1 Timoti 4:16 - Basef Buꞌwami Godi

¹⁶ Nindumafuma andeande'ma waf ine' nanda'anai, ma basef amama niwalipasami. La'ela'ef nenda'am na'ama la'ifina. I'i ine' nenda'am na'ama, nambimb God nigiambamena neloma esis seme' basef ine' na'ipasami sailam, nofa'epa petanimani pepe andeande'.

1 Timoti 4:16 Iomraidhean Croise

Mak Nandaꞌafi 13:9

Ipe' pindumafuma andeande'. Anona nemaf sonda' kotimipa ma gavman dambami asasimi. Ea' sehepa nomon ifagw esis Juda sa'i basef sapeimi. Ipe' pame' basef ae'ami paila ae'i amama atom dei' sondaiwa'mepa sonda'epa pitu naep kingi moloma gavman dambami ma peawalapa basef ae'ami bu'wami pi'ipasam.

Luk Nandaꞌafi 21:34

Ae' ataga epen endilisiwei. Ipe' pindumafuma andeande' nemaf anama ae' iefi'ianai. Na'ama penda' waf aonai penda' waf alop atonai, pea' embel la'ifimi hiami ukup motamea ma nimanimi mamumami etapami atom. I'i waf anama nose'elipa hi'ilipa, nemaf anama ae' iefi'ianai notagamepa mehip si'i sakwaha wambawa saha mafis.

Aposel 26:22

Na'ama God nagiambame afi'i afi'i ataga dei' aitu na'ae ea' awalapa basef a'ipa epes hiesi agof a'asi saloma ipe' agufipei wapoti'. Ae' ina ewalapa anom basef, owa'. Awalapa basef amama Godi atom fowa' amam profet maloma Moses ma'iami ma amamaga owagama meatagai.

Aposel 6:4

Ea' afa' opoma onda' beten etin ea' wi'ipasa basef Godi amam nematawa wigiambamas.”

Basef Amama Pol Nandaꞌam Mafeꞌma Esis Romi 11:14

Maol anama ae' okom na'iana endilisi ma efela esis Juda wambota ae'asi ma kowalasa ipe' dei' pape andeande' paloma God. Ama ae' efa' esis Juda tu'wanis etis sotanimani sifi'mai God.

Basef Amama Pol Nandaꞌam Mafeꞌma Esis Romi 16:17

Alupipei, ae' a'ipipa basef la'ifimi pindumafuma andeande' pepoma enis epes sanda' waf aonai sanda' ipe' Kristen pendawal biefipa sosambala basef amama ipe' pefa'ami. Waf anama esis sanda' epes hiesi sanda' waf aonai. Ipe' pese'as alafugah epes isima.

Basef Amama Pol Nandaꞌam Mafeꞌma Esis Romi 2:7

Enis epes sape la'ifis la'ela'efa waf bu'unai sagolopa eafa sofa' agof lu'wami, siti nafifili ma sope andeande' la'ela'ef. Epes isima God anona nemaf nonda'as sope andeande' la'ela'ef.

1 Korin 1:21

Dei' main, God Anan gawainai na'i epes etapasi ina la'ifisa sogawa Anan ma gawa anama asasinai atona, owa'. God nahopa eaf asasinai. Ea' anan okom na'i nofa'ai amam nematawa sombale'efanai sotanimani. Esis sombale'efa basef amama wa'ipasami epes etapasi sa'i wafimi gawa a'ami. Esis sembale'efa basef amama ea' God nefa'as sotanimani.

1 Korin 9:22

Ama naep epes isima ina la'ifisi, ataga si'i esis ama efa'ai epes ina la'ifisi. Ae' ataga si'i efa' waf epes hiesi endondomba iaguf hiami ma efa' enis epes sotanimani.

1 Korin 9:27

Ae' la'ifiwi aha alop ae'anai nataga la'ifina nape owina okom ae'anai. Na'ama ewalapa basef bu'wami ma enis epes, ea' owagama ae' ina efa' amamaga bu'wami, owa'.

Efesus 4:14

I'i ape' motaga na'ama, ape' ina ata' mape mundati si'i awasi gawa a'asi wapoti', owa'. I'i epes isima sogawa endilisi sakikipapa ma waf baso'maimi si'ipapa basef hiami mamumami, amama ina mamboma ukup ape'imi mape si'i naoh makoto'ma kanu. Amama ina makoto'mapa manda'apa si'i uf nafapusapa mafe' mafi'i, owa'.

Kolosi 4:17

Ea' ipe' pi'ipago Arkipus na'ama pi'i, “Ine' nimafi maol anama nefa'ana ma Dembinai andeande' nimbefana.”

1 Tesalonaika 2:16

Ea' sasopama eafa afa' i'ipasa basef Godi esis sololama Anani ma nofa'as sotanimani sope andeande'. Esis Juda sanda'as na'ama dei' sowatani waf aonai asasinai la'ela'ef nataga lu'una endilisi. Fowa' God natilis na'a ea' dei' okom wandafunai Ananinai nafi'i natagamas nemaf akutainai nonda'as awes higilalas.

