1 Timoti 2:8 - Basef Buꞌwami Godi

⁸ Ea' dei' ae' a'i epes hiesi wambel hiagoma sonda' beten. Ae' okom na'i esis hiesi sope bo'wes andeande', sokwaha ukup wandafumi moloma migimigah ea' sonda' beten.

1 Timoti 2:8 Iomraidhean Croise

Matyu Nandaꞌafi 21:21

Ea' Jisas nagwamama basef amam na'ipam na'i, “Ae' a'ipipa endilisi. I'i ipe' pembale'efa ae' endilisi ma ipe' ina ukup biembiefim mupeipa, nambimb ea' penda'am si'i ae' anda'ama lawag anama fik. Ea' ipe' ina penda' amama atom, owa'. I'i ipe' pi'ipa halaf nanima pi'i, ‘Ine' degia nefe' newala naoh,’ nambimb neme'epa nilam si'i ipe' pa'iam.

Matyu Nandaꞌafi 5:44

Ea' dei' ae' a'ipipa anom basef a'i, ipe' ukup mimila naumbih ipe'isi pese'as opalef, penda' betena God niegiambama isima sanda'mepa waf aonai.

Matyu Nandaꞌafi 6:12

Ine' nekwahomapa waf aonai ape' manda'anai si'i ape' makwahomasa waf aonai enis epes sanda'mapanai.

Luk Nandaꞌafi 23:34

Ea' Jisas na'ipa God na'i, “Ahalome, ine' nekwahomama waf aonai amam manda'meanai. Amam ina mogawa andeande' amamaga amama manda'meam ae'i, owa'.” Ea' amam soldia manda' satu ma luwaguf maim Jisasi ma emi nikila' nefa'am mandandamam atona etin.

Luk Nandaꞌafi 24:50

Jisas nao'wa esis amam nematawa hiesi safe' sataga felefele'ma Betani ea' nasa'ma lagof malata nofalo'masa nonda'as la'ifis.

Jon Nandaꞌafi 4:21

Ea' Jisas na'ipakw na'i, “Nemata'w, ine' nembale'efa ae'. Anona nemaf neataga ipe' ina pefe' penda' lotuma Ahalome halaf anama, o penda' lotumana Jerusalem atogon, owa'etin.

Aposel 10:2

Anan aman nanda' lotu naloma epes hiesi ananisi sape ipat ananinai sanda' lotu ma God. Anan nase'as moni maina esis Juda kwahusi otamba maim a'asi. Ea' la'ela'ef nanda' betena God.

Aposel 10:31

Ea' nofale na'i, ‘Kornilius, God name' beten ine'inai ea', okom na'i amamaga hiami ine'imi nase'asam epes isima amamaga a'asi.

Aposel 10:4

Ea' Kornilius natolona umbamahana endilisi na'i, “Dembinai, ine' na'i main?” Ea' ensel na'ipana na'i, “God name' beten ine'inai ea', okom na'i waf ine' nanda'anai nase'as moni maim nagiambama amam nematawa amamaga a'asi. Ea' God ata' okokomam.

Aposel 21:5

Nogota afa'inai hi'alana wambel anama, wa'i a' ofe'. Amam Kristen maloma awasi nematawa amamisi saitumafa wafe' wawis ande'ma taun anama. Ea' ape' mindiwa nembawa manda' beten naoh akata.

Aposel 7:60

Ea' nindiwa nembawa notawa na'i mehip na'i, “Dembinai, ine' owa' negwamama waf anama aonai ma amam, owa'.” Stiven na'iam na'ama, ea' naga'.

1 Korin 7:7

Ae' okom na'i ipe' amam nematawa hipei pepe si'i ae' Pol apan, owa' eso' nemata'w. Ea' God nase'as amamaga bu'wami presen mandandas deindei'. Anona anona presen, anona anona presen.

2 Korin 2:14

Ea' dei' afa' wanifela God. Anan la'ela'ef nagiambamafa wape la'ififa waloma Krais ea' wali'amona wandafa waf aonai. Ama maol afa'inai God nawalapa basef ea' enis epes sogawa basef Kraisi. Gawa anama anan si'i alogw bu'wami ma mafe'agon hiagoma.

Filipai 1:12

Alupipei, dei' a'i ipe' pegawa amamaga mali' matagama ae' ma anda' kalabus, ina masopama basef bu'wami Godi, owa'. Amama manda'am mafe' lu'um endilisi ma hiesi seme'am.

1 Tesalonaika 1:8

Basef Dembinai ipe' pa'ipasami mogal ma'i mafe' si'i wata nalef mehip. Ina mafe' Masedonia naloma Akaia atogon, owa'. Anama hiagoma esis same' basefa ipe' pembale'efa God. Afa' ina wa'ipa epes isima, owa'. Ipe' pali' paso' opalefa God andeande'.

1 Timoti 5:14

Amama atom dei' a'i nematawa awama alifiwai ata' awiawai nambimb oso' amam wapoti' ma ola awasi umafias ope ifagw awaumi atom. Ae' a'i awau ina onda' anom amamaga awami motagama esis naumbih ma si'i anom basef awami ma ape', owa'.

Taitus 3:8

Basef amama endilisimi ma ape' hiapai mombale'efam. Ae' a'i newalapa basef amama ni'iam mehipa epes isima sombale'efa God ea'i ukup mopoma situ la'ifisa waf bu'unai. Basef amama ma Jisas Krais naloma God, amama bu'wami ma migiambama epes.

Hibrui 10:22

Amama atom dei' ape' mofe' felefele'ma Goda waf anama. Ape' mokwaha waf hianai baso'mainai ma opalef ape'imi ea' mombale'efana endilisi. Ukup mopoma Krais atona, Anan nakolo' esimbel Ananimi nasa'opa opalef ape'imi mataga bo'om. Basef mape opalef nomoni ina ma'iam ma'ipapa basef mihi'ambapa waf aonai ape' manda'anai, owa'. Ea' ape' ukup mopoma Anan nasa'opa alop ape'inai embel galagami.

Jems 4:8

Ipe' pifi'i felefele' endilisi ma Goda Anan nifi'i felefele' endilisi ma ipe'. Ipe' panda' waf aonai, pekwaha waf anama ipe' panda'anai si'i epes sasa'opa lagof asasimi mataga bo'om. Ipe' epes malogof biamipei, ipe' pekwaha waf anama ea' penda' ukup ipe'imi motaga bo'om.

1 Pita 3:7

Ipe' amam wauhupawa wapoti' pimafiawa ma gawa bu'unai, ukup mopoma alop awaunai ina la'ifina, owa'. Ipe' penda'awa andeande' pefela agof awaumi. Dei' main, awau wapoti' dei' walomepa ofa' ambal namunai God nose'epana. Ipe' penda'mawam na'ama ma ina anom amamaga mili'akwa beten ipe'inai, owa'.