2 Timoti 1:10 - Basef Buꞌwami Godi

¹⁰ Ea' dei' nogota anae' Krais Jisas nafi'i nofa'apa motanimani, anan nataga alihina. Dei' maol ananinai God nagiambamapa na'a nanda'apa mataga la'ifipa mataga alihim. Krais Jisas nikila' ga', ea' basef bu'wami Godi mihima'mapa ambal namunai nape andeande' la'ela'ef.

2 Timoti 1:10 Iomraidhean Croise

Luk Nandaꞌafi 11:36

I'i alop ipe'inai nififil hi'ilana, ina anagon kwaie'ugun akotigin, owa'. Ea' nambimb alop ipe'inai howalana hi'ilana endilisi si'i lamifah matoma mafifil mafifimipa.”

Luk Nandaꞌafi 13:7

Ea' na'ipa anan nanda' maol aof anamai na'i, ‘Neme'. Afagof wanom ae' afi'i agolopa su'utip lawag anama fik, owa' nili. Na'ama dei' ine' lena. Dei' main netawa nefa' ifat atona etap etin?’

Luk Nandaꞌafi 2:11

Dei' nemaf anae' ano'w nemata'w kwape Betlehem wambel Deviti kola enin awani aman. Anan aman anama nokwahomepa waf aonai nofa'epa peatanimani. Anan Krais, God nandandepana nasapa'ana nafi'i, anan Dembinai.

Jon Nandaꞌafi 1:9

Nagwapin anama nanda' epes howalas endilisi nafi'i etap anae' ma dei' nogota anae'.

Jon Nandaꞌafi 14:6

Ea' Jisas na'ipana na'i, “Ae' atowe eaf ofagewe ma basef endilisimi moloma ambal namunai. Owa' enin epen la'ifina nefe' neatagama Ahalome anona eaf, owa'etin. Ea' ae' atowe.

Jon Nandaꞌafi 20:31

Anda' basef amama tu'wanim atoma pepel anama ma ipe' pembale'efa Jisas anan Nogalomana Godi, anan Krais, God nandandepana nasapa'ana nafi'i. Ae' anda'am na'ama ma pembale'efa anan Jisas pefa' ambal namunai pepe andeande' la'ela'ef hihif.

Jon Nandaꞌafi 4:42

Ea' sa'ipa akwa'w sa'i, “Dei' ape' ina mame' basef ine'imi atom mombale'efam, owa'. Ape' mame' basefa aman anama ea' mogawa anan atona nofa' amam nematawa hiesi etapasi sotanimani.”

Jon Nandaꞌafi 5:40

Ipe' pandaiwama pifi'mai ae' pefa' ambal namunai peape bo'wepa la'ela'ef hihif.

Aposel 13:23

Ea' God nanda'am na'ama si'i fowa' na'iam na'i nonda'am. Ama wambota Deviti owagama God nefela Jisas, aman anama nofa' ape' Israeli.

Aposel 5:31

Ea' God nofa'ana nalata ilif nahaponana nape lagel da'isinai ananinai. Ea' nape agilinai ma nigiambama ape' Israel hiapai. Anan na'i nofa'apa ma momboma opalef mila God nokwaha waf aonai ape' manda'anai.

Basef Amama Pol Nandaꞌam Mafeꞌma Esis Romi 2:7

Enis epes sape la'ifis la'ela'efa waf bu'unai sagolopa eafa sofa' agof lu'wami, siti nafifili ma sope andeande' la'ela'ef. Epes isima God anona nemaf nonda'as sope andeande' la'ela'ef.

Basef Amama Pol Nandaꞌam Mafeꞌma Esis Romi 3:31

Amama atom dei' bale'ef anama ape' ina mi'i ape' matopa' basefa mi'uli anama God fowa' naso' Mosesanai, owa'. Ape' mombale'efa Krais Jisas dei' mawalapa basef ofagema ma mi'uli anama.

Basef Amama Pol Nandaꞌam Mafeꞌma Esis Romi 6:6

Ape' mogawa opalef apimi ape'imi maga' mail lawag usi'inai tu'wanainai maloma Krais ea' God natofa waf aonai nanda' maol nape alop ape'inai. Amama atom dei' ape' ina mape owina waf aonai wapoti', owa'.

1 Korin 15:26

Anan nili' nohagofa naumbih amama hiami ea' nigi' nohagofa ga' endilisi si'i nautamana ananinai nape nagi'i.

1 Korin 4:5

Ea' dei' nogota dende'anai ata' owa'. Ipe' owa' pewaloga waf enin epen nanda'anai, owa'. Ipe' ata' pepe pehafa nemaf anama Dembinai niefi'ianai. Nemaf anama anan nowalapai amamaga hiami mandamabaho' mape akoti motaga mondawalap howalagoma. Nemaf anama Anan nowalapa ukup epes hiesi mape mandambahi'i motaga mondawalap alihim. Ea' God ni'ipapa basef ananimi ape' hiapai atona etin mondahama maol ape' manda'anai, bo'ona o aona.

