1 Timoti 3:3 - Basef Buꞌwami Godi

³ Ina nea' embel laifimi hiami, owa'. Ina okom wandafuna mehip, owa'. Nonda' epes sa'osa'ombemas. Ina nohas etin, owa'. Ina okom ni'ini'i ma otamba.

1 Timoti 3:3 Iomraidhean Croise

Matyu Nandaꞌafi 21:13

Ea' na'ipas na'i, “Basef mape Baibeli God na'i, ‘Ipat ae'anai nondapoma epes hiesi sifi'i sopaina sonda' beten sohali' Ae. Ea' ipe' panda'ana nataga si'i ipat sanda' walanai.’ ”

Aposel 20:33

Ae' ina kowalema otamba siliwa gol luwaguf maim enin epeni, owa'.

Basef Amama Pol Nandaꞌam Mafeꞌma Esis Romi 16:18

Esis ina sanda' maola Dembinai ape'inai Kraisi, owa'etin. Saila ukupa alop asasinai atona. Sanda' basef atom usiusihimi ma sambaso'ma opalef sa'ipa epes isima owa' sogawa andeande' waf aonai o bu'unai.

Efesus 5:18

Ea' ipe' ina pea' embel la'ifimi pehaga pegaol, owa'. Waf anama nahambombaga ipe'. Ipe' aho'ma Ambal Bu'unai Godi nopaipa si'ipa.

1 Tesalonaika 5:14

Ipe' Kristen alupipei afa'ipei, afa' wa'ipipago mehip wafela ukup ipe'imi ma pigiambamago isima ala'uta nasi la'ifipa pi'ipasa sokwahago waf ala'uta nasanai. Ea' enis ambagof mondolele'asi ma owa' si'i anom basefi, ipe' penda'as sotaga la'ifis sie'i basef. Ea' penda' esis enis owa' seambale'efana la'ifisi sotaga la'ifis. Penda' waf so'umbilinai ma esis hiesi.

1 Timoti 3:8

Ea' na'ama etina amam amama magiambama agufumi siosi, amam ukup mope andeande'ma maol amamunai. Amam ina mi'i malogof biam, owa'. Ina mea' embel la'ifimi hiami endilisi mohaga mogaol, owa'. Ea' ina mombaso'mas molomas mofa' otamba enis epesi, owa'.

2 Timoti 3:2

Nimeguf amama epes ukup mopoma esis etis, ea' ukup mimila otamba atom, sefela agof asasimi atom, sototopa' basef, sonda' epes findiwasa God. Ea' sosambala basef mamasasi ahapas asasisi. Esis ina sinifela Goda waf bu'unai, owa'. Sosambala waf bu'unai.

Taitus 1:11

Esis sandandam na'ama, esis sa'i sombaso'mas sofa'asa otamba moni maim enis epesi. Ea' sawalipa enisa waf anama ape' Kristen mandaiwa'manai. Esis sanda' waf anama atona dei' sahambombaga wambotagw epes hiesi. Ea' ine' nesopama malogof asasimi isima sanda'am na'ama.

Taitus 1:7

Ine' negawa agufumi mumafi esis Kristeni, amam mumafi opeh Godi. Ea' amam amama fe' pe amamunai andeande'ma anona nemaf esis amam nematawa ina siti anona waf aonai amam manda'anai, owa'. Anona aman ama amam agufumi, anan ina nonda' waf aonai, o okom wandafuna mehip, owa'. Anan ina nea' embel nohaga nogaol nohas etin, owa'. Anan ina okom nohafel ni'ini'i endilisi ma nonda' waf aonai ma nofa' otamba, owa'.

Taitus 2:3

Ea' awau nematawa hagiwai wapoti' ope andeande'. Awau owa' ohas wi'ipas enis epes, owa'. Awau owa' wea' embel hiami ohaga ogaol. Awau ope si'i tisa nawalipasa waf bu'unai.

Taitus 3:2

Esis owa' sonda' enin epen findiwan ma basef awami. Esis ina sifitap, owa'. Sope opalef awanem. Esis la'ela'ef sope sonda' waf so'uso'umbilinai ma epes hiesi.

Hibrui 13:5

Ipe' ina pila waf aonai anama ukup mohafel endilisi ma otamba, owa'. Amamaga ipe' pahapilami, amama ipe' ukup mopomam na'ama mi'i, “Amama andeande'. Amama nambimb dende'ma ape'.” Dei' main, God na'iam na'i, “Ae' ina anona nemaf okom nose'e ipe' ewa'epa alafuga, owa'.”

Jems 4:1

Maina waf ofagena ma nanda' ipe' panda' lopa' fitap pape la'afena ipe'? Ukup awami atom mafela ipe' dei' panda' lopa' fitap la'ela'ef opalef nomon, alop ande' wapoti'. Ea' amama atom.

1 Pita 5:2

ipe' pimafi amam nematawa God nasi'ipasi andeande' si'i amam mumafi sipsipi mumafiam. Ipe' ukup mohafel endilisi ma pimafias si'i okom Godi na'i penda'am. Ipe' penda' maol ananinai andeande', ina penda'ana ukup mopoma pefa' otamba atom, owa'. Opalef ipe'imi mohafel endilisi ma penda' maol Godi.

2 Pita 2:3

Amam amama kowalami endilisi, amama atom nambimb monda' basef baso'maimi ukup amamumi atom ma'iami ma mofa' otamba maim ipe'imi. Fowa' gani God nogawa nandandepa anona nemaf mapomam ma nowaloga amam mofe' wambel aonai hel. God nandondomba anom amamaga mohamboga amam endilisi ata' mape la'ela'ef mohafa amam. Ina ma'oh, owa'.

Basef Ifimba Jut Nandaꞌafi 1:11

Endilisi, nimanimi lu'wami anona nemaf motagamam. Amam mefa' waf aonai fowa' Kein nanda'anai. Ukup amamumi mohafel endilisi ma mofa' otamba atom. Ea' dei' maso' alop amamunai nafe' hi'alana manda' waf aonai si'i fowa' aman anama Balam nanda'anai. Ea' masombala basef Godi si'i fowa' aman anama Kora nanda'am. Amam manda' waf anama, dei' aom higilalam si'i fowa' Kora higilalona.

Revelesen 1:9

Ae' Jon sahalomepa ipe'iwei. Ae' alomepa, ape' hiapai Jisasi atepa mape la'ifipa malomana. Ae' alomepa mandao'oma mofa' nimanimi ma muwis wambota Godi numafiapa. Ape' mape la'ifipa maloma Jisas ea' ape alomepa mandao'oma ape' hiapai mape so'umbel mape maitu la'ifipa na'ama etina mofa' nimanimi. Ae' awalapa basef Godi maloma basef endilisimi ma opeh Jisas nanda'ami. Amama atom dei' esis sandaiwa'me sagalo'me afi'i ape ailan agiliguma sa'i Patmos.