1 Timoti 3:16 - Basef Buꞌwami Godi

¹⁶ Endilisi, basef amama ofagema lu'wami endilisi. Mandambaho' mape mafe' mafe' dei' God nihi'ambafam alihim. Basef amama na'ama. Anan nataga epen endilisinai nofa' alop epesi nataga nandawalap. Ambal Bu'unai Godi nihi'ambapa ma anan aman bu'unai nape andeande'. Amam ensel Godi matolona. Basef ananimi sa'ipasam mafe'ma kantri naninani hianai amam nematawa hiesi sololama Godi sembale'efana. Ea' God nofa'ana nalata heven nape nafifili ananinai.

1 Timoti 3:16 Iomraidhean Croise

Matyu Nandaꞌafi 1:23

“Owagama ano'w nemata'w awiawai'wi owa' kwease' amani opafu'w. Ea' kola enin awani aman agel ananinai Emanuel.” Agel anama ofagena na'iam na'ama na'i, “God nape naloma ape'.”

Matyu Nandaꞌafi 13:11

Ea' nagwamama basef na'i, “God nihi'ambepa basef ofagema mape mandambahi'i ma ipe' piowis kingdom heveni. Ea' epes isima, owa'etin.

Matyu Nandaꞌafi 28:2

Ea' sowambon lu'unai nasol mehip. Ea' anona ensel Dembinai nisila'i gani heven, nafe' hi'agif nelefata owap anama nowalo uta nafe' na'oh wa'ol ea' natomana.

Matyu Nandaꞌafi 3:16

Jisas nofa' baptais nakwaha embel walemb nandagiai etin, heven nandausi' ma anan, ea' nati Ambal Bu'unai Godi nafi'mai anan, si'i amil mai'una nufia' nisila'manai.

Matyu Nandaꞌafi 4:11

Ea' Satan nakwahona nafe', dei' ensel Godi mafi'i magiambama Jisas mumafiana.

Mak Nandaꞌafi 16:19

Dembinai Jisas nawalipas na'ipas ea', God nofa'ana nalata heven. Ea' nofa' agel lu'unai nape lagel da'isinai Godi.

Mak Nandaꞌafi 16:5

Awau wawis hi'agif nomon, wati anona aman sa'unai tol nape uta wa'ol lagel da'isinaima. Nala anona lowaf launai afitinai. Na'ama awau gegelalasowa kwapete'awa umbamahawa.

Luk Nandaꞌafi 2:32

So'uso'win inima si'i anona howalagon howalama epes isima sololama Godi nihi'ambas. Ama nonda' amam nematawa ine'isi Israel sofa' agof lu'wami.”

Luk Nandaꞌafi 20:44

Devit fowa' gani nofala Krais na'i anan Dembinai. Amama atom Krais ina aman atona falafunai, owa'. Anan Dembinai. Dei' maina Devit nofala Krais akunamana ananinai?”

Luk Nandaꞌafi 22:43

Ea' anona ensel nafi'i heven ilif nase'ana pepel.

Luk Nandaꞌafi 24:4

Ea' awau ukup matamea mafe'ma amama. Ea' mehip wati anom amam biam mataga felefele'ma awou. Luwaguf amamumi membal endilisi.

Luk Nandaꞌafi 24:51

Anan ata' nofalo'mas etin, God nagiana nakwaha esis nalata heven ilif.

Jon Nandaꞌafi 1:14

Basef mataga epen ea' anan nape la'afena ape', ea' wati howalagon pepel Ananinai. Howalagon anama pepel Nogalomana atona, Ahalomana nasapa'ana nafi'i. Ape' mati amama nagiambamapa etin nanda'apa la'ifipa ma nihi'ambapa waf endilisinai nape si'ina ma anan.

Jon Nandaꞌafi 13:3

Ea' Jisas nogawa Ahalomana nanda' anan la'ifina ma numafi amamaga hiami. Ea' nogawa anan nape naloma God nafi'i ea' nambimb notanima nefe'mana wapoti'.

