1 Timoti 6:11 - Basef Buꞌwami Godi

¹¹ Ea' ine' aman Godi newa' alafugama amamaga amama ea' nefe' nila waf anama bu'unai. Nenda' maola nefa' waf bu'unai endilisinai Godi, nembale'efa Jisasa okom ninila epes hiesi. Nenda'am na'ama ma nitu la'ifina ma waf aonai enis sonda'menanai. Ine' nenda' waf so'uso'umbela enis epes.

1 Timoti 6:11 Iomraidhean Croise

Basef Amama Pol Nandaꞌam Mafeꞌma Esis Romi 14:19

Dei' ape' mila waf hianai nonda' ape' mope opalef etifim, ea' waf bu'unai hianai nonda' bale'ef sahin owani notaga la'ifina.

1 Korin 10:14

Ipe' alupipei endilisi ae'ipei, ipe' pekwaha waf anama pailana god anama baso'omunai, pewa' alafugaha anan.

1 Korin 14:1

Ipe' la'ifipa pili' ukup mila epes hiesi pese'asa opalef esis. Ea' ukup ipe'imi mohafel endilisi ma pefa' presen anama bu'unai Ambal Bu'unai Godi nase'apanai. Ea' presen nali'i ma ipe' penda' maol la'ifipa pefa'anai, anama na'ama. Presen Ambal Godi nefelepa ma pewalapa basef Godi si'i profet.

1 Korin 6:18

Ipe' pekwaha waf aonai so'a waolanai pefa' pefe'. Anona waf hianai aonai sanda'ana alop ande' atogon. Ea' epen nanda' waf aonai so'a waolanai nanda' waf aonai ma alop ananinai atona.

1 Timoti 1:14

Dembinai ape'inai nagiambame na'a nanda'e ataga la'ifiwi dei' embale'efana okom nainailana.

1 Timoti 4:12

Esis sati ine' ukup ma'i, ine' ata' awomina, ea' ina ni'i aho'ma si'i ine' aman falafinai, owa'. Ine' nepe si'i ikwaf bu'unai ma esis Kristen sila waf bu'unai ine' nanda'anai ma fe' pe ki bale'ef ine'inai, noloma waf anama okom na'ina'ianai noloma waf bu'unai.

1 Timoti 6:20

Nogalome Timoti, ine' nindumafuma nimafi basef amama God nasi'inami andeande'. Newa' alafugama basef amama baso'maimi wafimi sa'i basef gawaimi. Basef amama ma'i mohambombaga waf Godi.

2 Timoti 2:21

Ea' dei' emi epen nekwaha waf aonai ma nepe bo'wen andeande', inima nambimb nepe si'i dis amama sanda' maol bu'unai atona. Ea' Dembinai nigiambaman nepe andeande' nenda' maol ananinai. Ea' enin nendandombam nenda' maol naninani bu'unai hianai.

2 Timoti 2:22

La'ela'ef ine' nendafa'ma ukup amama awasimi mataga ma amam amama awomimi. Nenda' maol bu'unai la'ifina nembale'efa God nila waf bu'unai neloma okom nainaila enis epesanai. Ea' nila waf opaf awaninai, neloma epes isima opalef mape bo'om andeande' sofala Dembinai.

2 Timoti 3:10

Ine' fowa' nafe' naloma ae', name' basef amama a'ipasam ea'. Ine' negawa fe' pe, ki ma basef hiami ofagema ae'ami. Ine' negawa ae' embale'efa God la'ifiwi, la'ela'ef a'ipasa basef Ananimi so'umbel, okom ae'anai ina wandafuna, owa'. Ine' negawa ae' okom nainaila enis epes, aitu la'ifiwi efa' nimanimi.

2 Timoti 3:17

Basef amama manda' ape' epes Godi la'ifipa endilisi ma monda' maol hianai bu'unai Ananinai.

Hibrui 12:14

Ipe' dei' penda' maol la'ifipa ma pila waf opalef mope awanem peloma epes hiesi. Ea' pila waf anama bu'unai andeande', pepe Dembinai ananipei etipa endilisi. Epen waf anama a'ani, anona nemaf enin ina niti Dembinai, owa'.

1 Pita 3:11

Esis sondamboma sofa'ma waf aonai, ea' sonda' waf bu'unai atona. Ea' esis ukup mila opalef mope awanem moloma God noloma epes ea' sonda' waf anama nefe' nepe la'ifina.