1 Timoti 1:3 - Basef Buꞌwami Godi

³ Fowa' ae' afo'o etap hiagoma Masedonia ma a'ipina dei' na'ama etin a'ipina wapoti'. Ine' ata' nepe la'ela'ef na'ama Efesusa ni'ipa anom amam mehipa ina mi'ipasa anom basef baso'maimi, owa'. Mi'ipasa basef Godi atom.

1 Timoti 1:3 Iomraidhean Croise

Aposel 18:19

Esis safe' sataga Efesus, Pol nakwaha esis Prisila kwaloma Akwila wambel anama. Ea' anan atona nafe' nawis ipat esis Juda sa'i basef sapeinai naloma esis Juda sa'i basef nawalipasa basef Godi ma nefela ukup asasimi sombale'efa Jisas.

Aposel 18:21

Ea' na'i nemaf bu'unai ma esis na'i, “I'i God ni'i aho'me, anona nemaf itanimai ifi'i itilipa.” Ea' nakwaha Efesus nafe' sip.

Basef Amama Pol Nandaꞌam Mafeꞌma Esis Romi 15:26

Esis Kristen sape etap hiagoma Masedoniai saloma esis Kristen Griki sa'i basef sandame'mam ea' ma sowala amamaga asasimi sonda' tu'wanim mefe' Jerusalem, soso' esis amam nematawa Godi amamaga a'asi.

Basef Amama Pol Nandaꞌam Mafeꞌma Esis Romi 16:17

Alupipei, ae' a'ipipa basef la'ifimi pindumafuma andeande' pepoma enis epes sanda' waf aonai sanda' ipe' Kristen pendawal biefipa sosambala basef amama ipe' pefa'ami. Waf anama esis sanda' epes hiesi sanda' waf aonai. Ipe' pese'as alafugah epes isima.

2 Korin 11:4

Dei' main, enis epes safi'i satagama ipe' sawalapa basefa anona Jisas, anan ina Jisas anama afa' wawalapa basef wa'ianai, owa'. Ea' ipe' dei' pefa' anona ambal, ina Ambal Bu'unai Godi fowa' ipe' pefa'anai, owa'. Ea' ipe' pefa' anom basef, ina basef amama bu'wami Godi pefa'ama afa', owa'. Epes isima safi'i sambaso'mepa sa'i anom basefa anona Jisas la'afena ipe', ea' pa'i aho'ma epes isima pandagalamas pa'i basef asasimi bu'wami.

Efesus 4:14

I'i ape' motaga na'ama, ape' ina ata' mape mundati si'i awasi gawa a'asi wapoti', owa'. I'i epes isima sogawa endilisi sakikipapa ma waf baso'maimi si'ipapa basef hiami mamumami, amama ina mamboma ukup ape'imi mape si'i naoh makoto'ma kanu. Amama ina makoto'mapa manda'apa si'i uf nafapusapa mafe' mafi'i, owa'.

Filipai 2:24

Ae' ape la'ifiwi ma Dembinai a'i anan nambimb nonda'me eaf ekwaha kalabus efe'mago ipe'.

1 Timoti 4:11

Ine' ni'ipasa basef amama mefe'mago esis amam nematawa niwalipas mehip silam.

1 Timoti 4:6

I'i ine' ni'ipasa basef amama esis Kristen alupusi, nambimb nepe epen bu'unai nonda' maol Krais Jisasi. Ea' nefa' pepel lu'unai ma basef mefela bale'ef ine'inai ma gawa bu'unai.

1 Timoti 5:7

Ine' nefela ukup nematawai ma wila basef amama ma onda' waf bu'unai, ma awau upe andeande'. Ama enin epen ina ni'ipawa ni'i awau wanda' waf aonai, owa'.

1 Timoti 6:10

Waf anama ukup ma'i otamba endilisi, ofagema ma waf hianai aonai. Enis epes ukup lu'um ma'ima'i otamba endilisi, waf anama nambomas sakwaha sombale'efa God safe'ma waf aonai. Ea' sofa' nimanimi lu'wami endilisi.

1 Timoti 6:17

Ine' ni'ipa epes isima amamaga hiamisi ma etap anae' ina sosambala basef endilisimi sombale'efa amamaga amama mamumami hiami anona nemaf motaga aom endilisi, owa'. Ine' ni'ipasa sombale'efa God endilisi andeande'. Anan atona nase'apai amamaga hiami bu'wami manda' ukup ape'imi mataga bo'om mandanifel.

1 Timoti 6:3

Basef dembinai Jisas Kraisi mawalipapa andeande'ma waf Godi. I'i anona aman nokwaha basef amama ma nowalipa esisa anom basef owa' mefe' dende'ma basef amama bu'wami Jisasi, ape' mogawa aman anama na'i nosambala basef Godi. Anan ina nogowa andeande', owa'. Anan nomonas a'anai. Anan okom na'i basef nalomas sandahihianama. Sa'i basef amama, nafitap nalomasa basef amama ofagema. Basef amama atom mawalapa waf anama. Opalef aoma enis epes, sanda' findiwa ma sope ukup aom mopoma sahin owan.

2 Timoti 1:18

Ae' anda' betena Dembinai ma niti anan uwahipina nemaf anama bu'unai. Anan nagiambame nimeguf hiami wambel anama Efesus, amama ine' negawam andeande'.

2 Jon 1:7

Enis epes sambaso'mami safe' ganigani etap hiagoma. Esis ina sawalipasa Jisas Krais sa'i anan nogalomana Godi nataga epen endilisinai, owa'. Esis sambaso'mami, isima naumbih Kraisi.

Revelesen 2:14

Ea' Ae' a'i i'ipipa anom basefa waf aonai ipe' panda'anai dei' ata' napomepa. Enis amam nematawa sape salomepa Pergamum, esis ata' saila waf anama si'i anona aman Balam fowa' nanda'anai la'ifis. Waf aman anama na'ama. Fowa' gani anan nihi'amba anona aman Balak nambaso'mana nanda' esis amam nematawa Israelisi sowa sanda' waf aonai. Ea' Balak nafela ukup esis Israeli ma sagwa' mafis maloma gwa'aimi amama saso' god baso'omunai sanda' waf aonai so'a waolanai.

Revelesen 2:20

Ea' Ae' anom basefa waf aonai ipe' panda'anai. Ipe' pati nemata'w akwama Jesebel kwape kwalomepa. Akwa'w kwa'i, ‘Ae' profet a'i basef Godi mandambahi'i.’ Owa', kwambaso'mepa kwawalipa ipe' panda' maola ae'i panda' waf so'a waolanai aonai ma pa' gwa'aimi amama sondolali saso' god baso'omunai.