1 Timoti 5:21 - Basef Buꞌwami Godi

²¹ Ae' a'ipina andeande'ma naep Godi naloma Krais Jisas maloma amam ensel God nandandepami. Ine' nila basef amama andeande'. Ine' owa' ninifala anom amam awomimi ni'ipam mehip. Ea' ina nenda' anom dembemi sa'ombemam ni'ipam so'umbel, owa'. Ni'ipa epes hiesi na'ama etin. Ina ninifala enis epes ea' nenda' enis alupusi sa'ombemas, owa'. Ni'ipas na'ama etin.

1 Timoti 5:21 Iomraidhean Croise

Matyu Nandaꞌafi 16:27

Ae' ataga epen endilisiwei, anona nemaf ae' ifi'i elomai amamaga bu'wami pepel nafifili noloma amam ensel ae'ami. Ama nemaf anama, ae' egwamasa amamaga hiami esis amam nematawa hiesi mondahama waf esis sanda'anai hianai.

Matyu Nandaꞌafi 25:41

Ea' ae' i'ipa esis saitu lagel eganai wa'ol wapoti' i'ipas, ipe' si'amae fo'o. God nandaiwa'mepa na'i ipe' epes aopei. ‘Ipe' fo'o wambel aonai nif lu'wami ma'oma. Nif anama Ahalome nanda'am mandandombol ma'oma aman aonai Satan naloma ensel ananimi atom.

Matyu Nandaꞌafi 28:20

Ea' piwalipasa sila basef bu'wami hiami ae'ami fowa' awalipipami ma basef la'ifimi. Endilisi ae' ape alomepa ma nimeguf hiami danda, pefe' pefe' ma nemaf akutainai nogota hi'ilana.”

Luk Nandaꞌafi 20:21

Ea' mahali' Jisas ma'i, “Dembinai tisa, ape' mogawena basef ine'imi bu'wami atom na'ipasam esis amam nematawa. Ine' na'i basef atifima epes isima hiesi agufisi saloma isima agof a'asi na'ama etin hi'alas. Ine' na'ipasa basef maloma waf bu'unai Godi endilisi ma epes hiesi.

Luk Nandaꞌafi 9:26

Ae' ataga epen endilisiwei. I'i emi egafis ambagof aoma Ae' sondafa'me eloma basef Ae'ami, Ae' wapoti' ambal aona epes isima endafa'mas nemaf anama Ae' ifi'i eloma amamaga bu'wami mafifili Ae'ami, elomai mafifili howalagon Godi maloma amam ensel Godi wapoti'.

2 Korin 5:16

Amama atom dei' afa' ina ata' waila opaf apinai wawaloga waf enin epeni, owa'. Endilisi, fowa' waila wafa opaf apinai wawaloga Krais na'ama. Ea' dei' owa'.

1 Tesalonaika 5:27

Ae' a'ipipa mehipa agel Dembinai, ipe' pi'i basef mail pas amama ma esis Kristen alupusi hiesi.

1 Timoti 6:13

God nase'am ambal namunai hiahaom hiami maloma epes. Afagel nali'i Jisas Krais nawalapa basef ofagema endilisimi andeande'ma naep Pontius Pailat gavman dembinai. Naep Godi naloma Jisas Krais dei' a'ipina basef la'ifimi na'ama. Nila basef bu'wami Godi nimafi esis amam nematawa Godi andeande'. Ine' nenda'am na'ama. Ine' nimafi okom ine'inai andeande' nila basef amama Godi andeande' waf aonai owa' nopeina, ea' epes ina sonda' findiwa ma basef amama. Nimafiam nepe na'ama etin nefe' netaga ma nemaf anama Dembinai ape'inai Jisas Krais notaga alihina.

2 Timoti 2:14

La'ela'ef ine' nefela ukup asasimi ma basef amama. Ni'ipasa ma naep Godi amama. Ipe' ina pi'i basef pepa'am pelomasa basef mamumami, owa'. Waf anama ina nigiambamas, owa'. Waf anama nambimb mohambombaga isima some'ami.

2 Timoti 4:1

Anona nemaf Jisas Krais nowaloga epes hiesi dei' ata' sape namisi, soloma isima saga'i wapoti'. Naep Godi maloma Krais Jisasi dei' a'ipina basef la'ifimi a'i Krais Jisas anona nemaf notaga nondawalap alihina naep epes hiesi ea' nope Dembinai wambel Ananinai. Amama atom dei' a'ipina mehip,

Jems 3:17

Ea' gawa nafi'i heveni nawalapa waf bu'unai na'ama. Waf nape nali'i, ukup epesi mope bo'om andeande'. Ea' waf bu'unai hianai wapoti' na'ama. Epes sape opalef awanema opalef etifim maloma enis epes. Ea' sanda' waf so'uso'umbilinai sati uwahipis endilisi ea' sanda' waf bu'unai ma sagiambama enis epes. Esis ina malogof biam sa'i anom basef, owa'. Sa'i basef endilisimi atom. Esis ina sanda' waf biefina sanifela enis sosambala enis, owa'. Esis ukup ma'i epes hiesi na'ama etin.

2 Pita 2:4

God ina niambali' amam ensel amama fowa' manda' waf aonai, owa'. Anan nakwahom mowala wambel aonai hel. Ea' nowa'am la'ifim mape la'ela'ef anama mape mohafa anona nemaf God nowalogama basef lu'wami.

Basef Ifimba Jut Nandaꞌafi 1:6

Dei' ipe' ukup mopoma amam ensel amama wapoti', amam ina mumafi maol anama naloma agof lu'wami God nase'amamanai andeande', owa'. Amam makwaha wambel amamunai heven. Ea' dei' God nowa'am sen la'ifinai nape la'ela'efi. Ea' mape la'ela'ef wambel anama akot nape la'ela'efa. Mape mohafa nemaf anama lu'unai God nowalogam moloma epes hiesi wapoti' hi'ilas.

Revelesen 14:10

esis nambimb sope si'i sogwa' anona wain. Wain anama basef womun etina okom wandafunai Godi. God ina nati uwahipis, owa'. Anan okom wandafunai lu'una endilisi. Anan anona nemaf nese'as okom wandafunai epes isima ma nogwa waf aonai esis sanda'anai. Ama epes isima sofa' nimanimi lu'wami ma nif fandumi mahihi'asi ma otamba agel salfa nifimi ma naep amam ensel bu'wami Godi moloma naep sipsip noganai.