1 Timoti 4:8 - Basef Buꞌwami Godi

⁸ Ine' negawa waf anama niwalipa alop si'ina nonda' maol alop neawi, amama la'ifim kwaikwaie' ma migiambamapa. Ea' ine' nelafa waf Godi, la'ifina endilisi ma nagiambamapa ma waf hianai bu'unai. I'i ine' nelafa waf Godi, anama la'ifina nagiambama ape' epes hiapai ma dei' mape etap nogota anae', ea' nigiambamapa owagama ilif heven wapoti'.

1 Timoti 4:8 Iomraidhean Croise

Matyu Nandaꞌafi 12:32

Emi egafis seanda' anom basef awami findiwama ae' ataga epen endilisiwei, nambimb God nokwahomasa awami amama asasimi. Ea' emi egafis sanda' basef findiwama Ambal Bu'unai Godi, anona nemaf God ina nokwahomasam, owa'. Findiwa aonai la'ela'ef nopais, dei' nogota anae' nefe' anona nemaf nogota nigi' neatagai wapoti' nope la'ela'ef hihif.

Matyu Nandaꞌafi 19:29

Ea' emi egafis ukup asasimi mopoma ae' sokwaha ifagw moloma sahin owan ahapas mamasas batawisas moloma aof amamaga maim asasimi, anona nemaf sofa' amamaga hiami endilisi mikila' asasimi fowa'imi. Ea' anona nemaf sofa' ambagof namumi sopan andeande' la'ela'ef hihif.

Matyu Nandaꞌafi 6:33

Ipe' ata' ukup mili' pegolopa waf bu'unai noloma piwis kingdom Ananinai pili', nese'epa amamaga amama ipe' wapoti'.

Luk Nandaꞌafi 5:38

Ea' wain dambainai sakolo'wana agwahup dambainai atona.

Basef Amama Pol Nandaꞌam Mafeꞌma Esis Romi 8:28

Maim amamaga ma'i meatagamapai, bu'wami awami hiami, God nanda'am manda' maol atom migiambama ape' epes ukup maimaila anani. Ape' epes nofalapa ea' ma monda' maol Ananinai mila okom Ananinai.

1 Korin 3:22

Pol naloma Apolos naloma Pita, amam ipe'imi atom. Etap anae' naloma ambal namunai naloma ga' naloma amamaga dei' mapani, anona nemaf migi' meatagai, amama hiami ipe'imi atom.

1 Korin 8:8

Ea' gwa'aimi amama ina mofa'apa mefe' felefe'ma God, owa'. I'i ape' mundaiwa'ma gwa'aimi amama, ape' ina nambimb mope awepa ma naep Godi, ea i'i mea' mafis amama, ape' ina nambimb motaga bu'upai mikila' fowa' mape, owa'. Ape' mape wafifipa ma mi'uli anama fowa'inai na'i gwa'aimi amama.

1 Timoti 4:7

Ea' esis amam nematawa sa'i numunefisa basef atom wafimi, newa' alafugamam. Ina manda'ena nelafa waf Godi andeande' negawam, owa'.

1 Timoti 6:3

Basef dembinai Jisas Kraisi mawalipapa andeande'ma waf Godi. I'i anona aman nokwaha basef amama ma nowalipa esisa anom basef owa' mefe' dende'ma basef amama bu'wami Jisasi, ape' mogawa aman anama na'i nosambala basef Godi. Anan ina nogowa andeande', owa'. Anan nomonas a'anai. Anan okom na'i basef nalomas sandahihianama. Sa'i basef amama, nafitap nalomasa basef amama ofagema. Basef amama atom mawalapa waf anama. Opalef aoma enis epes, sanda' findiwa ma sope ukup aom mopoma sahin owan.

1 Timoti 6:5

Epes isima sanda' na'ama, ukup asasimi mahaga magaol endilisi ea' ina sombale'efa basef bu'wami endilisimi, owa'. Ea' sa'i basef sapa'am sandahihianama saloma enis. Ea' sa'i, “Eaf anama Godi eaf sofa' otambanai.”

1 Timoti 6:6

Endilisi, emi egafis sila waf Godi ma esis ukup mopoma amamaga asasimi si'i, ea' ma'um dende'ma ape', opalef asasimi mape awanem mape andeande'.

2 Timoti 3:5

Epes isima saila waf Godi alop atona asasinai ande' atogon, ea' ukup asasimi nomon sandaiwa'ma God sowa' alafugaha pepel ananinai. Ine' nihi'ama epes isima.

Taitus 3:8

Basef amama endilisimi ma ape' hiapai mombale'efam. Ae' a'i newalapa basef amama ni'iam mehipa epes isima sombale'efa God ea'i ukup mopoma situ la'ifisa waf bu'unai. Basef amama ma Jisas Krais naloma God, amama bu'wami ma migiambama epes.

Hibrui 13:9

Ipe' pindumafuma andeande'. Na'ama anom basef hiami mamumami mufi'i momboma opalef ipe'imi ea' pekwaha eaf Godi. I'i ukup ape'imi la'ela'ef mopoma God nagiambamapa na'a, na'ama andeande'. Opalef ape'imi ina motaga la'ifima mila mi'uli epesi ma mea' gwa'aimi mamumami, owa'. Waf anama saila mi'uli anama ina nagiambama amam nematawa sailanai, owa'.

1 Jon 2:25

Krais na'ipapa basef endilisimi la'ifimi, Anan anona nemaf nose'apa ambal namunai mope andeande' la'ela'ef.

Revelesen 3:12

Emi egafis situ la'ifisa sili'amona wandafa waf aonai, anona nemaf Ae' enda'as situ la'ifis si'i olaf nombalo' ipat lu'unai Godi Ae'anai. Ea' epes isima ina sokwaha ipat anama lu'unai sotanima suwisi ande' wapoti', owa'. Sope andeande' nomon la'ela'ef. Anona nemaf enda' agel Ahalome Godi nila esis noloma agel wambel anama lu'unai God Ae'anai Jerusalem, wambel namunai bu'unai. Wambel anama anona nemaf nokwaha heven God Ae'anai napoma nisila'i. Ea' agel namunai Ae'anai wapoti' enda'ana nila esis.

Revelesen 3:21

Emi egafis situ la'ifisa sili'amona wandafa waf aonai, Ae' anona nemaf i'i aho'ma esis sope solome ma sope dembesi balata king Ae'anai. Na'ama etin si'i fowa' Ae' aitu la'ifiwi ali'amona wandafa waf aonai. Ea' dei' ape aloma Ahalome Ae'anai ape balata king Ananinai.