1 Timoti 6:13 - Basef Buꞌwami Godi

^13-14 God nase'am ambal namunai hiahaom hiami maloma epes. Afagel nali'i Jisas Krais nawalapa basef ofagema endilisimi andeande'ma naep Pontius Pailat gavman dembinai. Naep Godi naloma Jisas Krais dei' a'ipina basef la'ifimi na'ama. Nila basef bu'wami Godi nimafi esis amam nematawa Godi andeande'. Ine' nenda'am na'ama. Ine' nimafi okom ine'inai andeande' nila basef amama Godi andeande' waf aonai owa' nopeina, ea' epes ina sonda' findiwa ma basef amama. Nimafiam nepe na'ama etin nefe' netaga ma nemaf anama Dembinai ape'inai Jisas Krais notaga alihina.

1 Timoti 6:13 Iomraidhean Croise

Matyu Nandaꞌafi 27:11

Amam mofa' Jisas mafe' naitu naep dembinai gavman Pailati ea' Pailat nahali'ana na'i, “Ine' king dembinai esis Judai o owa'?” Ea' Jisas nagwamana basef na'i, “Basef amama ine' na'iami endilisimi.”

Matyu Nandaꞌafi 27:2

Amam mowa'ana mofa'ana mafe' mase'ana gavman dembinai Pailat.

Jon Nandaꞌafi 14:6

Ea' Jisas na'ipana na'i, “Ae' atowe eaf ofagewe ma basef endilisimi moloma ambal namunai. Owa' enin epen la'ifina nefe' neatagama Ahalome anona eaf, owa'etin. Ea' ae' atowe.

Jon Nandaꞌafi 19:11

Ea' Jisas nagwamana basef na'i, “I'i God nape heven ilifi owa' nease'ena pepel ine', ine' etina ina la'ifina ma netalogofa ae', owa'. I'i nehe ega', waf anama aonai. Ea' amam amama mofa'e afi'mai ine', waf amamunai aonai lu'unai endilisi, nikila' waf aonai ine' nanda'anai.”

Jon Nandaꞌafi 5:21

Ahalome nafela esis saga'i sohafel wapoti' ma nease'as ambal namunai. Ea' dei' na'ama etin ae' Nogalomana ananiwei wapoti' ae' ase'as ambal namunai epes ae' okom na'iasi.

Jon Nandaꞌafi 5:26

Ambal namunai nape Ahalome atona. Ea' nanda' ae' Nogalomana ananiwei ea' ae' wapoti' ambal namunai napaiwei na'ama etin.

Aposel 17:25

Anan atona nase'asa ambal namunai naloma hiami epes hiesi. Ea' Anan ina anom amamaga a'ana ma epes sigiambamana sose'ana anom amamaga, owa'.

2 Korin 9:13

Waf anama ipe'inai nandawalap alihiguma nihi'amba epes hiesi ma ipe' paila basef Godi andeande'. Ea' enis epes wapoti' sefela agel Godi lu'una ma ipe' paila basef bu'wami Kraisi pawalapama pagiambama esis saloma enis epes wapoti' hi'alas.

Galesia 3:26

Ipe' pembale'efa Krais Jisas. Amama atom dei' ipe' hipei pataga awasi Godi, pape la'ifipa paloma Krais Jisas.

1 Timoti 1:12

Dembinai ape'inai Krais Jisas nase'e pepel, okom napoma ae' bu'uwai anda' maol ananinai nanda'e anda' maol anama, ea' anifelona.

1 Timoti 1:15

Anom basef endilisimi atoma epes hiesi some'ama sombale'efam. Basef amama na'ama. Krais Jisas nisila'i etap anae' ma nefa'ape epes manda' waf aonai nokwahomapana motanimani mape andeande'. Ae' ma'uwi ali' anda' waf aonai ikila' enis epes ea' ma'uwi ae' atowe.

1 Timoti 2:5

Ape' mogawa God atotona nape. Ea' anona aman nape la'afena God naloma epes, anama aman endilisinai anan Krais Jisas.

1 Timoti 5:21

Ae' a'ipina andeande'ma naep Godi naloma Krais Jisas maloma amam ensel God nandandepami. Ine' nila basef amama andeande'. Ine' owa' ninifala anom amam awomimi ni'ipam mehip. Ea' ina nenda' anom dembemi sa'ombemam ni'ipam so'umbel, owa'. Ni'ipa epes hiesi na'ama etin. Ina ninifala enis epes ea' nenda' enis alupusi sa'ombemas, owa'. Ni'ipas na'ama etin.

1 Timoti 6:12

Nembale'efa Krais si'i enin epen nasagih mehip naloma enis. I'i enin nesagih mehip nefe' nisila'as, nefa' anom amamaga. Ine' wapoti' na'ama etin. I'i nembale'efana la'ifina, anona nemaf nepe andeande' la'ela'ef. Ine' nihapila okom anama ambal bu'unai nape la'ela'efi fowa' God nofalena ma nefa'anai. Anan nofalena nemaf anama ma newalapa bale'ef anama ine'inai naep epes hiesi sanda' lotuma Godi.

Revelesen 21:6

Ea' na'ipi wapoti' na'i, “Ae' anda' amamaga amama dambaimi hiami mataga hi'alam. Ae' atowe ape Dembiwei la'ela'ef hihif ape ali' ape agi' endilisi. Ae' ofagewe ma ahapila amamaga hiami hi'alam ea' ape agi' anda' opeh hiami ae'ami hi'alam. Emi egafis si'i iap nose'as, anona nemaf ese'as embela ifata embel ambal namunai napaimi. Ea' ese'asam na'a si'i presen bu'unai.

Revelesen 22:1

Ea' ensel anama nihi'ambe anona walemb lu'unai. Walemb anama howalagon pelele' endilisi si'i glas. Walemb anama nandambe nafi'i balata lu'unai Godi natomanai naloma balata lu'unai Sipsip Noganai natomanai ea' kolo' etin nafe'.

Revelesen 3:14

Ine' da'a anom basef mofe'ma ensel anama numafi sios amam nematawa Kristen sape Laodisiai. Ae' ofagewe ma basef endilisimi awalapam mafe' andeande' basef hiami Godi. La'ela'ef awalapam andeande'. Ae' Dembiwei ma amamaga hiami God nanda'am mape ilif etapi maloma epes hiesi wapoti'. Ae' a'ipipago basef amama ipe'.