Jon Nandaꞌafi 15:26

Ea' Anan nigiambamepa nonda'epa la'ifipa, Anan napani naloma Ahalome nambimb nifi'i. Ea' Ae' nambimb esapa'ana nifi'mai ipe'. Anan Ambal Bu'unai Godi nawalapa basef endilisimi. Nemaf anama Ae' esapa'ana nifi'mipei, nowalapa basefa ae'ami.

Jon Nandaꞌafi 16:28

Fowa' gani ae' ape aloma Ahalome ea' akwahona afi'i etap anae'. Dei' ae' a'i ekwaha etap anae' etanima efe'ma anan.”

Jon Nandaꞌafi 17:5

Ahalome, fowa' etap anae' owa' ata' notagai ae' ape alomena efa' agel lu'unai. Dei' ine' nese'e agel anama lu'unai si'i fowa'.

Jon Nandaꞌafi 20:12

kwati ensel biam mala luwaguf afitimi mape anama do'ok alop Jisasi na'oma. Amam biam anona nape balaga Jisasi nafe'ma, anona bo'wagah mafe'ma.

Jon Nandaꞌafi 6:62

I'i ipe' piti ae' ataga epen endilisiwei etanima ilata ilif fowa' apanima, nambimb ipe' gegelalasipa kwapete'epa.

Aposel 1:19

Ea' epes hiesi sape Jerusalem sogawa amama. Ea' diga asasinai sofala anama agiliguma sa'i Akeldama. Ape' ma'i etap anama esimbel kolo'alami ma'oma.”

Aposel 10:34

Ea' Pita na'iam na'i, “Endilisi, dei' ae' egawa okom Godi anan ina okom na'i wambota epes hiesi Judai etis, owa'.

Aposel 14:27

Amam mataga Antiok mofala esis mowa'anias sandakolas etifigin ma'ipasa basefa maol Dembinai nape nalomam nagiambamam manda'anai. Ea' ma'i, “God nanda' eaf nagala esis amam nematawa hiesi enis owa' Judaisi ma sombale'efa Krais.”

Aposel 20:28

Ipe' pimafi ipe' andeande' ea' pimafi esis amam nematawa isima Ambal Bu'unai Godi nandandepepa ea' ma pimafiasi. Ipe' pindumafuma andeande' ma pimafi esis Kristen sios Godi andeande' si'i sanda' maoli sumafi sipsip andeande'. God natala esis Kristen ea' ma esimbel ananimi atom.

Basef Amama Pol Nandaꞌam Mafeꞌma Esis Romi 10:12

Esis Juda saloma isima owa' Judaisi ea' na'ama etin, God Anan Dembinai atotona ape' hiapai. Ea' anan nagiambamapa nase'apa waf bu'unai etina emi egafis sofalona,

Basef Amama Pol Nandaꞌam Mafeꞌma Esis Romi 10:18

Ea' ae' a'iam na'ama. A'i esis ina same' basef amama bu'wami? Owa'etin. Esis same'am ea', si'i Baibel na'i, “Basef mafe' mandahama wambel hiagoma mafe'agon hi'alagon.”

Basef Amama Pol Nandaꞌam Mafeꞌma Esis Romi 16:25

Ape' mefela agel Godi lu'una. Anan la'ifinai ma nonda'epa petaga la'ifipa ma basef bu'wami ananimi awalapami, amama basef bu'wami ma'i Jisas Krais. Basef amama fowa' nimeguf hiami ata' mape mandambaho', ea' dei' mataga alihima basef amama fowa' amam profet manda'ami afa' wawalapam alihim. God nape namunai la'ela'ef na'i basef la'ifimi ma basef amama bu'wami dei' mataga mandawalap alihima epes hiesi etap anama hiagoma ma esis hiesi sembale'efana.

