1 Timoti 3:7 - Basef Buꞌwami Godi

⁷ Aman agel bu'unai ma amam nematawa sololama Godi, aman anama notaga nope numafi sios. I'i anan owa' agel bu'unai, anan ambal aona ea' nofe' nuwis esag anama Satani nofa'ana.

1 Timoti 3:7 Iomraidhean Croise

Mak Nandaꞌafi 4:11

Ea' nagwamama basef na'i, “God nihi'ambepa basef ofagema mape mandambahi'i ma epes siowis wambota Ananinai numafias. Dei' God nihi'ambepa basef amama ofagema alihim. Ipe' pame'am pegawam ea'. Esis isima sololama Godi owa'. Esis same' basef womun etin.

Aposel 10:22

Ea' ma'ipana ma'i, “Kornilius anan kepten dembinai numafi soldia 100-peleim hiami, nasapa'afa wafi'i. Anan aman nanda' waf bu'unai nanda' lotuma Godi. Esis Juda hiesi sa'i, ‘Anan aman bu'unai.’ Anona ensel Godi na'ipana ma nofalena nefe' ipat ananinai, ma ata' nome' anom basef ine'imi.”

Aposel 22:12

Anona aman nape Damaskus agilinama Ananaias. Aman anama naila mi'uli Godi andeande'. Amam nematawa Juda sape Damaskus sa'i anan aman bu'unai.

Aposel 6:3

Ipe' Kristen alupipei, ipe' ata' pendandepa anom amam 7-peleim la'afena ipe' mape andeande'ma naep esis amam nematawai, Ambal Bu'unai Godi nape napaim si'inama amam nomonas bu'wami mapaimi. Ama afa' onda'am mopoma mumafi maol anama.

1 Korin 10:32

Ipe' ukup mopoma epes hiesi, esis Juda soloma esis owa' Judaisi, soloma amam nematawa isima Godi. Ea' ipe' ina penda' anona waf nonda' esis sowa ma waf aonai, owa'.

1 Korin 5:12

Maol sowaloga epes sape ande'ma siosi ina maol ae'anai, owa'. God atona anona nemaf nowaloga waf epes isima. Ea' maol sowaloga epes sape nomoni, amama maol ipe'inai, ipe' penda'ana. “Ipe' galo'manago aman aonai nape la'afena ipe' nanda' waf aonai.”

2 Korin 6:3

Afa' wandaiwa'ma epes si'ipafa basef awami ma maol Godi afa' wanda'anai. Amama atom dei' wandaiwa'ma onda' anom amamaga ma waf aonai monda' enis sondasisi'ip sowa, owa'.

2 Korin 8:21

Afa' ukup ma'i onda' waf bu'unai atona ma epes hiesi. Ina naep Dembinai atom, owa'. Naep epesi wapoti'.

Kolosi 4:5

Esis sape ande'ma Kraisi, ipe' ukup mope andeande'ma fe' pe ki ipe'inai. Maim nimeguf eaf nogal ipe' pi'ipasa basef Kraisi, pi'ipasam.

1 Tesalonaika 4:12

Penda'am na'ama ma pefe' andeande' naep esis isima owa' ata' somboma opalef sotaga Kristen. Ea' penda'am na'ama ma ina kwahupa anom amamaga, owa'.

1 Tesalonaika 5:22

Ea' pindihi'ama amamaga awami mamumami hiami.

1 Timoti 3:6

Aman anama nataga Kristen dambanai ina nope dembinai numafi sios, owa'. Na'ama nosambala basef Godi nogalo'mana si'i nagalo'ma aman aonai Satan.

1 Timoti 5:14

Amama atom dei' a'i nematawa awama alifiwai ata' awiawai nambimb oso' amam wapoti' ma ola awasi umafias ope ifagw awaumi atom. Ae' a'i awau ina onda' anom amamaga awami motagama esis naumbih ma si'i anom basef awami ma ape', owa'.

1 Timoti 6:9

Ea' epes ukup ma'i sofa' otamba maim hiami, esis anona nemaf amama meagwambipai motagamas sowa ma sonda' waf aonai, si'i huguf sandowam sambaho'wam mapoma mafis ma mofe' mowala mope seaham. Ea' nambimb ukup mamumami awami motagamasa amamaga awami monda' esisa ukup mose'as hegililas owa'etin.

2 Timoti 2:26

Fowa' Satan naolo'as isag ananinai ma saila basef ananimi. I'i esis sogawa basef amama endilisimi, nambimb ukup asasimi motaga alihim wapoti' ma sokwaha isag anama Satani sifi'mai God.

Taitus 2:5

Ea' awau umafi nomonas awaumi andeande'ma ope bo'owa andeande' endilisi. Ea' umafi ifagw awaumi andeande' ma wigiambama amam moloma awasi awausi. Awau ope owina amam wahupawa awaumi. Awau onda' waf anama hianai bu'unai hi'ilana epes ina siti anona waf aonai awaunai ea' sonda' basef Godi findiwam, owa'.

Taitus 2:8

Ine' ni'i basef bu'wami atoma enis epes ina siti anona waf aonai ma opeh amama nanda'ami, owa'. Ama esis naumbih nambimb sofa' ambagof awami. Dei' main, esis ina siti anona waf aonai ma afa' ma si'i anom basef awami, owa'.

3 Jon 1:12

Epes hiesi safela agel Demitriusi. Waf ananinai endilisinai nihi'ambapa anan aman bu'unai. Ae' wapoti' a'i anan bu'unai ea' ine' negawa basef ae'ami endilisimi.