1 Timoti 5:3 - Basef Buꞌwami Godi

³ Basefa nematawa alifiwai ma'i na'ama. Nematawa awama, i'i owa' enin epen numafiawa, ine' nimafiawa andeande'.

1 Timoti 5:3 Iomraidhean Croise

Matyu Nandaꞌafi 15:6

Ea' ipe' Farisi paloma ipe' enipa pawalipasa mi'uli Godi, ipe' pa'i a'e ma epen inima nembaso'ma mamasan, ea' ina nagiambamas. Ipe' panda' waf anama pesambala basef amama Godi na'i migiambama mamasapa. Ea' panda' waf ipe'inai atona lu'una.

Matyu Nandaꞌafi 23:13

“Ipe' amam dembipei pawalipasa mi'uli Godi paloma Farisi, ae' ati uwahipipa ma nimanimi lu'wami anona nemaf meatagamipei. Ipe' amam malogof biamipei! Ipe' pewalo uta ma naep esis amam nematawa ma ina nambimb siowis kingdom heveni, owa'. Dei' main, ipe' ina pafe' pawis nomon, ea' esis amam nematawa sa'i sefe' siwis nomon, isima ipe' pasopamas eafa sefe' siowis. [

Luk Nandaꞌafi 2:37

Ea' waulunama'w naga'. Ea' kwape etin, kwafe' kwafe' dei' afagof akwa'umi mataga 84-peleim. Akwa'w ina kwakwaha ipat lu'unai Godi anom nimeguf, owa'etin. Akwa'w kololama gwa'aimi kwape kwanda' beten ea' kwanda' lotu kwahapila opeh Godi kwanda'am kwafe' owamb alip.

Luk Nandaꞌafi 7:12

Anan nafe' felefele'ma uta sawis wambel anama, ea' nati enis sofa' enin so'uso'win naga'i safi'i sa'i sowan. So'uso'win inima mama'wan alifi'wi. Akwa'w kola enin etin, waulunama'w a' naga'. Ea' esis amam nematawa hiesi sape wambel anama safi'i salomai akwa'w.

Jon Nandaꞌafi 1:47

Ea' Jisas nati Nataniel nafi'mai anan na'ipana na'i, “Niti aman anama Israelinai endilisi, aman bu'unai. Anan owa' ni'i anom basef baso'maimi.”

Aposel 6:1

Nogota anama esis alupusi saila Jisasi sataga hias endilisi. Ea' esis Juda hiesi enis sa'i diga Griki safitap saloma enis Juda sa'i diga Hibrui ea' sa'i, “Nimeguf hiami ipe' pagiambama esis amam nematawa isima gwa'aimi maim a'asi, ea' anowa nematawa alifiwai ape'iwai owa'.”

Aposel 9:39

Ea' Pita nohafel nafe' nalomam, ea' mafe' mataga mofa'ana mafe' rum anama ilif akwa'w kwa'oma. Nematawa hiawai alifiwai wafi'i waitu felefele'ma Pita wape walopa'w. Ea' wihi'ambana klos sagwegw maim akwa'w Dorkas kwagundisami nimbewa' la'ela'ef ata' kwape kwalomawa.

Aposel 9:41

Ea' Pita nahapila lagel akwa'unai nafela'w kwaitu. Ea' nofalai esis amam nematawa sombale'efa Godi saloma nematawa awama alifiwai, naso' akwa'w kotanima kwafe'ma esis.

1 Tesalonaika 2:6

Afa' ina wanda' maola epes sefela agof afa'imi, o enis epes o ipe' wapoti' pinifelafa, owa'.

1 Timoti 5:2

Ni'ipa nematawa hagiwai si'i na'ipa mama'wena ine'ikwi. Ea' ni'ipa awiawai si'i na'ipa haniti'mina ine'ikwi ma waf bu'unai notaga bo'ona endilisi ma naep Godi.

Jems 1:27

Waf sanda' lotuwanai bo'ona andeande' ofagena a'ana naep Ahalomapa ape'inai Godi, anama na'ama. I'i enis awasi mamasas a'asi esis etis sope, o nemata'w alifi'wi akwa'w ato'w kwape kwahu'wi, ape' migiambamasa otamba gwa'aimi maim. Ea' mumafi pe ape'inai andeande' ma waf aonai etapanai ina nenda' opalef ape'imi motaga aom, owa'.

1 Pita 2:17

Ipe' pendanifel pefela agofa epes hiesi penda'as andeande'. Ea' ukup mimila esis Kristen sahin owan ipe'isi. Ipe' umbamehepama Goda penda' lotumana andeande'. Ea' pefela agel king gavman dembinai nali'ma esis Romi.

1 Pita 3:7

Ipe' amam wauhupawa wapoti' pimafiawa ma gawa bu'unai, ukup mopoma alop awaunai ina la'ifina, owa'. Ipe' penda'awa andeande' pefela agof awaumi. Dei' main, awau wapoti' dei' walomepa ofa' ambal namunai God nose'epana. Ipe' penda'mawam na'ama ma ina anom amamaga mili'akwa beten ipe'inai, owa'.