1 Timoti 3:15 - Basef Buꞌwami Godi

¹⁵ I'i owa' efo'o etaga ulal, ine' nitiago basef amama negawa waf anama esis sape andeande' ma wambota anama Godi. Wambota anama esis sios amam nematawa Godi ambal namunai napainai. Sios Godi si'i olaf la'ifinai nanda' basef endilisimi la'ifimi.

1 Timoti 3:15 Iomraidhean Croise

Matyu Nandaꞌafi 16:16

Ea' Saimon Pita nagwamana basef na'i, “Ine' Krais, aman anama God nandandepena nasapa'ena nafi'i. Ine' nogalomana God ambal namunai napeinai.”

Matyu Nandaꞌafi 18:18

Ae' a'ipipa endilisi! Amamaga ipe' pahapilam etap anae', amama anona nemaf God nohapilam mape gani ilif heven wapoti'. Ea' amamaga amama ipe' pekwahom etap anae, amama anona nemaf God nokwahom gani heven ilif wapoti'.

Jon Nandaꞌafi 1:17

Fowa' God nase'ana mi'uli Moses ea' Moses nawalipas. Ea' Jisas Krais nikila' Moses nagiambamapa etin ma waf endilisinai.

Jon Nandaꞌafi 14:6

Ea' Jisas na'ipana na'i, “Ae' atowe eaf ofagewe ma basef endilisimi moloma ambal namunai. Owa' enin epen la'ifina nefe' neatagama Ahalome anona eaf, owa'etin. Ea' ae' atowe.

Jon Nandaꞌafi 18:37

Ea' Pailat na'i, “Na'ama ine' enina king dembinai?” Ea' Jisas nagwamana basef na'i, “Ine' na'i ae' anowe dembiwei king. Basef amama endilisimi. Mama'we kolae ma epe king dembiwei. Ae' afi'i etap anae' ma iwalipasa basef endilisimi. Emi egafis sonda' waf endilisinai, esis seme' basef ae'ami.”

Jon Nandaꞌafi 6:69

Afa' ombale'efa ina ea' ogawa endilisi ine' aman Godi bu'unai endilisi, nasapa'ena nafi'i.”

Aposel 1:2

ma dambadamba nali' nanda'am ea' nafi'i natagama nemaf anama God nofa'ana nalata gani heven ilif. Fowa' Jisas owa' ata' nolata heven ilif, Anan nali' nase'ama basef amama na'ipam mehipa maol amam aposel amama Anan nandandepami. Anan nase'ama maol amama pepel anama Ambal Bu'unai Godi.

Aposel 14:15

“Ipe' epes, dei' maina panda'am na'ama? Afa' wandaiwa'. Afa' biafa ina God dembifai, owa'. Afa' epes atofa etin si'i ipe' wawalipipa basef bu'wami. Wawalipipa ma ipe' pekwaha god anama falafunai baso'maimi ma pefe' pembale'efa God ambal namunai nape la'ela'efi. Anan nanda' otaga ilif naloma etap maloma epes hiesi saloma naoh embel lu'wami maloma amamaga hiami mape.

Basef Amama Pol Nandaꞌam Mafeꞌma Esis Romi 3:2

Waf bu'unai hianai natagamana. Waf nali'i anama. God nali' nase'asa basef Ananimi endilisimi atom esis Juda ma sumafiam silam.

Basef Amama Pol Nandaꞌam Mafeꞌma Esis Romi 9:26

Ea' wambel ali' a'ipas a'i, ‘Ipe' ina epes ae'ipei’, anona nemaf wambel anama atona sofalas si'i, ‘Awasi God nape namunai la'ela'ef ananisi.’ ”

1 Korin 10:32

Ipe' ukup mopoma epes hiesi, esis Juda soloma esis owa' Judaisi, soloma amam nematawa isima Godi. Ea' ipe' ina penda' anona waf nonda' esis sowa ma waf aonai, owa'.

1 Korin 3:16

Ipe' pegawa o owa'? Ipe' etipa si'i ipat lu'unai Godi, ea' Ambal Bu'unai Ananinai nape nomona opalef ipe'imi.

