1 Timoti 1:5 - Basef Buꞌwami Godi

⁵ Ea' mi'uli anama dei' a'ipinanai, i'i esis sombale'efana silana, basef mape opalef nomoni ma'iami ma'ipas mihi'ambasa waf esis sanda'anai ina aona, owa'. Esis sombale'efa God endilisi. Ama nambimb waf anama hianai nefela ukup asasimi mimila God noloma enis epes wapoti'.

1 Timoti 1:5 Iomraidhean Croise

Matyu Nandaꞌafi 12:35

Epes bu'wasi, esis ukup bu'wami mapeis ea' sawalapa waf bu'unai. Ea' epes awasi waf hianai aonai napeis ea' sawalapa waf aonai atona.

Matyu Nandaꞌafi 5:8

Ea' ipe' emi egafipa ukup mape bo'om andeande' ma waf aonai a'epa, dei' ipe' pandanifel ea'. Dei' main, ipe' anona nemaf piti God.

Aposel 15:9

Anan ina nanda' anona wafa ape' ea' nonda' anona waf esis, owa'. Esis sembale'efa God amama atom opalef asasimi mataga bo'om si'i afa'.

Aposel 23:1

Pol nati amam Juda dembami mumafi koti la'ifina ea' na'i, “Ipe' sahope, ae' afe' naep Godi ea' okom ae'anai bo'ona nafe'ma naep Godi, afi'i ataga dei'. Basef mape opaf ae'anai nomoni ma'iami ma'ipi basef mihi'ambe ma waf ae' anda'anai ina aona, owa'.”

Aposel 24:16

Ea' la'ela'ef ae' anda' maol lu'unai ma epe andeande' ma malogel nape opaf ae' nomoni ina nihi'ambe anona waf aonai ae' anda'anai, owa'. Ae' anda' maola waf aonai a'e ma naep Godi naloma naep epesi wapoti'.

Basef Amama Pol Nandaꞌam Mafeꞌma Esis Romi 12:9

Ipe' ukup maimaila esis sahin owan, ipe' ukup milas endilisi. Ipe' ina pembaso'am, owa'. Ipe' pewa' alafugah endilisi ma waf aonai, pepe la'ifipa endilisi ma waf bu'unai.

Basef Amama Pol Nandaꞌam Mafeꞌma Esis Romi 14:15

I'i ipe' pea' anom gwa'aimi ea' dei' pehambombaga enis epes sahin owan ipe'isi, ipe' pegawa, ipe' ukup ina maimaila sahin owan ipe'isi, owa'. Krais naga' ma nofa'ai epes isima ipe'isi sahin owan. Ea' ipe' ina pehambombagas ma gwa'aimi ipe'imi.

Basef Amama Pol Nandaꞌam Mafeꞌma Esis Romi 9:1

Basef amama ae' a'iemi endilisi, ae' aman Kraisi ea' ina ambase'am, owa'. Ambal Bu'unai Godi nihi'ambe nalome umafi basef mape opaf nomoni mihi'ambe ma'ipi a'i basef endilisimi atom.

1 Korin 13:1

I'i ae' egawa ma i'i diga naninani epesi soloma enseli wapoti' ma ae' owa' okom mimilas ese'asa okom igiambamas, basef ae'ami falafumi atom si'i saha olef wata malef etini.

2 Korin 1:12

Afa' wandanifel ma amamaga amama. Basef mape opalef ape'imi nomon mawalapa basef amama ma'ipafa wafe' waf bu'unai andeande' ma waf opalef bu'wami God naso' afa'. Gawa epes etapasi ina nawalapa waf anama ma afa', owa'etin. God nati uwahipifa endilisi nagiambamafa na'a dei' wanda' waf na'ama. Wanda' waf anama na'ama la'afena epes hiesi sape etap anae' ea' wanda'am na'ama hianai ma ipe'.

Galesia 5:22

Ea' Ambal Bu'unai Godi nawalapai waf bu'unai na'ama. Waf ukup maimaila enis epes, danifel, opalef awanemi, waf nape natilisa sonda'mena waf aonai, waf sati uwahipisanai, waf ukup bo'oma enis epes nigiambamas, nanda' amamaga andeande' ma naep epesi God wapoti',

Galesia 5:6

Emi egafis sepe la'ifisa Krais Jisas, waf anama matopa' alopanai o owa' motopa' alopanai anama falafunai atona owa' la'ifina. Ea' waf sombale'efa Krais atona nawalapai waf ukup maimailasanai. Amama bu'wami endilisi mikila'.

1 Timoti 1:18

Nogalome ae'inai Timoti, dei' ase'enago basef amama nenda' maol. Ae' okom napoma basef Godi afagel nimbewa'inai amam profet Ambal Bu'unai Godi nafela ukup amamumi ma'ipinami. Ine' nila basef amama, nenda' wandaf la'ifina andeande' neloma esis naumbih.

1 Timoti 1:19

Wandaf anama ine' la'ifina nembale'efa God nenda' waf bu'unai andeande', ma basef mape opaf ine' nomoni ina ma'ipina anona waf aonai ine' nanda'anai, owa'. Enis epes soso' alafugaha waf anama bu'unai. Ea' dei' bale'ef asasinai aona si'i sip papalalana nail otamba aona nala naoh.

1 Timoti 3:9

Basef amama endilisimi fowa' mandambahi'i dei' mataga mandawalap alihim, amam mombale'ef la'ifim. Ea' basef mape opalef nomoni ma'iami ma'ipam basef mihi'ambamam waf amamunai ina aona, owa'. Bo'ona.

2 Timoti 1:3

Esis ihase ae'asi saila waf Godi, dei' ae' wapoti' ailana. Ea' malogel nape opaf ae' nomoni ina nihi'ambe anona waf aonai anda'anai, owa'. Beten ae'anai owamb alip la'ela'ef ae' okom napomena anifela God.