Basef Amama Pol Nandaꞌam Mafeꞌma Esis Romi 3:4

Owa'etin. Ape' mi'i basef mi'i, epes hiesi sambaso'ami, ea' God atona na'i basef endilisimi la'ela'ef nanda' maol andeande' si'i Baibel na'iam, “Amam nematawa hiesi seme' basef ine'imi si'i endilisimi atom. Nemaf anama enis epes si'i sonda'mena basef, ine' nikila'as.”

Basef Amama Pol Nandaꞌam Mafeꞌma Esis Romi 8:3

Maol anama mi'uli anama God fowa' naso' Mosesanai owa' la'ifina nonda'ana, God nanda'ana. Dei' main, opalef ape' epesi ina la'ifim. Dei' God nanda' maol anama na'ama. Nasapa'i Nogalomana Ananinai atona nafi'i nataga si'i ape' epes manda' waf aonai. Ama nokwahomapa waf aonai hi'alana. Anan nafi'i ma nokwaha waf aonai ape' epesi noloma nimanimi ma waf anama ea' God nase'anam mapoma anan atona. God nanda'am na'ama dei' nanda' basefa waf aonai ape' manda'anai.

Basef Amama Pol Nandaꞌam Mafeꞌma Esis Romi 9:5

Bafapapa akupapa ape'imi dambami mali'i amama ape'imi atom. Ea' esimbel ape'imi atom, Krais nataga epen, anan God nandandepana nasapa'ana nafi'i, nape nali'ma epes saloma amamaga hiami numafiam. Anan God endilisinai ea' mefela agel ananinai la'ela'ef. Endilisi.

1 Korin 15:47

Aman nali'i, God nanda' etap nanda'ana nataga ambal napaina. Ea' aman nagi' natagai, Anan aman ilifanai.

1 Korin 2:7

Basef gawaimi ae' awalipasami, awalipasa basefa gawa Godi atona. Gawa anama fowa' nape nandambaho'ma epes, fowa' gani God ata' owa' nonda' etap anae' Anan nandandepa gawa anama ma ape' mofa' nafifili Ananinai.

2 Korin 1:19

Nogalomana Godi Jisas Krais, ae' aloma Sailas waloma Timoti wawalapa basef ananimi, anan ina na'i na'ama na'i, “A'e” naloma “Owa'” atom, owa'. Krais na'i a'e etin.

Galesia 2:8

God nandandepa Pita nanda'ana nataga la'ifina ma nanda' maol aposel nawalapa basef Godi ma esis Juda. Ea' na'ama etina God nandandepe nanda'e la'ifiwi ma enda' maol aposel awalipasa basef ananimi isima owa' Judaisi.

Galesia 4:4

Ea' nogota anama God na'ianai nataga, anan nasapa' Nogalomana ananinai nafi'i etap anae'. Ano'w nemata'w kolana nataga epen nape owina mi'uli esis Juda sailanai.

Efesus 1:9

Okom ananinai atona na'i nigiambamapa ea' nihi'ambapa basef ananimi mali' mandambaho' mape okom Ananinai atona. Basef amama mape na'ama. Anan nali' okom na'i Krais nope Dembinai ma amamaga hiami mape ilif etapi hi'ilam maloma epes wapoti'. Nogota anama anan atona okom na'ianai notaga, God nose'ana amamaga amama mofe' lagel Kraisi atona ma Anan atona nope Dembinai ma amamaga amama hi'ilam maloma epes wapoti'.

Efesus 6:19

Ea' penda' betena ae' wapoti' ma maina nemaf i'ipasa basef Godi nigiambama malogel ae'anai ma basef ewalipasami. Ama ina umbamahe ewalipasa basef amama bu'wami Godi fowa' mape mandambahi'i.

Kolosi 1:23

Ea' ipe' pembale'efa basef bu'wami Godi la'ifipa la'ela'ef ma pitu la'ifipa endilisi si'i olaf nali'i nanda' ipat la'ifina. Na'ama ukup mose'epama pegawa endilisi anona nemaf pefa' amamaga amama bu'wami basef bu'wami Ananimi ma'iami. Basef amama pame'am ea' sawalipasama epes hiesi sape etap hiagoma. Basef amama ae' Pol ataga aman anda' maola awalipasami.