2 Korin 3:3

Ipe' pandawalap alihipa, pas amama ea' ipe' etipa. Krais atona nanda' basef maila pas amama. Anan nandandepafa nase'afa pas amama wafo'o wasi'ipami. Anan ina nanda' ing nufandiam, owa'. Anan nufandiama Ambal Bu'unai God nape namunai. Anan ina nufandiam mail anona owap wa'anai si'i buk, owa'. Nufandiam mail ukup ipe'imi nomon.

2 Korin 6:16

Dei' a'ipipa basef amama afela ukup ipe'imi. Ea' ina andeande'ma mokolasa ipat lu'unai Godi noloma amamaga baso'maimi sanda'am sanda' lotumami, owa'. Ipe' pegawa ape' atepa si'i ipat anama God napainai nomon. Si'i fowa' Anan na'iam na'i, “Owagama ae' epe elomas efe' la'afena esis ea' epe God asasiwei ea' esis wapoti' sepe epes ae'asi.”

2 Korin 6:7

Wawalapa basef endilisimi wanda' maol waloma pepel Godi. Afa' waila waf bu'unai si'i wahapila amamaga wapa'ami lagof biam da'isinai iganai.

Galesia 2:9

Esis Kristen sa'i agufumi asasimi Jems naloma Jon naloma Pita. Amam mogawa God nagiambame na'a nase'e maol anama. Ea' manda'afa alupufai onda' maol atotona Godi. Ea' amam wanom ma'i aho' maso'afa lagof aloma Barnabas mihi'amba esis afa' waloma amam wape opalef etifim wanda' maol Godi atona. Ea' amam wanom ma'i aho'ma ondawalagatanima ma afa' biafa ofe' ma esis owa' Judaisi, ea' amam mafe'ma esis Juda.

Galesia 3:1

Ipe' Galesia ukup masi'ipei. Afa' wawalipipa basef alihima Jisas Krais naga'ma ipe' lawag usi'inai tu'wanainai, wawalipipam alihim endilisi si'i patolom naep ipe'imi. Dei' ata' emi namboma ukup ipe'imi mase'epa?

Efesus 4:21

Ae' egawa endilisi ipe' pegawa basef Kraisi ea'. Ipe' pape la'ifipa paloma Anan, amam mawalipipa ma basef amama endilisimi Jisas nihi'ambapa.

Kolosi 1:5

Fowa' basef bu'wami Godi amama endilisimi matagamepa pame'ama amamaga bu'wami ipe'imi God nandandombam dei' ma'oh heven ipe' pape pehafami. Amamaga amama bu'wami ofagema ma bale'ef ipe'inai naloma waf anama ipe' panda'anai ukup maimaila epes hiesi.

1 Tesalonaika 1:9

Dei' esis etis sa'i basefa ipe' pandanifel pa'i nemaf bu'unai ma afa' ea' pame' basef afa'imi fowa' afa' wanofa wafe'mago ipe'. Esis sa'i ipe' pakwaha amamaga amama ambagof awami fowa' ipe' panda' lotumami. Ea' pamboma opalef pafe'ma God. Ea' dei' panda' maola God endilisinai, owa' neaga'i, nape la'ela'ef.

1 Timoti 3:14

Endilisi ae' a'i efe'mago ine' mehip, ea' dei' ata' anda' basef amama mafo'mago ine'.

1 Timoti 3:16

Endilisi, basef amama ofagema lu'wami endilisi. Mandambaho' mape mafe' mafe' dei' God nihi'ambafam alihim. Basef amama na'ama. Anan nataga epen endilisinai nofa' alop epesi nataga nandawalap. Ambal Bu'unai Godi nihi'ambapa ma anan aman bu'unai nape andeande'. Amam ensel Godi matolona. Basef ananimi sa'ipasam mafe'ma kantri naninani hianai amam nematawa hiesi sololama Godi sembale'efana. Ea' God nofa'ana nalata heven nape nafifili ananinai.

1 Timoti 3:2

Ea' emi aman nope numafi siosi nope andeande' endilisi ma epes ina siti anona waf aonai ma anan, owa'. Anan noso' nemata'w atoto'w. Ina nea' embel nohaga nogaol, owa'. Anan okom nopaina numafi alop ananinai andeande'. Anan nila okom bu'unai atona nonda' waf bu'unai hianai. Anan okom ni'i hiesi alupusi etis ananisi hi'ilas nose'as gwa'aimi. Anan nope notaga tisa bu'unai ma basef bu'wami atom.

