1 Timoti 6:2 - Basef Buꞌwami Godi

² Ipe' agof a'epa panda' opeh na'a ma amam agufumi dembemi anom Kristen, ipe' ina ukup mope na'ama pi'i, “Anom Kristen sahopafa atom ea' hapaimi, osambala basef amamumi.” Owa'. Ipe' ukup mope na'ama pi'i, “Amom Kristen ea' afa' ukup mimilam, onda' maol amamunai andeande', ukila' maol wanda'ama amam agufumi owa' Kristeni.” Dei' main, ipe' agof a'epa pagiambama amam Kristen ipe' ukup maimailami. Timoti, basef amama ine' niwalipasam nefela ukup asasimi nenda'as sotaga la'ifis. La'ela'ef ine' niwalipa esis amam nematawa ma sonda' waf bu'unai, ea' nefelasa sonda'am.

1 Timoti 6:2 Iomraidhean Croise

Matyu Nandaꞌafi 23:8

Ea' enis epes ina sofala ipe' si'i ipe' dembipei, owa'. Dei' main, ipe' tisa dembinai ipe'inai atotona ea' ipe' hipei pape si'i sahin owan wambota atotona.

Matyu Nandaꞌafi 25:40

Ea' ae' dembiwei king egwamasa basef i'i, ‘Ae' a'ipipa endilisi! Maim opeh bu'wami ipe' panda'ama pagiambama esis sahin owan ae'asi falafisi agof a'asi, amama ipe' ina panda'masam esis etis, owa'. Panda'meam ae' wapoti'.’

Matyu Nandaꞌafi 6:24

Ina enin epen la'ifina nanda' maol nihapila maol biefina amam dambami biam, owa'etin. Na'ama okom nila anona, anona nesambalona. Ea' anan neme' basefa anona, anona nowa' alafugahana. Ea' na'ama etin, ipe' ina la'ifipa pepe owina God noloma wiga hianai moni hianai, owa'etin.

Aposel 1:15

Anom nimeguf mafe'ma ea', esis Kristen 120-peleis hiesi sandatama etifigin sape ea' Pita nohafel naitu na'i,

Basef Amama Pol Nandaꞌam Mafeꞌma Esis Romi 11:17

God nindiwam nelefata anom agof lawah oliv ea' nofa'ai anona agela anona lawag oliv aolupunai nuwataniana lawag anama sawana aof. Ipe' owa' Judaipei, ipe' si'i agel lawag anama aolupunai. Amama atom dei' ipe' pefa' amamaga maim bu'wami mataga ma epes isima Juda si'i agel lawag anama aolupunai nofa' ifata nombalef lawag sawana nape aofi.

Basef Amama Pol Nandaꞌam Mafeꞌma Esis Romi 8:29

Dei' main, epes isima God fowa' nogawas ea' nosahe'asa sotaga sondati na'ama etin si'i Nogalomana Ananinai ma Anan notaga nope si'i sahalomas dembinai ma esis sahin owan wambota ananinai.

Galesia 5:6

Emi egafis sepe la'ifisa Krais Jisas, waf anama matopa' alopanai o owa' motopa' alopanai anama falafunai atona owa' la'ifina. Ea' waf sombale'efa Krais atona nawalapai waf ukup maimailasanai. Amama bu'wami endilisi mikila'.

Efesus 1:1

Ae' Pol okom Godi atona nandandepe ataga aposel Jisas Kraisi ma anda' maol ananinai awalapa basef ananimi. Ae' anda' basef amama mafe'mago ipe' epes Godi pape Efesusi, ipe' pembale'efa Krais Jisas andeande' pape la'ifipa palomana.

Efesus 1:15

Basef do'okimi endilisimi atom. Amama atom dei' la'ela'ef anda'mepa beten ipe'. Nemaf anama nali'i ame' basefa waf ipe'inai pembale'efa Dembinai Jisasa ukup bo'om ea' maimaila amam nematawa hiesi Godi. Ae' anda'am nemaf anama afi'i afi'i ataga dei', ae' ina akwahipa ma beten, owa'etin. Ae' okom na'i ipe' anda' beten anifela Goda ipe'.

Efesus 3:6

Basef amama bu'wami Godi mape na'ama. Epes hiesi owa' Judaisi hi'alas fowa' sololama Godi saloma ipe' pataga etifipa paloma ape' Israel. Ea' ipe' hipei paloma ape' Juda mofa' amamaga bu'wami hiami God na'i endilisi nase'apami ma lagel Krais Jisasi.

