1 Timoti 1:17 - Basef Buꞌwami Godi

¹⁷ Anan dembinai King nape la'ela'ef. Anan owa' neaga'i, epes owa' la'ifisa sotolona. Anan atona God endilisinai. Ae' a'i agel lu'unai pepel nafifili mopoma Anan atona la'ela'ef. Endilisi.

1 Timoti 1:17 Iomraidhean Croise

Matyu Nandaꞌafi 25:34

Ea' ae' dembiwei king i'ipa esis isima sape lagel kwahisinai i'i, ‘Ipe' Ahalome ae'anai nofalo'mepa ma pendanifel, ipe' piwis kingdom Ananinai pefa' amamaga amama ipe'imi fowa' etap owa' ata' neatagai ma'omipei.

Matyu Nandaꞌafi 28:20

Ea' piwalipasa sila basef bu'wami hiami ae'ami fowa' awalipipami ma basef la'ifimi. Endilisi ae' ape alomepa ma nimeguf hiami danda, pefe' pefe' ma nemaf akutainai nogota hi'ilana.”

Matyu Nandaꞌafi 6:13

Ine' owa' nili'apa mefe'ma amamaga ahifimi meagwamba ape'i. Hapaimi. Netagahipa ma epen aonai.’ ” [Wambel ine'inai noloma pepel ine'inai noloma nafifili ine'inai, amama ine'imi atom la'ela'ef hihif. Endilisi.]

Jon Nandaꞌafi 1:18

Owa' anona epen nieti Gode. Owa'etin. Nogalomana anama Godi atotona natolona. Anan na'ama etin si'i God. Anan nape felefele' endilisi naloma Ahalomana ea' nawalapa basef ofagema ma ape' nihi'ambapa God.

Jon Nandaꞌafi 5:44

Ukup ipe'imi ma'i mefa' agof lu'wami ma sahopepa owapepa ipe'imi atom. Ea' God owa'. Na'ama ipe' pembale'efe pi'imama? Owa'etin.

Basef Amama Pol Nandaꞌam Mafeꞌma Esis Romi 1:20

Fowa' dambadamba God nanda' amamaga hiami mataga nogota anama nafi'i nataga dei', esis sati amamaga anan nanda'ami. Amamaga amama esis wilama sogawa ma anona waf hianai Godi esis owa' la'ifisa seatolona naepi. Amama na'ama. Esis satolona endilisi waf Godi ofagena, Anan Dembinai nikila' amam dambami hiami mape etapi. Esis sati waf anama naloma pepel lu'unai Ananinai nape la'ela'ef. Ea' amama atom dei' esis ina anona eafa sondahali' sombaho'a waf aonai esis sanda'anai sie'i, “Afa' owa' ogawae.” Owa'etin.

Basef Amama Pol Nandaꞌam Mafeꞌma Esis Romi 1:23

Ea' sase'ana alafugaha God owa' neaga'i naloma agel lu'unai Ananinai. Esis ina sanda' lotumana sanifelona, owa'. Sambala lawah maim falafumi atom mataga god baso'omainai asasinai mandati si'i amiguf, mafis, iguf maim maloma epes owa' seape namusi la'ela'efi, ea' sanda' lotumam sanifelom.

Basef Amama Pol Nandaꞌam Mafeꞌma Esis Romi 11:36

Anan nanda' amamaga hiami hi'alam mape ilif etapi numafiam. Ea' amamaga amama mape ma mefela agel ananinai atona. Ape' epes hiapai hi'ilapa mefela agel ananinai la'ela'ef. Endilisi.

Basef Amama Pol Nandaꞌam Mafeꞌma Esis Romi 16:27

Anan atotona nogawa endilisi. Ape' mefela agel ananinai la'ela'ef. Jisas Krais atona nogiambamapa monda'am na'ama. Endilisi.

Basef Amama Pol Nandaꞌam Mafeꞌma Esis Romi 2:10

Ea' God anona nemaf nose'asa pe bu'unai ma nafifili noloma agof lu'wami moloma opalef awanemi epes isima hiesi sanda' waf bu'unai. Esis Juda sili' ea' isima owa' Judaisi sigi'.

Basef Amama Pol Nandaꞌam Mafeꞌma Esis Romi 2:7

Enis epes sape la'ifis la'ela'efa waf bu'unai sagolopa eafa sofa' agof lu'wami, siti nafifili ma sope andeande' la'ela'ef. Epes isima God anona nemaf nonda'as sope andeande' la'ela'ef.