2 Timoti 1:5

Ae' okom napoma bale'ef ine'inai, anama endilisinai, ina baso'omunai, owa'. Bale'ef anama fowa' nali' napoma iha'mena ine'ikwi Lois kwaloma mama'wena Yunis. Ea' egawa endilisi, bale'ef anama dei' napoma ine' wapoti'.

2 Timoti 2:22

La'ela'ef ine' nendafa'ma ukup amama awasimi mataga ma amam amama awomimi. Nenda' maol bu'unai la'ifina nembale'efa God nila waf bu'unai neloma okom nainaila enis epesanai. Ea' nila waf opaf awaninai, neloma epes isima opalef mape bo'om andeande' sofala Dembinai.

Taitus 1:15

Ukup epes isima opalef bo'oma waf bu'unai, amamaga hiami bo'om andeande' ma esis. Ea' ukup epes isima aom ea' esis owa' sombale'efa Kraisi, opalef asasimi ina bo'om, owa'. Ukup asasimi maloma basef mape opalef asasimi nomoni aom endilisi.

Hibrui 10:22

Amama atom dei' ape' mofe' felefele'ma Goda waf anama. Ape' mokwaha waf hianai baso'mainai ma opalef ape'imi ea' mombale'efana endilisi. Ukup mopoma Krais atona, Anan nakolo' esimbel Ananimi nasa'opa opalef ape'imi mataga bo'om. Basef mape opalef nomoni ina ma'iam ma'ipapa basef mihi'ambapa waf aonai ape' manda'anai, owa'. Ea' ape' ukup mopoma Anan nasa'opa alop ape'inai embel galagami.

Hibrui 13:18

Ipe' penda' betena God nigiambama afa'. Afa' ogawa basef mape opalef nomoni ma'iami ma'ipasa basef mihi'ambafa waf afa'inai ina aona, owa'. Ea' dei' wa'i wila waf bu'unai andeande' nimeguf hiami la'ela'ef.

Hibrui 9:14

Ea' esimbel Kraisi mikila' amama endilisi. Krais ina nanda' anona waf aonai, owa'. Ambal Bu'unai Godi nape namunai la'ela'ef nagiambamana ma nondolalima God nase'ana Anan atona hi'alana. Amama atom dei' esimbel ananimi ina mandombasa alop atona ape'inai ande', owa'. Amama mandombasa ukup ape'imi ma basef ma'i opalef nomoni bo'om andeande' endilisi ea' makwaha waf naninani esis sanda'anai owa' seape bo'wesa naep Godi ma ape' dei' manda' maol God nape namunai.

Jems 4:8

Ipe' pifi'i felefele' endilisi ma Goda Anan nifi'i felefele' endilisi ma ipe'. Ipe' panda' waf aonai, pekwaha waf anama ipe' panda'anai si'i epes sasa'opa lagof asasimi mataga bo'om. Ipe' epes malogof biamipei, ipe' pekwaha waf anama ea' penda' ukup ipe'imi motaga bo'om.

1 Pita 1:22

Ipe' paila basef amama, amama atom dei' manda' opalef ipe'imi bo'om. Ea' dei' ipe' panda' waf anama ukup maimailasanai panda'ana endilisi. Ipe' ina pembase'am alupupei ma alop atona, owa'. Dei' penda' waf ukup maimailasanai la'ifipa pikila' fowa' panda'anai. Ea' ukup mimila Kristen hiesi pindagigiambanama peloma esis.

1 Pita 3:16

Ea' ipe' pegwamasam peloma opalef awanemi ea' penda'as andeande' pinifelis. Ipe' penda' waf bu'unai ma basef mape opalef nomoni ma'iami ma'ipipa basef mihi'ambepa waf ipe'inai ina aona, owa'. Penda'am na'ama ma esis si'ipipa basef awami ma pe bu'unai paila Kraisi ma esis ambagof aoma basef amama awami esis sa'ipipami.

1 Pita 3:21

Embel amama lu'wami mondola'wifa sofa' baptais migiambamepa pepe andeande'. Amama ina masa'opa alogwa alop atona ande', owa'. Amama anom basef endilisi la'ifimi ape' ma'iam maloma God, amama mataga mape opalef nomoni bo'om andeande'. Amama mofa'epa petanimani ma pepel anama atona Jisas Krais notanima nohafel.

1 Pita 4:8

Basef lu'wami mape mali'ma basef hiami amama. Ipe' ukup mimila sahin owan ipe'isi la'ifipa endilisi. Dei' main, waf anama ukup mimilasanai nase'ala waf hianai aonai ea' nikila' waf hianai hi'alana.

2 Pita 1:7

Ea' waf anama hianai bu'unai nali'i piwataniana noloma waf ukup mimila sahin owan atona etin pigiambamas. Ea' waf anama ukup maimailasanai piwatania waf bu'unai pigiambama sahin owan ipe'isi.

1 Jon 3:10

I'i ape' mi'i mogawa epen emi egalin, nogalomana Satani o nogalomana Godi, ape' mogowas na'ama. Emi egalin owa' nanda' waf bu'unai ma owa' okom ninila alupusi ananisi, enin ina epen Godi, owa'.

1 Jon 3:23

Basef la'ifimi Godi ma'i na'ama ma'i ape' mombale'efa agel nogalomanai Jisas Krais ea' ukup mimila sahin owan ape'isi si'i Anan na'ipapa basef la'ifimi.

1 Jon 3:3

Emi egafis sape sohafa Anan nufi'i, esis sape sandondombam opalef asasimi la'ela'ef ma sope bo'wes andeande' si'i Krais nape.