1 Timoti 4:3 - Basef Buꞌwami Godi

³ Nambimb muwalipasa basef amama ma esis sihi'ama waf sandaso'amainai sihi'ama anom gwa'aimi epes sagwa'ami. Gwa'aimi amama God atona nanda'ama ape' epes mombale'efana mogawa basef endilisimi. Amama ape' mofa'am minifela God mogwa'am.

1 Timoti 4:3 Iomraidhean Croise

Matyu Nandaꞌafi 14:19

Ea' na'ipa amam nematawa hiesi sape otalef bu'wami etap. Ea' nafela bret anama lagel wa'ana atona naloma agof naniga nati heven ilif nanifela God ea' nawalam naso' alupumi ananimi mafe' mase'as sa'am dende' alihis andeande'. Ea' alupumi ananimi matatama tu'wa'wanimi ma'ihi malo'wam holalef lu'wami 12-peleim si'im endilisi.

Matyu Nandaꞌafi 15:11

Amamaga gwa'aimi maim ande'ami ipe' pegwa'am mowala nomon, amama ina manda'epa awepa, owa'. Ea' amamaga mape ukup ipe'imi nomon mawisi ande', amama atom manda'epa awepa.”

Matyu Nandaꞌafi 15:36

nafela bret 7-peleim maloma agof amama nanifela God nawalom naso' alupumi ananimi ma mease'asam esis amam nematawa hiesi. Amam mase'as hi'alas dende'.

Luk Nandaꞌafi 24:30

Amam ma'i mea' gwa'aimi, anan nape nalomam nafela bret nanifela God nawalona nase'amana.

Jon Nandaꞌafi 6:23

Ea' anogw bogw wapoti' Taibiriasigwi mafi'i felefele'ma na'ama anan nape nanifela God sagwa gwa'aimi amama.

Aposel 27:35

Anan na'iam na'ama, nafela anona bret naep amamumi nanda' beten nanifela God, nawalona na'ana.

Basef Amama Pol Nandaꞌam Mafeꞌma Esis Romi 14:17

Waf anama sa' gwa'aimi embelanai, anama ina ofagena ma siowis wambota Godi numafias, owa'etin. Anama waf bu'unai naloma opalef awanemi maloma waf sandanifelamanai atona. Ambal Bu'unai Godi nase'apai waf anama.

Basef Amama Pol Nandaꞌam Mafeꞌma Esis Romi 14:3

Ea' epes isima sa' gwa'aimi mamumami, ina ukup aom mopoma epes isima owa' sea' mafisi, owa'. Ea' epes isima owa' sea' mafisi ina ukup aom mopoma epes isima sa' gwa'aimi mamumami sanda' waf aonai, owa'.

Basef Amama Pol Nandaꞌam Mafeꞌma Esis Romi 14:6

Emi egafis ukup mi'i anona nemaf bo'ona endilisi, esis ukup ma' i Dembinai dei' sanda'am na'ama. Ea' emi egafis sa' gwa'aimi mamumami, esis ukup ma'i Dembinai ea' sa'am. Dei' main, esis sanifela God sa'am. Ea' epes isima owa' sea' gwa'aimi mamumami hiami, ukup ma'i Dembinai, dei' sandaiwa'ma anom gwa'aimi. Isima wapoti' sanifela God.

1 Korin 6:13

Ea' enis epes sa'i, “Gwa'aimi amama, alopi atom ea' alop napoma nea' gwa'aimi atom.” Ea' amamaga amama biefim, alop naloma gwa'aimi, anona nemaf God nohambombagam atom hi'ilam. God ina nanda' alop ape'inai ma nonda' waf aonai so'a waolanai, owa'. Anan nanda'ana nonda' maol Ananinai atona bu'unai. Ea' Anan Dembinai ma alop ape'inai numafiana.

1 Korin 7:28

Ea' i'i ine' nefa' nemata'w, ina nanda' waf aonai, owa'. Ea' i'i nemata'w awiawai'wi kwoso' aman, akwa'w ina kwanda' waf aonai, owa'. Ea' amam nematawa sandaso'amai esis anona nemaf sofa' nimanimi lu'wami etap anae'. Andaiwa'ma nimanimi amama meatagamepa.

1 Korin 8:8

Ea' gwa'aimi amama ina mofa'apa mefe' felefe'ma God, owa'. I'i ape' mundaiwa'ma gwa'aimi amama, ape' ina nambimb mope awepa ma naep Godi, ea i'i mea' mafis amama, ape' ina nambimb motaga bu'upai mikila' fowa' mape, owa'. Ape' mape wafifipa ma mi'uli anama fowa'inai na'i gwa'aimi amama.

Kolosi 2:16

Na'ama dei' ipe' ina pi'i aho'ma anona aman nombaso'ma ipe' ni'ipipa anona mi'uli ma waf sa' gwa'aimi embel ma anona nemaf lu'unai sanda' lotuwanai o sanda' anom gwa'aimi ma aon dambainai notaga o nemaf sabat sapoma noma'wanai, owa'.

Kolosi 3:17

Maim amamaga ipe' nambimb pi'iama basef o penda' maol, anama ipe' penda'ama agel Jisasi. Ama agel ananinai ipe' pinifela God Ahalomapa.

1 Timoti 2:4

Anan na'i nofa'ai epes hiesi sotanimamai Anan sope andeande'ma sogawa basef endilisimi ofagema.

1 Timoti 4:4

Amamaga hiami God nanda'ami, bu'wami atom. Ape' minifelona, mofa'am, mogwa'am. Ina mokwahom, owa'.

1 Timoti 5:14

Amama atom dei' a'i nematawa awama alifiwai ata' awiawai nambimb oso' amam wapoti' ma ola awasi umafias ope ifagw awaumi atom. Ae' a'i awau ina onda' anom amamaga awami motagama esis naumbih ma si'i anom basef awami ma ape', owa'.

Hibrui 13:4

Ipe' amam nematawa pandase'ama ea'i, penda' waf anama notaga nope andeande'. Ipe' ina penda' waf aonai, owa'. Dei' main, ipe' pegawa anona nemaf God nogwamipei waf aonai ma amam nematawa sanda' waf so'a waulanai saloma amam nematawa isima sahambombaga waf sandaso'amainai.

Hibrui 13:9

Ipe' pindumafuma andeande'. Na'ama anom basef hiami mamumami mufi'i momboma opalef ipe'imi ea' pekwaha eaf Godi. I'i ukup ape'imi la'ela'ef mopoma God nagiambamapa na'a, na'ama andeande'. Opalef ape'imi ina motaga la'ifima mila mi'uli epesi ma mea' gwa'aimi mamumami, owa'. Waf anama saila mi'uli anama ina nagiambama amam nematawa sailanai, owa'.