1 Timoti 6:21 - Basef Buꞌwami Godi

²¹ Enis epes sombale'efa basef amama baso'maimi sa'i, “Ape' mogawai.” Ea' dei' sakwaha sombale'efa God sahaga sogaol sapan. Ae' a'i God nigiambamepa na'a ipe' hipei. Ea' ma'um.

1 Timoti 6:21 Iomraidhean Croise

Matyu Nandaꞌafi 6:13

Ine' owa' nili'apa mefe'ma amamaga ahifimi meagwamba ape'i. Hapaimi. Netagahipa ma epen aonai.’ ” [Wambel ine'inai noloma pepel ine'inai noloma nafifili ine'inai, amama ine'imi atom la'ela'ef hihif. Endilisi.]

Basef Amama Pol Nandaꞌam Mafeꞌma Esis Romi 1:7

Ipe' epes Romipei, God okom nainailipa nofalepa pape amam nematawa Ananipei etipa. Ae' anda' basef amama mafi'mipei. Ae' a'i God Ahalomapa ape'inai noloma Dembinai ape'inai Jisas Krais migiambamepa monda'epa la'ifipa opalef ipe'imi mope awanem.

Basef Amama Pol Nandaꞌam Mafeꞌma Esis Romi 16:20

God anan ofagonama opaf awanena, nogota bandana ma nofa'asa Satan nofe' owina bo'wagah ipe'imi. Ae' ahali' God anda' betena Dembinai ape'inai Jisas Krais nigiambamepa na'a nope la'ela'ef nolomepa.

Basef Amama Pol Nandaꞌam Mafeꞌma Esis Romi 16:23

Gaius nasapa'ago danifel nemaf bu'unai ma ipe'. Anan numafi ae' Pol andeande' ipat ananinai, ea' numafi esis Kristen hiesi wapoti' safi'i sandatama etifigin na'ae. Erastus anan nanda' maola gavman numafi otamba taun wambel anama, ea' sahalomapa ape'inai Kwartus, amam biam masapa'o basefa danifel nemaf bu'unai ma ipe'.

Kolosi 4:18

Dei' ae' Pol ahapila pen lagel ae'anai atona anda'mepago basef amama bandami atom. Dei' anda'mepago nemaf bu'unai ipe' hipei. Ipe' ukup mopoma ae' amam mowa'e sen ata' ape kalabus la'ela'ef. Ae' a'i okom lu'unai Godi nigiambamago ipe' na'a numafipago nope nolomago ipe'. Ea' ma'um.

1 Timoti 1:19

Wandaf anama ine' la'ifina nembale'efa God nenda' waf bu'unai andeande', ma basef mape opaf ine' nomoni ina ma'ipina anona waf aonai ine' nanda'anai, owa'. Enis epes soso' alafugaha waf anama bu'unai. Ea' dei' bale'ef asasinai aona si'i sip papalalana nail otamba aona nala naoh.

1 Timoti 1:6

Ea' anom amam ukup mase'ama waf anama bu'unai. Ea' dei' mamboma basef bu'wami ma'i basef wafimi atom.

1 Timoti 6:10

Waf anama ukup ma'i otamba endilisi, ofagema ma waf hianai aonai. Enis epes ukup lu'um ma'ima'i otamba endilisi, waf anama nambomas sakwaha sombale'efa God safe'ma waf aonai. Ea' sofa' nimanimi lu'wami endilisi.

2 Timoti 2:18

Amam amama mololama basef endilisimi ea' ma'iam ma'i, “Ape' motanima mohafel hi'agilif ea', ina ata' motanima mohafel wapoti', owa'.” Basef amama atom amam mahambombaga ukup la'ifimi enis epes sombale'efa Godi.

2 Timoti 4:22

Ae' a'i Dembinai nope nolomago ambal bu'unai ine'inai nigiambamepa na'a. Ea' ma'um.

Taitus 3:15

Amam nematawa sape salome na'ae esis sandanifel salomago ine'. Ine' nendanifel nelomago emi egafis ukup maimaila afa' sombale'efa God salomafa. Ae' a'i God nigiambamepago ipe' na'a nope nolomago ipe' hipei nonda'epa pataga la'ifipa. Ea' ma'um.

Hibrui 13:25

Ae' a'i God nigiambamepa na'a ea' nope nolomago ipe' hipei nonda'epa la'ifipa.