2 Korin 5:4

Nimeguf hiami afa' ata' wape etap anae' wape la'ela'ef hihifa ipat anama sowalo' selanai ea' opalef nimanim alop atona wafina wape. Afa' ina wandaiwa'ma okwaha alop dei'inai, owa'. Afa' wa'i undausa alop dambainai si'i luwaguf ama alop anama na'i naga'i anona nemaf nondamboma notaga ambal namunai endilisi.

Galesia 5:4

I'i ipe' pa'i pila mi'uli anama ma nambimb God ni'i ipe' epes bu'upei, ipe' pakwaha Krais pefalana bounai, ea' pelolama waf God nagiambamapa na'a pakwahona.

Efesus 1:18

Ae' anda' beten ahali'ana ma nonda' ukup ipe'imi pegawa waf bu'unai ma amamaga bu'wami Anan nofalepa pape pehafami. Ma pegawa ambal namunai mape la'ela'ef noloma wambel Godi nahopagoma howalagon endilisima. Amama God nandondomba ma anona nemaf na'i nose'apa moloma epes ananisi endilisi.

Efesus 1:9

Okom ananinai atona na'i nigiambamapa ea' nihi'ambapa basef ananimi mali' mandambaho' mape okom Ananinai atona. Basef amama mape na'ama. Anan nali' okom na'i Krais nope Dembinai ma amamaga hiami mape ilif etapi hi'ilam maloma epes wapoti'. Nogota anama anan atona okom na'ianai notaga, God nose'ana amamaga amama mofe' lagel Kraisi atona ma Anan atona nope Dembinai ma amamaga amama hi'ilam maloma epes wapoti'.

2 Tesalonaika 2:8

Nemaf anama aman anama aonai nosambala mi'uli Godi notaga nondawalap. Ea' nemaf Dembinai Jisas niefi'ianai nohana naga'ma malogel ambip ananimi atom moloma mafifili lu'wami ananimi

2 Timoti 1:1

Ae' Pol anda' basef mafe'mago ine' Timoti, ae' okom nainailina. Ine' nembale'efa God dei' nataga nogalome ae'inai. Okom Godi atona dei' ape aposel Jisas Kraisi. Basef Krais Jisasi endilisimi atom, nase'apa ambal namunai ape' mape la'ifipa maloma Anan. Ae' a'i amam biam migiambamena na'a ea' muti uwahipina monda' okom ine'inai nope awanena.

2 Timoti 1:8

Ine' owa' ambal aona ni'ipasa basef Dembinai apa'inai, owa'. Ea' ina ambal aona ma ae' wapoti', owa'. Ae' anda' maola Dembinai dei' anda' kalabus. Ine' nefa' pepel Godi ma netaga la'ifina nefa' nimanimi nelome owalapa basef bu'wami Ananimi.

2 Timoti 4:1

Anona nemaf Jisas Krais nowaloga epes hiesi dei' ata' sape namisi, soloma isima saga'i wapoti'. Naep Godi maloma Krais Jisasi dei' a'ipina basef la'ifimi a'i Krais Jisas anona nemaf notaga nondawalap alihina naep epes hiesi ea' nope Dembinai wambel Ananinai. Amama atom dei' a'ipina mehip,

2 Timoti 4:8

Dei' amamaga amama bu'wami sasagih sikila'i sefa'ami sandandombam ma'ome. Amama na'ama. Nambimb Dembinai nofale ni'ipi ni'i, “Ine' aman bu'winai.” Dembinai anan aman bu'unai nowalogas ma nemaf anama. Nemaf anama lu'unai Anan nese'e amamaga amama bu'wami. Ea' ina noso' ae' atowe, owa'. Anan nose'asam emi egafis ukup maimaila Anan notaga nondawalap sotolona.

Taitus 2:11

Ape' mogawa okom Godi lu'unai nainaila ape' ma nigiambamapa na'a anama nataga nandawalap ea', epes hiesi wambota lounai agufisi saloma agof a'asi hi'alas satolona. Ama nofa' amam nematawa nokwahomapa waf aonai mutanimani mofe'ma anan.

Taitus 2:13

Nogota anama ape' mape mohafa danifela anama lu'unai mape mohafanai. Ape' mape mohafa pepel nafifili God Dembinai ape'inai nofa'apa motanimani, anan Jisas Krais anona nemaf notaga nondawalap.

Taitus 3:4

Ea' God, anan nofa'apa motanimani, anan alupunai ape'inai okom nainailapa. Nemaf anama waf anama ananinai nataga nafe' alihina.