Kolosi 1:27

Okom Ananinai nape na'ama. Anan na'i nihi'ambapa basef amama bu'wami endilisi agel lu'unai, mandawalap magiambama esis amam nematawa hiesi. Basef amama na'ama. Krais nape opalef ipe'imi nomona dei' pape pehafa anona nemaf pefa' nafifili Ananinai pelomana.

Kolosi 1:6

Ama ganima etap hiagoma basef bu'wami amama mawalapai waf bu'unai ma epes hiesi mataga lu'um la'ela'ef mikila' fowa'. Basef amama manda'am na'ama etin si'i fowa' damba damba mali' matagama ipe' pame'am pailam. Nemaf anama ipe' pali' pegawa endilisi okom Godi nagiambamepa na'a, basef amama mawalapai waf bu'unai nataga lu'una ma ipe'.

Kolosi 2:2

Ae' anda'am na'ama ma opalef ipe'imi moloma opalef asasimi motaga la'ifim mope ukup mondao'oma etina sahin owan ipe'isi. Ama ipe' peloma esis pefa' gawa bu'unai endilisi nenda' bale'ef ipe'inai bo'ona ma pegawa basef Godi endilisimi atom. Ae' anda' maol anama ma ipe' peloma esis pegawa basef amama Godi ofagema fowa' mandambahi'i ma'i Krais atona.

2 Tesalonaika 1:10

Nemaf anama Dembinai notanimani nifi'i ma amam nematawa bu'wasi ananisi sefela agel ananinai noloma howalagon ananimi, ea' amam nematawa sombale'efana sondanifela anan sefela agel ananinai. Nemaf anama ipe' wapoti' penda'am na'ama etin. Dei' main, afa' wawalapa basef Godi la'afena ipe' ea' pembale'efa basef amama endilisi.

2 Tesalonaika 2:7

Ipe' pegawa dei' pepel anama nosambala mi'uli Godi ata' nanda' opeh nandambaho' nape. Anama ata' napoma mondahama nogota anama aman anama nili'akwa eaf ananinai nofe'

1 Timoti 3:9

Basef amama endilisimi fowa' mandambahi'i dei' mataga mandawalap alihim, amam mombale'ef la'ifim. Ea' basef mape opalef nomoni ma'iami ma'ipam basef mihi'ambamam waf amamunai ina aona, owa'. Bo'ona.

Hibrui 1:3

Nogalomana atona nafifili lu'unai Godi nafifimapa endilisi. Anan na'ama etin si'i God endilisinai. Anan na'i basef Ananimi la'ifimi atom ea' dei' amamaga amama hiami maloma amam nematawa hiesi sataga la'ifis. Anan atona nasa'opapa ma waf aonai ape' manda'anai mataga bo'wepa andeande. Nanda'am ea', dei' nape lagel da'isinai Godi gani ilif heven God la'ifinai numafi amamaga hiami.

Hibrui 12:2

Naep ape'imi miti Jisas atona anan ofagonama bale'ef ape'inai, nowataniana netaga andeande'ma mombale'efana la'ifipa la'ela'ef mope. Fowa' Anan okom napoma danifela anona nemaf na'i nofa'anai, dei' naitu la'ifina. Ea' nefa' lawag usi'inai tu'wanainai naga'. Anan okom napoma nambimb nofa' nimanimi lu'wami noga' lawag anama, amama falafumi atom. Anan ina umbamahana ma ga' anama, owa'. Ea' dei' nape felefele'ma sia bu'unai Godi lagel da'isinai.

Hibrui 7:7

Ea' ape' mogawa, aman nofalo'manai nape ilifa aman anama nofa' amama bu'wami presen.

Hibrui 8:1

Basef amama anda'ami mape mali'i, ofagema na'ama. Ape' anona Dembinai pris nape nali'ma pris hiami na'ama etin si'i basef mali'i ma'iam. Anan nape sia bu'unai Dembinai lagel da'isinai gani heven ilif.