Kolosi 1:15

Krais anan na'ama etin endilisi si'i God anama ape' owa' meatolonai. Anan nali'i endilisi ma amamaga hiami God nanda'ami mape ilif etapi hi'alam maloma amamaga ambagof mapaimi maloma epes hiesi wapoti'.

Hibrui 11:27

Moses nembale'efa God. Amama atom dei' nohafel nakwaha etap hiagoma Isip. Anan ina umbamahana ma okom wandafunai King Feroi, owa'. Anan si'i nati aman anama esis owa' la'ifisa seatolona naep asasimi. Ea' dei' nape la'ifina.

Hibrui 2:7

Ine' nanda' amam ensel mape dambem la'ifima esis isima amam nematawa etapasi nogota bandana. Ine' nase'asa agof lu'wami nanda'asa sataga dambes.

1 Pita 5:11

La'ifimi hiami ananimi atom la'ela'ef.

2 Pita 3:18

Ea' ipe' pepe pila waf anama Dembinai Jisas Krais nagiambamapa na'a nofa'apa motanimani. Ea' pitu la'ifipa ma waf anama noloma gawa anama Kraisi pikila' fowa' pali' pape panda'am. Ae' a'i agel bu'unai atona dei' la'ela'ef nopomana nefe' anona nemaf owagama wapoti'. Endilisi.

1 Jon 4:12

Ina enin epen nati God, owa'. I'i ape' atepa ukup mimila sahin owan ape'isi, God nope la'ifina ma ape' ea' okom ananinai nainaila ape'i atuwasi nope nolomapa opalef ape'imi nomona monda'am na'ama etin ape' ukup mimila sahin owan ape'isi.

Basef Ifimba Jut Nandaꞌafi 1:25

Anan atona God, nefa' ape' motanimani ma lagel Dembinai ape'inai Jisas Krais. Nafifili naloma agel lu'unai pepel lu'unai naloma waf anama nape la'ifinai numafi amamaga hiami, amama ananimi atom nafi'i nafi'i nataga dei' anona nemaf owagama wapoti' nope na'ama etin la'ela'ef hihif. Ea' ma'um.

Revelesen 15:3

Esis sanda' awaf Moses nanda'mana opeh Godi naloma awaf sipsip noganai. Awaf anama na'ama. “Dembinai, ine' God pepel hianainai. Opeh hiami ine' nanda'ami, amama la'ifimi ea' afa' watolom ukup matameamam hiahiam! Ine' king numafi epes hiesi ea' waf ine'inai bo'ona endilisinai hi'alana!

Revelesen 17:14

Anona nemaf mopa' moloma sipsip noganai. Ea' sipsip noganai nikila'am. Epes saila fala ananinai naloma basef ananimi andeande', isima nandandepas ananisi etis, epes isima anona nemaf la'ifisa solomana sigikila' wandaf anama.”

Revelesen 19:1

Amama mafe'ma ea', ame' anom amamaga mame' si'i mif lu'wami esis amam nematawa hiesi sape heven ilifi. Esis sa'i na'ama sa'i, “Ape' mefela agel Godi lu'una! God ape'inei atona nefa' ape' motanimani. Anan agel lu'unainai, pepel lu'unainai, nafifili napeinai.

Revelesen 19:16

Anom amef agel Ananinai mailana nimbe naloma luwaguf ananimi. Agel anama na'ama. Dembinai king ma amam king hiami, Dembinai ma dembemi hiami.

Revelesen 19:6

Ea' ame' anom amamaga si'i basef hiami matagama epes amam nematawa hiesi sandatama sapani. Sape sa'i mimil si'i embel mowa kululu' etin. Ea' anom amamaga manda'am si'i otaga dilulu bugwalag, maf anama na'iam mehip na'ama na'i, “Ape' mefela agel Godi! Dembinai anan God ape'inei. Anan pepel hianainai! Dei' anan nataga king endilisi ma numafi amamaga hiami hi'alam.

Revelesen 7:12

Amam ma'iam na'ama ma'i, “Endilisi! Ape' mandanifel endilisi ma God ape'inai mafela agel ananinai lu'una! Anan Dembinai ofagonama howalagon. Anan nomonas hiami bu'wami mapaina ea' ape' manifelona mafela agel ananinai! Anan pepel hiamunai endilisi! Pepel lu'unai napoma Anan! Amama hiami ananimi atom la'ela'ef. Endilisi!”