1 Timoti 2:4 - Basef Buꞌwami Godi

⁴ Anan na'i nofa'ai epes hiesi sotanimamai Anan sope andeande'ma sogawa basef endilisimi ofagema.

1 Timoti 2:4 Iomraidhean Croise

Matyu Nandaꞌafi 28:19

Na'ama dei' ipe' pefe' wambel hiagoma piwalipa amam nematawa sape wambotogw hiami piwalipasa basef bu'wami ae'ami, penda'as sotaga alupisi ae'asi ma siela basef Ae'ami andeande' ea' pipisi'as embela agel Ahalomei noloma Ae'anai noloma Ambal Bu'unai Ananinai.

Mak Nandaꞌafi 16:15

Ea' na'ipam na'ama na'i, “Ipe' pefe' wambel hiagoma pi'ipasa basef bu'wami Godi ma amam nematawa hiesi hi'ilas.

Luk Nandaꞌafi 1:77

Ama neawalipa amam nematawa ananisi seagawa anan nefa'as seatanimani. Ama neakwaha waf aonai asasinai.

Luk Nandaꞌafi 14:23

Ea' dembinai na'ipana na'i, ‘Ine' fo'o eaf hianai lu'unama sa'onama nila indalelemb nefe' aof ea' ni'ipasa basef la'ifimi sifi'i suwisi nomon ipat ae'anai ma si'ina.

Luk Nandaꞌafi 24:47

Ama agel ananinai anona nemaf alupusi ananisi sili' sowalapa basef Jerusalem ea' si'ipasam amam nematawa hiesi hi'ilas sape wambel hiagomai ma seamboma opalefa God nokwahomasa waf aonai esis sanda'anai.

Jon Nandaꞌafi 14:6

Ea' Jisas na'ipana na'i, “Ae' atowe eaf ofagewe ma basef endilisimi moloma ambal namunai. Owa' enin epen la'ifina nefe' neatagama Ahalome anona eaf, owa'etin. Ea' ae' atowe.

Jon Nandaꞌafi 17:17

Basef ine'imi amama endilisimi. Ine' nenda' esis sotaga ine'isi etis bo'wes ma basef amama.

Jon Nandaꞌafi 6:37

Emi egafis Ahalome nase'eas ae'i, isima nambimb sifi'mai ae'. Emi egafis si'i seafi'mai ae'i, ae' ina anona nemaf egalo'mas, owa'etin endilisi.

Basef Amama Pol Nandaꞌam Mafeꞌma Esis Romi 11:14

Maol anama ae' okom na'iana endilisi ma efela esis Juda wambota ae'asi ma kowalasa ipe' dei' pape andeande' paloma God. Ama ae' efa' esis Juda tu'wanis etis sotanimani sifi'mai God.

1 Timoti 4:10

God anan ambal namunai napainai. Anan na'i nofa'ai amam nematawa hiesi sotanimani sope andeande'. Ea' dei' endilisi etis nefa'ai epes emi egafis sembale'efanai. Dei' mape mohafana ma'i endilisi nofa'apa. Amama atom dei' manda' maol lu'unai endilisi.

2 Timoti 2:25

Anan nuwalipas sa'ombel nihi'amba andeande' epes isima sandaiwa'manai sosambala basef ananimi. Anan nonda' maol na'ama nigiambamas, anona nemaf somboma opalefa sogawa basef endilisimi andeande'.

2 Timoti 3:7

Nematawa awama la'ela'ef wanda' maola ofa' basef, ea' ina ogawa basef ofagema endilisimi, owa'.

Taitus 1:1

Ae' Pol anda' maola Godi, ae' aposel Jisas Kraisi. Anan nandandepe ma eawalipasa basef ananimi. Anan nasapa'e ma igiambama esis amam nematawa nandandepas ea' ananisi ma enda'as sotaga la'ifis sombale'efana sogawa basef endilisimi ma sila waf ananinai.

Taitus 2:11

Ape' mogawa okom Godi lu'unai nainaila ape' ma nigiambamapa na'a anama nataga nandawalap ea', epes hiesi wambota lounai agufisi saloma agof a'asi hi'alas satolona. Ama nofa' amam nematawa nokwahomapa waf aonai mutanimani mofe'ma anan.

Hibrui 10:26

I'i ape' mogawa basef endilisimi ma dei' ape' mila ukup ape'imi atoma mofe' monda' waf aonai la'ela'ef, i'i monda'am na'ama, ina anona nemaf anona ofa nokwaha waf aonai ape' manda'anai, owa'.

Jems 3:14

Ukup ipe'imi ina kowalepa ma pefa' amamaga hiahaom otamba maim enis epesi, owa'. Ipe' ina pefela agof ipe'imi, owa'. Ipe' penda' waf anama pi'i ipe' etipa gawaipei, ipe' pambaso'mas. Na'ama hapaimi. Gawa anama ipe'inai ina endilisinai, owa'.

2 Pita 3:9

Dembinai ina nanda' maol so'uso'umbela nowalapai amamaga anan okom na'i endilisi etina nienda'ami si'i enis epes ukup mapoma maol sanda'ana so'uso'umbel, owa'. Anan nandaiwa'ma enin epen atitin higililan. Anan okom na'i epes hiesi hi'ilas somboma opalef sefe'ma Anan. Amama atom dei' Anan okom napoma ipe' dei' nape nohafepa palomas.

2 Jon 1:1

Ae' agiliwei imafi esis Kristen anda' basef mafe'mago ine', nemata'w God nandandepa'wi kwaloma awasi akwa'usi. Ae' okom nainaila ipe' endilisi. Ina ae' atowe okom nainailipa, owa'. Amam nematawa hiesi sogawa basef endilisimi, esis wapoti' ukup maimailipa.

Revelesen 14:6

Ae' ati anona ensel nufia' nafe' gani ilif. Nofa'ai basef bu'wami Godi mape la'ela'efi nanda' opeh amama ma na'ipasa basef amama esis amam nematawa hiesi sape etapi. Nawalapama epes hiesi sape kantri hiagoma gani etap hiagoma sa'i diga naninani ma alop naninani hianai.