1 Timoti 4:12 - Basef Buꞌwami Godi

¹² Esis sati ine' ukup ma'i, ine' ata' awomina, ea' ina ni'i aho'ma si'i ine' aman falafinai, owa'. Ine' nepe si'i ikwaf bu'unai ma esis Kristen sila waf bu'unai ine' nanda'anai ma fe' pe ki bale'ef ine'inai, noloma waf anama okom na'ina'ianai noloma waf bu'unai.

1 Timoti 4:12 Iomraidhean Croise

Matyu Nandaꞌafi 18:10

Ipe' pindumafuma! Na'ama pi'i enin epen atitin sa'wini pi'i inima enin falafini, owa'. Dei' main, amam ensel asasimi mape heveni mumafi awasi isima andeande'. Ensel amama la'ela'ef mape felefele'ma Ahalome God nape heveni. [

1 Korin 11:1

Ipe' okokoma waf ae'anai pila ae' si'i ae' okokoma waf Kraisi ailana.

Filipai 4:8

Alupipei, dei' ae' a'i enda' basef akutaimi ma ipe'. A'i ipe' ukup mopoma anona waf na'ama. Maim amamaga endilisimi, bu'wami moloma amamaga bu'wami dende' ma epes sanifelami, moloma amamaga bu'wami hiami si'i amama, ipe' ukup mopoma amama.

1 Tesalonaika 1:6

Amama atom dei' pegawam paila Dembinai. Amamaga nimanimi matagamepa, ea' pefa' basef Godi, Ambal Bu'unai Godi nafela opalef ipe'imi pandanifel.

1 Tesalonaika 2:10

Ipe' patolom pegawam ea' God wapoti' natolom nogawam ea' waf wanda'ana ipe' pembale'efa Krais. Waf anama afa'inai bu'unai, ina aona, owa'.

1 Timoti 1:14

Dembinai ape'inai nagiambame na'a nanda'e ataga la'ifiwi dei' embale'efana okom nainailana.

2 Timoti 2:15

Ine' nenda' maol Godi la'ifina netaga aman nanda' maol endilisi, ma ambal ine'inai ina aona ma maol anama, owa'. Nenda'ana na'ama ma God okom bo'ona ma ine' ma ni'i basef Ananimi bo'om endilisi.

2 Timoti 2:22

La'ela'ef ine' nendafa'ma ukup amama awasimi mataga ma amam amama awomimi. Nenda' maol bu'unai la'ifina nembale'efa God nila waf bu'unai neloma okom nainaila enis epesanai. Ea' nila waf opaf awaninai, neloma epes isima opalef mape bo'om andeande' sofala Dembinai.

2 Timoti 2:7

Ine' okokoma basef amama a'iami. Nambimb Dembinai nomboma okom ine'inai, ea' negawa basef amama hiami ofagema.

Taitus 2:15

La'ela'ef ine' ni'ipasa basef amama. Ea' nenda' epes sataga la'ifisa sila basef amama ni'ipasa basef la'ifimi si'i anona dembinai agel lu'unai. Ea' nesambala waf aonai esis sanda'anai. Ae' andaiwa'ma enin epen ni'i ine' aman falafinai, owa'.

Taitus 2:7

Ine' etina nenda' waf bu'unai atona amam mutilina ma milina monda' waf hianai bu'unai. Opeh amama niwalipa epes, ine' owa' ni'iam moloma basef awami, owa'. Ni'ipas basef bu'wami endilisimi atom. Okom ine'inai nopoma waf bu'unai atona nenda' opeh amama niwalipas la'ela'ef.

Jems 3:13

Ipe' emi egafipa gawa bu'unai hianai napaipei, ipe' pepe na'ama. Fe' ipe'inai nihi'ambas gawa ipe'inai enis epesa penda' waf bu'unai noloma maol bu'unai. Maol anama ipe' panda'anai pepe owina epes pila waf gawa bu'unainai.

Jems 3:17

Ea' gawa nafi'i heveni nawalapa waf bu'unai na'ama. Waf nape nali'i, ukup epesi mope bo'om andeande'. Ea' waf bu'unai hianai wapoti' na'ama. Epes sape opalef awanema opalef etifim maloma enis epes. Ea' sanda' waf so'uso'umbilinai sati uwahipis endilisi ea' sanda' waf bu'unai ma sagiambama enis epes. Esis ina malogof biam sa'i anom basef, owa'. Sa'i basef endilisimi atom. Esis ina sanda' waf biefina sanifela enis sosambala enis, owa'. Esis ukup ma'i epes hiesi na'ama etin.

1 Pita 5:3

Ipe' owa' pepe si'i epes sofa' agof lu'wami ma pepe dembipei pi'ipas basef la'ifimi esis amam nematawa isima Godi ipe' pimafiasi, owa'. Ipe' pepe andeande'ma esis sitilipa sila waf ipe' panda'anai.