Hibrui 10:32

Ea' ipe' ukup mopoma nemaf anama fowa', ipe' pati nafifili Godi. Nemaf anama ipe' pefa' nimanimi lu'wami endilisi. Owa'etin. Paitu la'ifipa ma pali'amona wandafa waf aonai.

2 Pita 1:1

Ae' Saimon Pita anda' maol Jisas Kraisi, anan nandandepe aposel. Ae' anda'ago basef amama ma ipe' amam nematawa pefa' bale'ef bu'unai na'ama etin si'i afa' ofa'anai. Bale'ef anama ipe' pefa'ana waf bu'unai Jisas Kraisi, Anan God ape'inai nofa'apa motanimani.

2 Pita 1:11

I'i ipe' pilam, anona nemaf God nonda' eaf nogal alihina pendanifel pefe' piwis wambel Jisas Krais Dembinai ape'inai nape la'ela'efa. Anan atona nofa'apa motanimani.

2 Pita 1:3

Krais nofalepa ma pefa' pepel howalagon ananimi atom pelomana. Ama pepel God nase'anami atom anan nase'apa pe bu'unai amamaga amama bu'wami hi'alama mope andeande' mila waf Godi. Krais nanda'apa na'ama ma eaf anama mogawa anan atona.

2 Pita 2:20

Emi egafis sokwaha waf aonai etapanai nanda' epes awes ma sogawa Dembinai ape'inai Jisas Krais nofa'as sotanimani, ma i'i waf anama aonai nomboma esis wapoti' ma nombale'as la'ifis, anona nemaf sope la'ela'ef na'ama. Sali' sape la'ifisa sonda' waf aonai, ata' sape awes kwaukwawie'. Ea' dei' satanima sanda' waf aonai wapoti', awes endilisi sanda' waf aonai la'ela'ef.

2 Pita 3:18

Ea' ipe' pepe pila waf anama Dembinai Jisas Krais nagiambamapa na'a nofa'apa motanimani. Ea' pitu la'ifipa ma waf anama noloma gawa anama Kraisi pikila' fowa' pali' pape panda'am. Ae' a'i agel bu'unai atona dei' la'ela'ef nopomana nefe' anona nemaf owagama wapoti'. Endilisi.

2 Pita 3:2

Ae' a'i ipe' ata' ukup mopoma basef amama fowa' gani amam profet Godi mawalapami. Ea' ukup mopoma basef la'ifimi Dembinai nofa'apa motanimani, ipe' pefa'ama lagof afa' aposel ipe'ifai.

1 Jon 1:2

Ambal anama namunai nataga ea' afa' watolona naep afa'imi. Amama atom dei' afa' wawalipipa ma ambal anama nape la'ela'efi. Ambal anama fowa' nape naloma Ahalomapa dei' nataga alihina watolona.

1 Jon 4:14

Ea' ape' mogawa Ahalomapa nasapa' Nogalomana ananinai ma nofa'ai epes hiesi sape etapi sotanimani ma anan. Ape' mati amamaga amama ma anan nofa'ai epes sotanimai ma'ipasam.

Revelesen 18:1

Amama mafe'ma ea', ati anona ensel nakwaha heven nisila'i. Anan pepel napainai endilisi, sosaf ananinai howalagon nanda' etap hiagoma mafifil howalagon.

Revelesen 2:7

Ipe' emi egafipa aligah mapaipei peme' andeande' basef amama Ambal Bu'unai Godi nawalapama sios esis amam nematawa Godi! Emi egafis situ la'ifis sili'amona wandafa waf aonai, anona nemaf Ae' i'i aho'ma esis sea' su'utip lawag anama epes se'am sofa' ambagof namumi. Lawag anama notawa aof Godi agiliguma Paradais.

Revelesen 20:14

Ea' nakwaha ga' naloma wambel saga'i sapoma mafe' mowala hul anama launai nif lu'wami fandumi mapeinai. Hul anama si'i ga' nafe'ma bifi notagama epes hiesi.

Revelesen 22:14

Esis amam nematawa sasa'opa luwaguf asasimi ma sataga bo'wes, esis sondanifel. Esis isima anona nemaf God na'i esis bo'wes ma sefa' gwa'aimi ma lawag anama ambal namunai napainai ea' la'ifisa sefe' suwis uta anama ma wambel anama bu'unai.

Revelesen 22:17

Ambal Bu'unai Godi naloma nemata'w Sipsip Noganai nose'akwi esis sa'i, ‘Ipe' fi'i!’ Ea' emi egafis seme' basef amama, esis si'i basef amama atom si'i, ‘Ipe' fi'i.’ Ea' emi egafis iap nose'asa embel, esis sifi'i. Emi egafis sa'i sogwa' embel, esis sifi'i sea' embel ambal namunai napaimi si'i presen bu'unai God nose'asana na'ai, owa' sotalona otambai.