2 Timoti 1:1 - Basef Buꞌwami Godi

^1-2 Ae' Pol anda' basef mafe'mago ine' Timoti, ae' okom nainailina. Ine' nembale'efa God dei' nataga nogalome ae'inai. Okom Godi atona dei' ape aposel Jisas Kraisi. Basef Krais Jisasi endilisimi atom, nase'apa ambal namunai ape' mape la'ifipa maloma Anan. Ae' a'i amam biam migiambamena na'a ea' muti uwahipina monda' okom ine'inai nope awanena.

2 Timoti 1:1 Iomraidhean Croise

Jon Nandaꞌafi 10:28

Ae' ase'am ambal namunai ma meape andeande' la'ela'ef hihif. Amam ina moga', owa'etin. Ina enin epen la'ifina neatagahom lagof ae'ami nefa'am, owa'etin. Amam mope lagof ae'ami la'ela'ef hihif.

Jon Nandaꞌafi 17:3

Ambal namunai anama ofagena anama. Esis sogawa ine' etina God endilisinai ea' sogawa endilisi ae' Jisas Krais, ine' nasapa'e afi'i.

Jon Nandaꞌafi 5:24

Endilisi ae' a'ipipa. Emi egafis seme' basef ae'ami ma sembale'efa anan nasapa'e afi'i, isima sefa' ambal namunai ea' ma seape andeande' la'ela'ef hihif. Esis ina sanda' basef lu'wami ma kot, owa'. Esis sefa' ambal namunai nikila'a ga'.

Jon Nandaꞌafi 6:40

Okom Ahalome ae'anai nape na'ama. Amam nematawa emi egafis seme' basef ae'ami seambale'efa ae'i, esis anona nemaf sofa' ambal namunai sope andeande' la'ela'ef hihif. Ea' efelas wapoti' sehafel hi'agilif nemaf akutainai.”

Jon Nandaꞌafi 6:54

Emi egafis, sea' alop noloma esimbel ae'ami, amama dei' sefa' ambal namunai sope andeande' la'ela'ef hihif ea' efelas wapoti' sehafel hi'agilif nemaf akutainai.

Basef Amama Pol Nandaꞌam Mafeꞌma Esis Romi 1:1

Ae' Pol ape owina Krais Jisas anda' maola anan atona. God nofale ma enda' maol aposel ea' nosahe'e ma ewalapa basef bu'wami ananimi.

Basef Amama Pol Nandaꞌam Mafeꞌma Esis Romi 5:21

Fowa' waf aonai nataga lu'una ma ape' hiapai dei' maga'. Ea' dei' waf God nandahomapa anai nikila' waf anama aonai. Anan nandahomapa ea' nofalapa amam nematawa bu'upai ma mofa' ambal namunai nape la'ela'ef ma Dembinai ape'inai Jisas Krais.

Basef Amama Pol Nandaꞌam Mafeꞌma Esis Romi 6:23

Waf aonai nagwamasa awami ma isima sanda' maola waf aonai. Awami amama. Esis anona nemaf soga' etin higililas. Ea' God dei' nase'apai presen bu'unai etin, anama ambal namunai nape la'ela'efi ma mope la'ifipa moloma Krais Jisas.

1 Korin 1:1

Ae' Pol aposel Jisas Kraisi anda' maol ananinai. Okom Godi atona nofale nandandepe anda' maol anama. Ae' aloma owalomapa Sostenes wape na'ae wasapa' danifel ma nemaf bu'unai nefe'mago ipe' amam nematawa Kristen pape Korin. Ea' anda' basef amama mafe'mago ipe'. Ipe' pape la'ifipa paloma Krais Jisas, God nanda'epa pape bo'wepa nofalepa nosahe'epa ea' Ananipei etipa. Afa' biafa wase'epa danifel ma ipe' paloma epes hiesi ma wambel hiagoma sofala agel Dembinai ape'inai Jisas Krais, Anan Dembinai ma ape', esis wapoti'.

2 Korin 1:1

Ae' Pol, God nandandepe aposel Krais Jisasi. Ae' aloma owalomapa Timoti wasapa'ago basef amama ma ipe' amam nematawa Godi pape Korin pelomago amam nematawa hiesi Godi si'isi sape anama hiagoma esis Grik sapoma.

2 Korin 1:20

Basef God na'iami ofagema mandawalap ma'i Krais atona, anan na'i a'e etin. Amama atom dei' ape' ma'i agel Jisas Kraisi atona ea' ma'i, “Endilisi” ma basef amama God na'i endilisimi atom mafela agel ananinai lu'una.

Galesia 3:26

Ipe' pembale'efa Krais Jisas. Amama atom dei' ipe' hipei pataga awasi Godi, pape la'ifipa paloma Krais Jisas.