1 Pita 1:12

Ea' God nihi'ambamam ea' amam ina manda' maol magiambama amam atoma basef amama, owa'. Manda' maol magiambama ipe', ma'i basef amama ma amamaga bu'wami anona nemaf meatagai. Ea' dei' amam mawalipipa basef bu'wami Godi ma'ipipa amamaga amama atom. Ma'ipipa ma pepel Ambal Bu'unai Ananinai nisila'i otaga ilif. Amam profet amama, ina amam atom ukup ma'i basef amama mogawam, owa'. Amam ensel wapoti' ma'i mogawam.

1 Pita 1:20

God owa' ata' nonda' etap anae' notagae, Anan nandandepa Krais ea' ma naga' si'i sipsip anama. Nimeguf amama hiami dei' magi' matagai, Anan nataga nandawalap alihina ma nagiambamepa.

1 Pita 1:21

Anan atona nagiambamepa dei' pembale'efa God. Anan nafela Krais nohafel hi'agif nase'ana agel lu'unai Anan. Amama atom dei' pembale'efa God atona pegawa endilisi anona nemaf anan atona nofa'epa pitanimani.

1 Pita 3:18

Ipe' ukup mopoma Krais anan naga' nemaf atotona nakwaha waf aonai ipe' panda'anai ea' amama ma'um. Aman atotona bu'unai naga' ma nagiambama epes hiesi sanda' waf aonai ma nofa'as sefe'ma God. Alop ananinai, sahana naga'. Ea' ambal ananinai, nohafel nape namona.

1 Pita 3:22

Anan nafe' nalata ilif otaga nape wa'ol lagel da'isinai Godi. Ea' amam ensel hiami maloma agufumi mumafi ilifi mape owina Anan atona.

1 Jon 1:2

Ambal anama namunai nataga ea' afa' watolona naep afa'imi. Amama atom dei' afa' wawalipipa ma ambal anama nape la'ela'efi. Ambal anama fowa' nape naloma Ahalomapa dei' nataga alihina watolona.

1 Jon 3:5

Ipe' pegawa Krais nataga ma nakwaha waf aonai ape' manda'anai hi'alana. Anan ina nanda' anona waf aonai, owa'.

1 Jon 3:8

Satan nanda' waf aonai fowa' damba damba nafi'i nafi'i dei' ata' nape la'ela'ef. Emi egafis sanda' waf aonai la'ela'ef sapomanai, esis epes Satani. Nogalomana Godi nafi'i nataga nandawalapa main? Ma nohambombaga opeh Satan nanda'ami.

Revelesen 17:5

Ea' amef akwa'umi ma agel akwa'unai nail amaga akwa'unai. Agel anama basef mandambahi'i ma'i na'ama ma'i, “Taun lu'wagoma Babilon, anama nondofala mama'wawa nematawa hiawai wanda' so'a wauli ma waf hianai aonai endilisi ma etap anae'.”

Revelesen 17:7

Ea' ensel anama na'ipi na'i, “Dei' maina ine' gegelalasina kwapete'ena? Na'ama owa'. Atuwasi ihi'ambena basef ofagema mape mandambaho'ma nemata'w akwama kwaloma mafin anama nofa'akwi. Mafin anama balagah 7-peleim mapainai ea' wambawa 10-peleim mataganai.

Revelesen 7:9

Amamaga amama hi'alam, ae' ata' atologon wapoti' ati esis amam nematawa hiesi endilisi safi'i sondowa'anima sape. Ea' ina enin epen la'ifina niamba epes isima sataga ma'uma'wis, owa'. Esis hias endililsi. Epes isima sape etap kantri hiagoma ea' epes hiesi sape wambotagw hiami ma alop anama naninani, diga hianai naninani, isima hiesi hi'alas. Esis saitu anama God natoma balata king ma naep sipsip noganai. Sala anom luwaguf afitimi laumi, sahapila bagah lagof asasimi.