1 Timoti 6:6 - Basef Buꞌwami Godi

⁶ Endilisi, emi egafis sila waf Godi ma esis ukup mopoma amamaga asasimi si'i, ea' ma'um dende'ma ape', opalef asasimi mape awanem mape andeande'.

1 Timoti 6:6 Iomraidhean Croise

Luk Nandaꞌafi 12:15

Ea' anan na'ipas na'i, “Ipe' pindumafuma andeande'ma ipe' ina kowalepama anom amamaga. Epen amamaga hiamini endilisi, ina nefa' ambal namunai ma amamaga amama ananimi, owa'.”

Luk Nandaꞌafi 3:14

Ea' anom soldia mafi'i mahali'ana ma'i, “Afa' nambimb onda' main?” Anan nagwamam na'ipam na'i, “Ipe' ina pembaso'ma epes piumbelis penda'as umbamohas penda'mas basef pelela'epasa moni asasinai, owa'. Ea' opalef ipe'imi mope awanema otamba ipe'imi dondo'ma ikwaf amam dambami mandandepami.”

Basef Amama Pol Nandaꞌam Mafeꞌma Esis Romi 8:28

Maim amamaga ma'i meatagamapai, bu'wami awami hiami, God nanda'am manda' maol atom migiambama ape' epes ukup maimaila anani. Ape' epes nofalapa ea' ma monda' maol Ananinai mila okom Ananinai.

2 Korin 4:17

Nimanimi amama matagamafai amama sa'osa'om endilisi ea' mape nogota bandana. Nimanimi amama anona nemaf mowalapai nafifili bu'unai endilisi gani heven la'ela'ef hihif. Pe anama bu'unai anona nemaf nikila' endilisi nimanimi amama so'umi dei'imi.

Filipai 1:21

Ofagema ma ape namowe na'ama. Ape namowe ma Krais atona. Ea' i'i ega', epe andeande' elomana efa' amamaga God nese'e pe bu'unai nikila' dei' ape.

1 Timoti 4:8

Ine' negawa waf anama niwalipa alop si'ina nonda' maol alop neawi, amama la'ifim kwaikwaie' ma migiambamapa. Ea' ine' nelafa waf Godi, la'ifina endilisi ma nagiambamapa ma waf hianai bu'unai. I'i ine' nelafa waf Godi, anama la'ifina nagiambama ape' epes hiapai ma dei' mape etap nogota anae', ea' nigiambamapa owagama ilif heven wapoti'.

1 Timoti 6:8

Ea' anom gwa'aimi luwaguf maim mo'omapa, ape' mi'iam mi'i, “Ea' ma'um amama ea' dende'ma ape'.”

Hibrui 13:5

Ipe' ina pila waf aonai anama ukup mohafel endilisi ma otamba, owa'. Amamaga ipe' pahapilami, amama ipe' ukup mopomam na'ama mi'i, “Amama andeande'. Amama nambimb dende'ma ape'.” Dei' main, God na'iam na'i, “Ae' ina anona nemaf okom nose'e ipe' ewa'epa alafuga, owa'.”