Galesia 3:28

Dei' ina enis epes sape dambesi ma enis epesa naep Godi, owa'. Esis Juda ina sape dambesa isima owa' Judaisi, emi egafis agof a'asi ina sape owina epes agufisi, amam ina mape dambema awau nematawa, owa'. Ipe' hipei pape la'ifipa paloma Jisas Krais pataga etifipa.

Efesus 3:6

Basef amama bu'wami Godi mape na'ama. Epes hiesi owa' Judaisi hi'alas fowa' sololama Godi saloma ipe' pataga etifipa paloma ape' Israel. Ea' ipe' hipei paloma ape' Juda mofa' amamaga bu'wami hiami God na'i endilisi nase'apami ma lagel Krais Jisasi.

1 Timoti 6:19

I'i sonda'am na'ama, andeande'ma anona nemaf sokolasa amamaga bu'wami atom migiambamas owagama gani heven. Sonda'am na'ama, sofa' ambal bu'unai endilisi.

2 Timoti 1:10

Ea' dei' nogota anae' Krais Jisas nafi'i nofa'apa motanimani, anan nataga alihina. Dei' maol ananinai God nagiambamapa na'a nanda'apa mataga la'ifipa mataga alihim. Krais Jisas nikila' ga', ea' basef bu'wami Godi mihima'mapa ambal namunai nape andeande' la'ela'ef.

2 Timoti 1:13

Basef amama bu'wami ine' name'ama malogel ae'anai, basef amama si'i anona ikwaf bu'unai ma nihi'ambena waf bu'unai newalipasa epes. Ine' nembale'efa Jisas Krais endilisi ea' okom ninilana nenda' waf na'ama nembale'ef la'ifina ma basef amama.

2 Timoti 1:9

God nofa'apa mutanimani mope andeande'. Anan nofalapa amam nematawa ananipai atepa mope bo'wepa andeande'. Anan ina okom napoma waf bu'unai ape' manda'anai nofalapa, owa'. Okom Ananinai atona nainailapa nofalapa nagiambamapa na'a. Fowa' dambadamba ina dei' nanda' etap, ata' owa', Jisas Krais nandahomapa nagiambamapa na'a.

2 Timoti 2:1

Nogalome ae'inai, la'ela'ef ine' nepe la'ifina ma Krais Jisas nigiambamena na'ama pepel anama naso' ape' mape la'ifipa ma Anan.

2 Timoti 2:10

Ea' anda' okom ae'anai nataga la'ifina ma aitu la'ifiwi la'ela'ef igiambama epes isima God nosahe'as ea' Ananisi. Ae' a'i God nigiambama esisa nofa'as sotanimani ma Krais Jisas soloma howalagon pepel nape la'ela'efi.

2 Timoti 2:3

Ine' nepe la'ifina endilisi si'i soldia naitu la'ifina nila Krais Jisas. Nefa' nimanimi amama neloma afa' anofa soldia ananifai ma maol anama Godi.

2 Timoti 3:15

Ea' ine' negawa amama wapoti'. Fowa' ine' ata' so'uso'win negawa basef bu'wami Godi mape Buk Baibeli andeande'. Buk anama la'ifina ma nose'ena gawa bu'unai neloma okom bu'unai ma ine' nembale'efa Krais Jisasa God nagiambamena nofa'ena netanimani.

Taitus 1:2

Ae' anda' maola agiambama bale'ef asasinai ma esis sogawa ma sondanifel sope sohafa ambal anama namunai nope andeande' la'ela'ef. Fowa' gani God ata' owa' nonda' anom amamaga motaga etap anae', anan nali' na'iam ma nose'apa ambal anama ape'. Anan ina nambaso'ami, owa'.

Taitus 1:4

Ae' anda' basef amama mafe'mago ine' Taitus. Ine' nembale'efa God na'ama etin si'i ape' hiapai mombale'efana. Amama atom dei' ine' nogalome ae'inai endilisi. Ae' a'i God ahalomapa noloma Krais Jisas anan nofa'apa motanimani, amam biam migiambamena na'a okom ine'inai nope awanena.

Hibrui 9:15

Amama atom dei' Krais nape la'afen numafi basef amama dambaimi God na'i endilisimi atom. Anan naga' ma natala esis amam nematawa notagahis ma waf aonai esis sanda'anai nogota anama sape owina basef God nali' na'i endilisimi atom. Ea' dei' emi egafis God nofalasa sigi'mana, esis sofa' ambal anama namunai sope andeande' la'ela'ef. Amama ambal namunai si'i fowa' gani God na'i endilisimi atoma sofa'ami.

1 Jon 2:25

Krais na'ipapa basef endilisimi la'ifimi, Anan anona nemaf nose'apa ambal namunai mope andeande' la'ela'ef.