoti 1:16

Ae' anda' betena Dembinai ma ata' niti Onesiforus naloma wambota ananinai uwahipis. Dei' main, anan la'ela'ef nanda' okom ae'anai nape andeande'. Anan ina ambal aona ma ae' anda' kalabus, owa'.

2 Timoti 1:18

Ae' anda' betena Dembinai ma niti anan uwahipina nemaf anama bu'unai. Anan nagiambame nimeguf hiami wambel anama Efesus, amama ine' negawam andeande'.

2 Timoti 1:8

Ine' owa' ambal aona ni'ipasa basef Dembinai apa'inai, owa'. Ea' ina ambal aona ma ae' wapoti', owa'. Ae' anda' maola Dembinai dei' anda' kalabus. Ine' nefa' pepel Godi ma netaga la'ifina nefa' nimanimi nelome owalapa basef bu'wami Ananimi.

2 Timoti 2:9

Ae' awalapa basef amama bu'wami. Amama atom dei' sa'i ae' aowei, sase'e nimanimi lu'wami mamumami. Sanda'e anda' kalabus wapoti'. Ea' basef Godi ina manda' kalabus mape, owa'etin.

2 Timoti 4:8

Dei' amamaga amama bu'wami sasagih sikila'i sefa'ami sandandombam ma'ome. Amama na'ama. Nambimb Dembinai nofale ni'ipi ni'i, “Ine' aman bu'winai.” Dembinai anan aman bu'unai nowalogas ma nemaf anama. Nemaf anama lu'unai Anan nese'e amamaga amama bu'wami. Ea' ina noso' ae' atowe, owa'. Anan nose'asam emi egafis ukup maimaila Anan notaga nondawalap sotolona.

Taitus 3:8

Basef amama endilisimi ma ape' hiapai mombale'efam. Ae' a'i newalapa basef amama ni'iam mehipa epes isima sombale'efa God ea'i ukup mopoma situ la'ifisa waf bu'unai. Basef amama ma Jisas Krais naloma God, amama bu'wami ma migiambama epes.

Hibrui 12:2

Naep ape'imi miti Jisas atona anan ofagonama bale'ef ape'inai, nowataniana netaga andeande'ma mombale'efana la'ifipa la'ela'ef mope. Fowa' Anan okom napoma danifela anona nemaf na'i nofa'anai, dei' naitu la'ifina. Ea' nefa' lawag usi'inai tu'wanainai naga'. Anan okom napoma nambimb nofa' nimanimi lu'wami noga' lawag anama, amama falafumi atom. Anan ina umbamahana ma ga' anama, owa'. Ea' dei' nape felefele'ma sia bu'unai Godi lagel da'isinai.

Hibrui 2:18

Satan nagwambana nimeguf hiami na'i nonda'ana nonda' waf aonai. Ea' Jisas nofa' nimanimi hiami. Na'ama Anan la'ifinai ma nagiambama epes isima Satan nagwambasi.

Hibrui 7:25

Amama atom dei' Anan la'ifinai ma nefa' esis amam nematawa sotanimani sofe' felefele'ma Goda agel Ananinai ea' sope andeande' la'ela'ef. Dei' main, Anan nape ambal napaina la'ela'ef nanda' betena God nigiambamas.

1 Pita 1:5

Bale'ef ipe'inai atona God nahopepa ma anona nemaf nofa'epa petanimani. Anan na'i notanima nofa'ipei, anona nemaf notaga nondawalap alihiguma nemaf akutainai.

1 Pita 4:16

Ea' i'i ipe' pefa' nimanimi ma pataga Kristen, andeande'. Ipe' ina ambagof aoma amama pefa'am, owa'. Ipe' pinifela Goda pepan epes Kraisi.

1 Pita 4:19

Ea' emi egafis sofa' nimanimi ma saila okom Godi, isima sonda'am na'ama. Esis sope sonda' waf bu'unai atona ea' soso' esis sofe'ma God numafias. God nanda' epes hiesi sataga sapan. Ea' naila basef Ananimi andeande' la'ela'ef.

Basef Ifimba Jut Nandaꞌafi 1:24

Ae' a'i ape' mefela agel Godi lu'una na'ama. Anan la'ifinai ma nili'akwapa andeande'ma anona nemaf ipe' ina pewa ma waf aonai, owa'. Ama anona nemaf nofa'epa nokolasipa pepe andeande' pendanifel endilisi, ofagema ma waf aonai a'epa ma anama Anan nape nafifimagoma.