Kolosi 1:2

Ea' anda'mepago basef amama mafe'mago ipe' amam nematawa Godi pape wambel Kolosi, ipe' alupipei pape la'ifipa paloma Jisas Krais. Afa' biafa wa'i God ahalomapa ape'inai nigiambamepa na'a nonda'epa pataga la'ifipa ea' nonda' opalef ipe'imi mope awanem.

Kolosi 1:4

Dei' main, afa' wame' basef ma ipe' na'ama. Ipe' pembale'efa Krais Jisas ea' ukup ipe'imi maimaila amam nematawa Godi hiesi.

Kolosi 4:1

Ipe' agufipei ma esis agof a'asi sanda' maolanipei, ipe' penda' waf bu'unai andeande'ma esis. Ipe' pegawa Dembinai ipe'inai nape otaga ilif.

2 Tesalonaika 1:3

Ipe' Kristen alupipei afa'ipei, afa' wa'i andeande'ma dendel wanifela Goda ipe'. Waf anama bo'ona. Dei' main, bale'ef ipe'inai nataga la'ifina endilisi ea' ipe' hipei atona etin ukup maimailipa atona etin. Ea' waf anama nataga nafe' lu'una endilisi ma ipe'

1 Timoti 4:11

Ine' ni'ipasa basef amama mefe'mago esis amam nematawa niwalipas mehip silam.

1 Timoti 5:1

Ina nenda' megah moham amam hagami ni'ipam basef la'ifimi, owa'. Nepe so'uso'umbel ni'ipama basef Godi, ni'ipam si'i na'ipa ahalomena ine'inai. Ea' ni'ipa awomimi si'i na'ipa owapena ine'imi.

Taitus 2:1

Ea' ine' ni'ipa esis amam nematawa ma basef bu'wami ma waf esis sanda'anai mila basef amama bu'wami. Ine' ni'ipas na'ama.

Taitus 2:15

La'ela'ef ine' ni'ipasa basef amama. Ea' nenda' epes sataga la'ifisa sila basef amama ni'ipasa basef la'ifimi si'i anona dembinai agel lu'unai. Ea' nesambala waf aonai esis sanda'anai. Ae' andaiwa'ma enin epen ni'i ine' aman falafinai, owa'.

Taitus 3:8

Basef amama endilisimi ma ape' hiapai mombale'efam. Ae' a'i newalapa basef amama ni'iam mehipa epes isima sombale'efa God ea'i ukup mopoma situ la'ifisa waf bu'unai. Basef amama ma Jisas Krais naloma God, amama bu'wami ma migiambama epes.

Hibrui 3:1

Ipe' alupipei epes Godi, Anan nape ilif nofalipei, ipe' peme'. Ipe' okokoma Jisas, Anan aposel nape pris Dembinai ma waf naloma basef ofagema ape' ea' mombale'ef mawalipasami.

Hibrui 3:14

Ape' fowa' mali' mombale'efana, ea' dei' mombale'efana la'ifipa la'ela'ef, mefe' motagama moga'. I'i ape' monda'am na'ama la'ela'ef, ape' amam nematawa endilisi Kraisi, mape la'ifipa malomana.

1 Pita 5:1

Ipe' agufipei pimafi esis Kristeni, ae' a'i efela ukup ipe'imi enda'epa petaga la'ifipa. Ae' wapoti' ae' agiliwei imafi esis Kristen. Fowa' aitu ati Krais nofa' nimanimi egawam. Ea' anona nemaf wapoti' itu elomepa ma miti nafifili lu'unai Ananinai notaga. Dei' a'ipipa basef la'ifimi na'ama a'i,

2 Pita 2:10

Basef amama endilisi atom mapoma emi egafis ukup mohafema waf aonai alop atona ma ukup ma'i basef Dembinai sa'i falafumi. Epes isima anona nemaf sofa' nimanimi lu'wami endilisi. Amam mambaso'ami matotopa' basef Godi maila ukup amamumi atom mafela agof amamumi atom. Amam ina umbamahama manda' amam mape ilif heveni findiwam, owa'.

Basef Ifimba Jut Nandaꞌafi 1:8

Amam amama mandambaho' mawisi malomapa manda'am na'ama etin. Koh nandondo'oh hianai amamunai nafela ukup amamumi ma manda' waf aonai ma alop amamunai. Amam masombala basef Dembinai ape'inai manda' anom ensel dembemi mape heveni wapoti' findiwam.