1 Timoti 5:22 - Basef Buꞌwami Godi

²² Ine' owa' nefa'anai anona aman mehip nenda'ana nope agilinai ma esis Kristen, owa'. Nili' notolona andeande' nanda' waf bu'unai o nanda' waf aonai. Na'ama enis epes sitilina nigiambama anona nanda' waf aonai, si'i ine' wapoti' nanda' waf aonai anan nanda'anai. Ine' nindumafuma nepe andeande'.

1 Timoti 5:22 Iomraidhean Croise

Aposel 13:3

Ea' esis sakwaka gwa'aimi sanda' beten, sawamona lagofa amam biam sasapa'am mafe'.

Aposel 18:6

Ea' esis Juda sosambala basef ananimi sanda' anan findiwana. Ea' nanda'masa anona ikwaf nihi'ambasa waf aonai esis sanda'anai. Nandilama sopof usas mail luwaguf ananimi ma'oma esis na'ipasa basef la'ifimi na'i, “I'i ipe' hegililipa, ofagema ipe'imi atom. Ae' basef a'e ma amama. Dei' ae' efe'ma iwalipa amam nematawa isima owa' Judaisi.”

Aposel 20:26

Ea' dei' ae' a'ipipa. I'i enin epen ipe'ini awen higililan, amama ina ofagema ae'ami, owa'. Ofagema ipe'imi atom.

Aposel 6:6

Ea' esis hiesi sanda' amam amama maitu felefele'ma naep amam aposeli mawamona lagofa amam manda'mam betena monda' maol anama.

Efesus 5:11

Ipe' ina peloma epes isima sanda' waf aonai si'i sape owambi pendao'oma atogon etin, owa'. Waf anama wafinai atona ina nola gwa'imi bu'wami, owa'. Ipe' pekwaha epes isima hiesi sanda' waf anama aonai.

1 Timoti 3:10

Pili' ata' piti maol amamunai. Ama piti monda'ana andeande', mope monda' maol siosi.

1 Timoti 3:2

Ea' emi aman nope numafi siosi nope andeande' endilisi ma epes ina siti anona waf aonai ma anan, owa'. Anan noso' nemata'w atoto'w. Ina nea' embel nohaga nogaol, owa'. Anan okom nopaina numafi alop ananinai andeande'. Anan nila okom bu'unai atona nonda' waf bu'unai hianai. Anan okom ni'i hiesi alupusi etis ananisi hi'ilas nose'as gwa'aimi. Anan nope notaga tisa bu'unai ma basef bu'wami atom.

1 Timoti 3:6

Aman anama nataga Kristen dambanai ina nope dembinai numafi sios, owa'. Na'ama nosambala basef Godi nogalo'mana si'i nagalo'ma aman aonai Satan.

1 Timoti 4:12

Esis sati ine' ukup ma'i, ine' ata' awomina, ea' ina ni'i aho'ma si'i ine' aman falafinai, owa'. Ine' nepe si'i ikwaf bu'unai ma esis Kristen sila waf bu'unai ine' nanda'anai ma fe' pe ki bale'ef ine'inai, noloma waf anama okom na'ina'ianai noloma waf bu'unai.

1 Timoti 4:14

Fowa' agufumi mumafi siosi mawamona lagofa ine'. Ambal Bu'unai Godi nafelam manda' betena ine' ea' anom amam ma'i basefa presen anama God nasi'inanai na'a. Dei' nenda' maol la'ifina nimafi presen anama andeande' God nali' nase'enana na'ai.

2 Timoti 1:6

Fowa' ae' awamona lagofa balaga ine'inai ma God nase'ena presen bu'unai ananinai. Ea' dei' a'i efela okom ine'inai ma okom nopoma presen anama napoma ine' nimafiana notaga la'ifina si'i sufapula nif fandom lu'um.

2 Timoti 2:2

Basef hiami ine' name' fowa' awalapama naep epes hiesi, amama newalapama anom amam bu'wami mogawa basef andeande'i ma mi'ipa enis epes andeande'.

2 Jon 1:11

Emi egafis sinifala epes isima anona nemaf solomas okom atotom sigiambamas sonda' waf aonai esis sanda'anai.

Revelesen 18:4

Ea' ame' anona malogel na'i natagai heven na'i, “Ipe' amam nematawa ae'ipei, kwaha wambel anama piwisi ande'. Na'ama ipe' nambimb pendao'oma peloma wambel anama pefa' nimanimi lu'wami ma waf aonai esis sanda'anai.