1 Timoti 5:11 - Basef Buꞌwami Godi

¹¹ Ea' ine' owa' nenda' agofa nematawa awama awiawai alifiwai, owa'. Hapaiwai. Anona nemaf awau wi'i ugi'ma ukup awoumi ola alop awaunai atona wi'i oso' amam wapoti, ea' hapaiwai. Awau ukup amama mapaiwa, dei' wakwaha wafa basef bu'wami Kraisi fowa' ombale'efanai.

1 Timoti 5:11 Iomraidhean Croise

1 Timoti 4:3

Nambimb muwalipasa basef amama ma esis sihi'ama waf sandaso'amainai sihi'ama anom gwa'aimi epes sagwa'ami. Gwa'aimi amama God atona nanda'ama ape' epes mombale'efana mogawa basef endilisimi. Amama ape' mofa'am minifela God mogwa'am.

1 Timoti 5:12

Dei' wakwaha basef bu'wami la'ifimi fowa' wa'iam waloma Krais. Wanda' waf anama aonai, na'ama ofagema awaumi.

1 Timoti 5:14

Amama atom dei' a'i nematawa awama alifiwai ata' awiawai nambimb oso' amam wapoti' ma ola awasi umafias ope ifagw awaumi atom. Ae' a'i awau ina onda' anom amamaga awami motagama esis naumbih ma si'i anom basef awami ma ape', owa'.

1 Timoti 5:9

I'i anowa nematawa wahupawa maga'i, awau ina onda' so'a waol, owa'. Ope andeande'ma enis epes sotolowa si'i wape andeande'. Onda' maol bu'unai ma umafi batawisawa, ose'as gwa'aimi epes wigiambama esis Kristen wambota Godi, umafi awasi awausi andeande' ope onda' maol hianai bu'unai naninani ofe' ofe' otagama afagof 60-peleim, andeande'. Nematawa wanda'am na'ama atowa ine' nenda' agof awaumi mil okwatiha nigiambamawa nese'awa gwa'aimi.

Jems 5:5

Nogota ipe' pape etap anae', pe ipe'inai bo'ona pefa' amamaga bu'wami endilisi pa' gwa'aimi hiami manda'epa pataga lu'ulu'upa. Ea' nemaf anama si'i saha mafis lu'wami anona nemaf notaga nehepa.

2 Pita 2:18

Amam amama matotopa' basef Godi ma'i ma'oh etina basef falafumi awami amamumi. Amam ma'ipa enis epesa waf ukup mohafemanai ma so'a waola waf naninani aonai alopunai. Amam manda' waf anama ea' mambomefa enis epes ata' dei'aol sataga sa'i sokwaha waf aonai epes isima sololama Godi sanda'anai ea' mambomefas saila amam.

Revelesen 18:3

Dei' main, fowa' esis wambel anama sa'ipa amam nematawa hiesi sasasapa'as sa' wain asasinai numbutinai. Wain anama basef womun etina waf hianai aonai so'a waolanai esis sandanai. Ea' amam dembemi king etapami hiami wapoti' manda' waf anama so'a waolanai maloma esis wambel anama. Ea' epes etapasi sanda' bisnis sofa' otamba hiami ma waf naninani aonai esis wambelisi sanda'anai.”

Revelesen 18:7

Nemata'w akwama kwafela agel akwa'unai atona kwanda' waf hianai naninani ma kope andeande'. Ea' ipe' pese'akw nimanimi hiami akwa'w mondahama aligah mase'akw. Ea' penda' akwa'w konda' kwelef etin. Akwa'w okom na'i na'ama kwa'i, ‘Ae' ataga ape kwin dembiwei. Ae' ina si'i alifiwei, owa'. Nimanimi ina nambimb motagame ma elef, owa'.’

Revelesen 18:9

Amam king etapami manda' waf so'a waolanai aonai maloma akwa'w ea' manda' waf hianai aonai maloma'w. Nambimb amam king amama miti akwa'w feando'wa nogoh lu'wami motaga'w ea' melef kwapete'.