1 Timoti 1:3

Fowa' ae' afo'o etap hiagoma Masedonia ma a'ipina dei' na'ama etin a'ipina wapoti'. Ine' ata' nepe la'ela'ef na'ama Efesusa ni'ipa anom amam mehipa ina mi'ipasa anom basef baso'maimi, owa'. Mi'ipasa basef Godi atom.

1 Timoti 4:15

La'ela'ef ine' nimafi maol anama la'ifina nepomana. Ama epes hiesi siti waf ine' nanda'anai netaga bo'ona.

1 Timoti 4:6

I'i ine' ni'ipasa basef amama esis Kristen alupusi, nambimb nepe epen bu'unai nonda' maol Krais Jisasi. Ea' nefa' pepel lu'unai ma basef mefela bale'ef ine'inai ma gawa bu'unai.

2 Timoti 2:10

Ea' anda' okom ae'anai nataga la'ifina ma aitu la'ifiwi la'ela'ef igiambama epes isima God nosahe'as ea' Ananisi. Ae' a'i God nigiambama esisa nofa'as sotanimani ma Krais Jisas soloma howalagon pepel nape la'ela'efi.

2 Timoti 3:14

Ea' ine' nembale'efa basef amama Godi nefa'am la'ifina. Ine' negawa amam nematawa isima fowa' sawalipina basef na'ama.

2 Timoti 4:2

ine' ni'ipasa basef Godi la'ela'ef. Nemaf anama esis sondandombam ma some' basef, ni'ipasam. Ea' maina nemaf esis sandaiwa' ma some'am, ni'ipasam etin. Ni'ipasam ma mohagofa basef amama baso'maimi. Ni'ipasa basef la'ifimi ma sokwaha waf aonai esis sanda'anai. Ea' nefela ukup asasimi nenda'as sotaga la'ifisa bale'ef, niwalipasa waf aonai nenda'as so'uso'umbemas. Niwalipasa basef amama si'i okom Godi na'iami.

Taitus 1:9

Anan nombale'efa basef amama bu'wami ape' mawalipasami andeande'. Ea' anan la'ifinama ni'ipa enis epes nefela ukup asasimi ma nonda'as sataga la'ifisa basef amama bu'wami. Ea' la'ifinama ni'ipa isima sosambala basef bu'wami ma someme'ma basef asasimi ina endilisimi, owa'.

Taitus 2:15

La'ela'ef ine' ni'ipasa basef amama. Ea' nenda' epes sataga la'ifisa sila basef amama ni'ipasa basef la'ifimi si'i anona dembinai agel lu'unai. Ea' nesambala waf aonai esis sanda'anai. Ae' andaiwa'ma enin epen ni'i ine' aman falafinai, owa'.

Taitus 2:7

Ine' etina nenda' waf bu'unai atona amam mutilina ma milina monda' waf hianai bu'unai. Opeh amama niwalipa epes, ine' owa' ni'iam moloma basef awami, owa'. Ni'ipas basef bu'wami endilisimi atom. Okom ine'inai nopoma waf bu'unai atona nenda' opeh amama niwalipas la'ela'ef.

Filemon 1:19

Dei' ae' Pol ahapila pen lagel ae'anai atona anda' basef amama bandami atom, ae' nambimb egwamena wiaf anama. Endilisi ine' wapoti' nape si'i newaola anona wiafa ae'. Wiaf anama ina si'i otamba maim, owa'. Anama ambal ine'inai atona. Dei' main, fowa' a'ipina basef bu'wami nembale'efa God nefa' ambal namunai nape andeande'.

Hibrui 12:15

Ipe' pindumafuma andeande'. Na'ama enin alupini ipe'ini newa ma waf aonai nelolama God nigiambaman etina nefa'an netanimani nepe andeande'. Na'ama enin alupini ipe'ini nenda' waf aonai si'i lawag aonai nail nola gwa'aimi awami, ea' nese'epa nimanimi ipe' nenda' ipe' hipei petaga awepa ma naep Godi.

Hibrui 13:9

Ipe' pindumafuma andeande'. Na'ama anom basef hiami mamumami mufi'i momboma opalef ipe'imi ea' pekwaha eaf Godi. I'i ukup ape'imi la'ela'ef mopoma God nagiambamapa na'a, na'ama andeande'. Opalef ape'imi ina motaga la'ifima mila mi'uli epesi ma mea' gwa'aimi mamumami, owa'. Waf anama saila mi'uli anama ina nagiambama amam nematawa sailanai, owa'.

Jems 5:20

Emi egafis sagiambama epen nanda' waf aonai ma nekwaha waf enin nanda'anai nitanimani, epes isima sagiambamani sefa'an natanimani nakwaha neaga'. Amama atom God dei' nakwaha waf aonai hianai enin nanda'anai.