1 Timoti 3:5

Emi aman owa' numafi awasi soloma waulu'mana andeande', anan ina notaga nope agilinai numafi sios Godi, owa'.

1 Timoti 4:10

God anan ambal namunai napainai. Anan na'i nofa'ai amam nematawa hiesi sotanimani sope andeande'. Ea' dei' endilisi etis nefa'ai epes emi egafis sembale'efanai. Dei' mape mohafana ma'i endilisi nofa'apa. Amama atom dei' manda' maol lu'unai endilisi.

1 Timoti 6:16

Ea' anan atona owa' neaga'i, nape nafifili lu'unai endilisi. Ea' ape' dei' ina la'ifipama mefe' felefele'ma anan, owa'. Dei' enin epen owa' neatolonai. Owagama wapoti' owa' enin epen la'ifina neati Anan, owa'. Ae' a'i agel ananinai lu'unai noloma pepel Ananinai nopoma Anan atona la'ela'ef. Endilisi.

2 Timoti 2:19

Ea' dei' God nawa anona olaf la'ifinai dei' notawa. Olaf anama anom amef mailana ma'i na'ama ma'i, “Dembinai nogawa andeande'ma epes isima Ananisi.” Ea' anom wapoti' ma'i, “Emi egafis sa'i agel Dembinai, sokwaha waf aonai.”

2 Timoti 2:20

Ipat lu'unai nomon dis amama hiami esis sanda' kapa bu'unai gol o siliwa main howalagon sanda'ami, anom sanda' lawah sanda'am, anom sala' etap sanda'ami. Anom sanda'ama maol bu'unai, si'i sanda' gwa'aimi sa'am. Ea' anom sanda'ama maol aonai falafunai, sala alufuta.

Hibrui 10:21

Dei' ape' anona dembinai pris numafi amam nematawa Godi. Anama Jisas atona.

Hibrui 12:22

Ipe' ina pataga ma amamaga amama, owa'. Ipe' pataga halaf Saion, wambel lu'unai taun God nape namunai la'ela'ef. Anama Jerusalem dambaiguma nape heven. Ipe' patagama ensel hiami endilisi mandatama mape mandanifel.

Hibrui 3:12

Alupipei Ae'ipei, ipe' pindumafuma andeande'. Na'ama enin sahin owan ipe'isi okom ninila waf aonai nekwaha bale'ef ananinai newa' alafugama God nape la'ela'efi.

Hibrui 9:14

Ea' esimbel Kraisi mikila' amama endilisi. Krais ina nanda' anona waf aonai, owa'. Ambal Bu'unai Godi nape namunai la'ela'ef nagiambamana ma nondolalima God nase'ana Anan atona hi'alana. Amama atom dei' esimbel ananimi ina mandombasa alop atona ape'inai ande', owa'. Amama mandombasa ukup ape'imi ma basef ma'i opalef nomoni bo'om andeande' endilisi ea' makwaha waf naninani esis sanda'anai owa' seape bo'wesa naep Godi ma ape' dei' manda' maol God nape namunai.

1 Pita 2:5

Ipe' wapoti' si'i owah ambal namunai napaimi. God nape nanda'epa la'ela'efa pataga bo'wepa si'i anona ipat bu'unai ananinai dei' nape nanda'anai. Ama ipe' pepe epes bu'upei penda' maol pindalalima God. Ea' pindalali pese'ana ukup ambagof ipe'imi mofe'ma Anan. Ipe' pindalali penda'am na'ama, okom Godi na'i amama andeande'ma maol anama Jisas Kraisi nanda'anai.

1 Pita 4:17

Nogota anama mataga ea' ma dei' God nowaloga epes hiesi Ananisi ma basef lu'wami. I'i God nili' nowaloga ape' mili', anona nemaf nigi' nowaloga epes isima sosambala basef bu'wami Ananimi sope si'imama? Esis sofa' nimanimi lu'wami.

Revelesen 7:2

Ea' ati anona ensel nafe' nalata ilif aon natefima. Anan nahapila ikwaf la'ifinai Godi nape namunai na'i nosaho' epes sanda' maol Godi. Ea' nofala ensel amama biamibiam God nase'ama pepel ma mohambombaga etap naloma naoh.